POS 1: Miles, Track and Field Hottie

Sprint: Eight

//

Gabi. Tumatakbo pa rin si Miles. Nag-eensayo siya para sa intercollegiate battle ng mga universities sa Puerto Real. May mga mahihigpit siyang kalaban at may iba pang exchanging students pa sa Nigeria. Ayaw niyang pakampante. He was running like a wind passing by that caught some people off guard.

Although, he's lost a couple of times, he managed to get back to running with no exact destination. Napadpad siya sa may burol kung saan hingal siya ng hingal sa pagtakbo. Sabi ng coach nila, yung center ng gravity niya ang isa sa magaganda sa team nila pero kahit ganoon ay hingal na hingal siya pagtakbo ng burol. He could ran both short distance and long distance. Mas gusto lang talaga niya ang long distance running dahil hindi natatapos ng ilang segundo at gusto niyang damahin ang lupa at ang terrain.

Biglang nag-ring ang kanyang phone habang nakamasid siya sa Puerto Real sa baba. Sinagot niya iyon.

"Where are the heck are you?" Theo called. May kaguluhan sa background.

"Anong nangyayari iyan?" nakakunot ang noong tanong niya.

"The usual. Nag-aaway na naman yung dalawang mag-asawa - si Ainsley at Preston. At oo nga pala, nakita namin si Ophelia, mukhang effective ang ginawa natin."

Miles smirked. Wala namang bago sa pag-aaway ng dalawa. "Those two. Isang hoarder ng mga junk food at isa namang sumbungero. Magulo ang Mechevel dahil sa kanila kahit na nasa POS House naman si Ainsley."

"Yeah. Again, nasaan ka? I was just asking since Shane is looking for you. Bakit daw siya ang nagbayad ng mga utang mo sa club? Siraulo ka talaga."

Sariling pera na niya ang ginagastos niya. Highschool pa lang nag-invest na siya sa tulong ng family lawyer nila na walang alam ang kanyang pamilya.

"Babayaran ko naman pag nagkita na kami."

"May bago daw kayong mga teammates. Ano bang meron sa inyo ni Preston at di niyo nakakasundo ang team ninyo. Isama niyo na si Ainsley. May attitude problems ba kayo?"

"Hindi lang nila matanggap na mas magaling kami sa kanila," pagbibiro niya.

He could sense Theo rolling his eyes. "Isa ka pa."

"I will be there. I'm on the hill, facing Puerto Real. It's nice here."

"Tuloy ba talaga ang plano mo?"

Ngumisi siya. "Of course. Tuloy pa rin ang plano."

Nagpaalam na sila sa isa't isa at tumakbo na siya sa pababa ng burol. He controlled his pacing. Hinihila na siya pababa ng gravity. Baka may mabago sa training regimen niya.

Sino kaya ang mga bago niyang teammates? Kahit na magkaiba sila ng personalidad ni Eros ay pareho silang mahilig magpraktis mag-isa, hindi kasama ang mga teammates nila. Mas gusto kasi niyang mag-focus sa improvements niya kaysa makigulo sa mga teammates niya. Wala namang kasunduan na dapat kasundo niya ang team members ng track and field.

He was sweating when he's back in the dorm. Nagbibihis siya nang makita niya si Theo na tahimik na kumakain ng dinner nito. May nakahanda na ring pagkain sa kanya sa table. Buti hindi nagawang dekwatin iyon ni Ainsley dahil abala ito sa pakikipag-away kay Preston. Those two somehow sticks to each other despite their petty fights.

"Are you trying to destroy your body?" Theo asked while sipping on his drink. Miles shrugged his shoulders. Iyon naman talaga ang plano niya kahit ayaw noong una ng coach dahil mapapagod lang ang katawan niya.

"No. I want to become accustomed to the intercollegiate race. Ayokong magpakampante."

Wala rin namang magagawa si Theo dahil nasusunod talaga ang gusto niya. Matigas talaga ang ulo niya.