POS 1: Miles, Track and Field Hottie

Sprint: Eleven

///

Malamang sunog na ang pader dahil sa sama ng tingin ni Miles roon. Paano ba naman kasi, ngayong kompleto na ang POS List ay may espasyo na sila sa POS House. Malaki iyon at may kanya-kanyang kuwarto ang members. Kaya lang naman gumagawi sa dorm ang mga POS members dahil sanay na sila roon at nakakatago sila ng mga contraband na bawal sa official POS House na natatangi sa DCU. Kaya marami talaga ang gustong mapabilang sa POS. Maraming benefits at mas takaw-tingin sa mga scouts. Pero magdudusa muna siya sa mga kamay nito dahil dineklara ni Ainsley na siya ang magiging official cook ng mga ito.

Nasa backyard ang mga ito habang siya'y tinapos lang ang pagtitimpla ng pork belly na igr-grill nila sa labas. May permiso naman sa board na puwede silang magsiga roon. Mas mabuting magpaalam na muna sila. Baka sugurin sila ng mga tao roon dahil aakalaing nasusunog ang POS at madamay ang buildings ng DCU.

Maliban sa pork jelly. May salad rin doon na request na rin mismo ni Eros. Tahimik lang iyon pero gusto rin ng pagkain. Hindi lang ganoon kalala kay Ainsley at obvious pa masyado. Gusto nga niyang ipasak diretso ang pork belly sa bunganga nito. Nag-demand pa ng lechon sa kanya.

Muntik na silang magsapakan sa kusina dahil mainit rin ang ulo niya. Ginising kasi siya ng hinayupak para lang paglutuin. Masakit pa ang katawan niya sa competition. Siya ang dineklarang representative ng district nila. May makakalaban pa siya sa ibang district.

Ngayon, magiging alila na muna siya at trabahante ng POS members. Dala-dala niya ang steel tray na may lamang tinimplahan niyang pork belly nang may mapansin siyang dalawang itlog sa sala at nakaupo sa sofa habang nanonood ng Gravity Falls. Nakasuot ng cartoon-printed shirt si Shane at ang katabi naman nitong si Preston ay napapakunot-noo sa pinapanood. But he doubted that he's watching the cartoon but looked like his mind was somewhere else.

Nang makalabas siya ay kanya-kanya ng puwesto ang mga ito sa nakakalat na mga upuan. Ang hindi niya nakikita ay si Eros na malamang ay nasa pool na naman kahit gabi na.

Nakahanda na ang grill at si Theo ang naghanda niyon. Magkatulong sila sa paglagay ng pork belly. Sa labas din nagsaing ng kanin si Shane. Rich kid ito pero marunong daw ito sa mga pang camping na chores kasi boy scout daw ito noon at leader pa. They doubted at first but the aroma of the rice erased their doubts.

Magkatabi si Aga at Ainsley, may kung anong kinakalikot sa phone nito. May ka-text yata si Aga at si Ainsley naman, malamang nanonood ng short vids ng mga pagkain.

Nakapikit naman ang mga mata ni Wayne sa isang tabi. Umidlip lang ata ito para iwasan ang makulit na si Charles. Si Charles ay nilalaro si Chowder - ang malaking Saint Bernard ni Shane.

Pagdating ni Eros sa backyard na nakabalabal ang tuwalya sa sarili ay saka naman sumulpot si Blue bitbit ang isang babae. Kilala nila ang kinuyog nito.

"What is this woman doing here?"

May pass si Blue roon pero allowed lang ang nasa ranking na 11-15 pero dapat lahat sila approved na papasukin ito sa POS House. At mas lalong bawal ang babae roon.

"Jowanne?" Halos magkasabay nilang sambit ni Theo, Eros, Charles at Ainsley.

Hawak ni Blue ang likod ng collar ni Jowanne. "Hi, boys! Hi, Eros. Bihis ka muna kasi anlamig ngayon."

"What are you doing here? Spying on us?" Nangungunot ang noo ni Ainsley.

Itinaas ni Jowanne ang mga kamay nito. Gusto man nitong magpumiglas palayo kay Blue.

"Gusto ko lang naman kayong i-congratulate eh. I know that all of you will be the ideal POS. I even predicted Blue pero I think na malaki ang blow noong sinabi niyang ayaw niyang maging professional diver in a competitive manner." Doon nangunot ang noo ng tahimik na si Eros na hindi nagustuhan ang narinig mula kay Jowanne na alanganin ang ngiti.