POS 1: Miles, Track and Field Hottie

Sprint: Six

///

"Ginagawa mo rito? Akala ko ba, nasa Neon's ka?"

"Ginagawa mo rin dito? Odd to see you here in the lounge area of Mechevel when you're a regular at Neon's," puna ni Miles kay Shane na naupo lang sa isa pang sofa doon sa lounge area. Ang malawak na ground floor ng Mechevel Hall kung saan tumatambay minsan ang mga athletes katulad nila. May WiFi doon, may outlets, may flat tv kung saan mapapanood nila ang mga laban sa sports channel na gustuhin nila o di kaya'y nood lang ng kung ano-ano. May mga mesa kung saan nagsisilbing study area nila o kainan.

Iilan lang sila doon sa lounge area at nandoon siya upang tapusin ang school paperworks gaano man ka-boring iyon sa kanya. He was typing on his laptop, his notes on the side.

"I may be a people person but I have my limits of socializing," Shane said and put down a magazine with some picture of paintings on it. "Isa pa, kinantiyawan na ako ni coach na puro lakwatsa at party inaatupag ko." Napabuntong-hininga ito.

"Totoo naman." walang kakurap-kurap niyang sang-ayon sa coach nito. Mas lalo tuloy itong nangitngit. "Nagui-guilty ka pa rin sa kapalpakan mo?"

"Isa pa, Miles. Mumurahin na talaga kita," banta nito ngunit natawa lang siya at ni-save ang document niya. Shane is a sunshine person but he took that failure for so long in him, a failure in the team. Ito ang napansin niyang problema dito, masyado nitong pinoproblema ang tingin ng mga tao rito.

"You just have to prove those people that you still have guts in you. That failure doesn't define your capability as a player."

Napasandal lang ito sa sofa. "It is. And I'm trying."

"Tama si Preston." Miles randomly said. Napatuwid tuloy nang upo si Shane. Kapag talaga may kinalaman sa dalawang pasaway ay attentive ang mga ito.

"Ang alin? Anong tama si Preston?"

"Procrastination destroys you." Sa puntong iyon, sinalubong na niya ng tingin si Shane na natigilan lang. Para itong sinampal sa sinabi niya. Naikuwento na ni Attwell, kalahi ni Charles na madaldal at roommate ni Shane na kapag pressure daw itong si Shane. Mas lalong tumatambay sa Neon's para mag unwind o di kaya'y marathon ng cartoons imbes na nagpr-praktis, different from them.

"I heard my name." Mas lalong nanigas si Shane at siya naman ngayon ang sumabay kay Shane na parang nakakita ng multo nang lumingon sila sa kaliwa.

Papalapit sa kanila ang naglalakad na si Preston, in his billiard's uniform shirt, cap and shorts. Parang highschool student lang ang hilatsa ng mukha. Sabagay, hindi halata dahil nangingibabaw ang Eastern features nito unlike him and Shane who's more matured in physical looks.

"Tapos na practice mo?" sa halip ay sambit ni Shane, nakangiting tabingi kay Preston. Blangko lang ang mukha ni Preston at naupo sa one-seater na sofa.

"Sort of. Bakit nandito kayo? You're not in training?" parang sita nito sa kanila.

"Paperworks," Miles answered.

"And you?" baling ni Preston kay Shane. Siya na ang sumagot kay Shane.

"As usual, procrastinating," Miles answered, chuckling.

"What? No. Nagpapahinga lang ako." katwiran ni Shane. "Kaya nga nandito ako sa Mechevel, wala sa Neon's."

Defensive ang loko. "'Di mo ata kasama si Ainsley. Training rin siya?"

Nagkibit-balikat si Preston. "I am not her mother. Probably. Or maybe eating somewhere. I don't know."

Tinaklob na ni Preston ang cap nito sa mukha nito at maya-maya pa ay pumainlanlang na ang katahimikan sa pagitan nilang tatlo. Natahimik na rin ang natural na maingay na si Shane. Naglakbay na naman yata ang isip nito kung saan. Ibinalik niya naman ang atensiyon niya sa naghuhumiyaw niyang paperworks. Procrastination pa more.