POS 1: Miles, Track and Field Hottie

Sprint: Three

///

Hanggang madaling araw sila sa labas ng Mechevel Hall dahil inilabas ng mga tauhan ng Bruhang Ophelia ang mga nahuling kontrabando nila. Ngunguto-nguto lamang sila nang ipagtapon ang mga gamit nila sa tulak-tulak na drum ng basurahan lalo na ang mga nabubulok.

Ang mga napapakinabangan naman ay nasa pangangalaga ni Madaam Ophelia. Panay ang angal at reklamo ng iba na nakatanggap lang ng palo ng pamaymay ng bruha. May mga damit na ang iba sa utos ni Madaam Ophelia. Ni hindi man lang ito naakit sa katawan ng mga kasamahan niya sa dorm.

Ang siste, para maaliw daw sila ay nagpatugtog ng speaker sa labas at parang inaasar pa sila ng kanta.

Pakiramdam ni Miles, naglilitawan na ang ugat sa noo niya sa inis.

You're just too good to be true
Can't take my eyes off of you
You'd be like heaven to touch
I wanna hold you so much
At long last, love has arrived
I thanked God I'm alive

May ibang idinaan na lang sa kanta ang panghihinayang at inis sa nangyayari kaya napasimangot lalo si Miles.

"Tingin mo eepektibo si Shane kay bruha?" tanong ni Theo, nakangiwi na dahil may mga sintunadong siraulong nakisabay sa kanta. Nakaluhod pa rin silang lahat at anumang oras ay bibigay na yata ang mga tuhod nila. Daig pa nila ang lumuhod sa asin.

You're just to good to be true
Can't take my eyes off of you

Tinaasan lang ng kilay ni Miles si Theo. Bahagya siyang umusod rito upang sila lang magkarinigan. Isa pa, maingay sa paligid. "Not Shane. Nakakatakas siya sa bruha pero hindi. Si Manong Alonzo ang ibig kong sabihin, loko. Kunwari ang mga natatanggap niyang mga regalo ay galing kay Manong Alonzo. Ikaw ang bahala sa mga regalo. Ako ang magsusulsol kay Manong Alonzo na magpalipad-hangin sa bruha."

Pardon the way that I stare
There's nothin else to compare
The sight of you leaves me weak
There are no words left to speak

Kumunot lang ang noo ni Theo at kalauna'y natawa na lang. "Loko ka, ayaw mo lang gumasta kaya ako na sa regalo. Kuripot ka talaga kahit kailan. Isama na natin ang iba rito. Si Attwell at iba pang interesadong ipatalsik ang bruha."

"Okay, fine," he agreed and wet his lips. Naglakbay ang ideya niya kung saan at namuo ng iba pa. "Paano kung may isang interesadong akitin ang bruha sa 'tin. Di ba gusto niyon si Aga?" Mabait kasi ang lalaki at wala nga ito sa pinalabas saka disiplinado rin. Ito na yata ang huling tao sa mundo na magche-cheat sa isanh major exam. Isa ito sa mga natira sa loob ng Mechevel Hall na mahimbing ang tulog samantalang sila ay tiyak na mangingitim ang ilalim ng mga mata sa puyat.

"Mas lalong hindi si Aga," angal nito sa kanya. "Baka hindi natin alam, may isa pang trabaho si Madaam. Baka ayaw niyang magka-lovelife na may sakit siyang nakakahawa. Alam mo na," natatawang sambit nito sa tonong eksaherado. Siniko naman niya ito nang pabiro nang bumenta iyon sa kanya. Nagtawanan silang dalawa nang ma-imagine si Madaam Ophelia bilang isang bayarang babae. Napangiwi pa sila nang sabay dahil kadiri iyon. Malaswa at panget at may mga mumunting kulubot. Tawanan ulit.

"I love you, baby! If it's quite alright I need you, baby. To warm the lonely night! I love you, baby~" Nagulat na lamang silang lahat nang biglang tumayo ang kaninang nabubugnot na si Ainsley at itinaas ang mga kamay sabay kembot na parang babaeng may inaakit. Kumanta ito nang pagkalakas-lakas. Kaboses yata nito ang isang baboy na naipit sa kung saang sulok. "Trust in me when I say!" 

Sumunod si Attwell rito na ginaya ang sayaw ni Ainsley. "Oh pretty baby! Don't bring me down, I pray, Oh pretty baby, Now that I found you~"

Napasapo na lang si Theo sa noo niya. Tila isang amang nangungunsumi sa mga anak niya. Hindi naman napigilan ni Miles na humalakhak sa kabaliwan ng dalawa na ginaya na rin ng ibang bagot na bagot roon.