ကြိုတင်ပြီးအသိပေးချင်တာကလေ..ဒီဇာတ်လမ်းရဲ့Plotဟာ ဒီစာရေးသူရဲ့မူပိုင်မဟုတ်ပါဘူး။2000ခုနစ်ပိုင်းလောက်က
ထွက်ရှိခဲ့တဲ့ "ဒုတိယမြှောက်ရိုမီယို"ရုပ်ရှင်ဇာတ်ကားကြီးကို မှီငြမ်းထားရှိခြင်းပါ။
Copy Plotဖြစ်သည့်အတွက် အဆင်မပြေရင်မဖတ်ပါနဲ့နော်။
. . . . . . . . . . . . . . . . . . . . . . . . . . . . . . . . .
( Unicode Version )
( သစ်ခက်အိမ် )
သစ်ခက်အိမ်တဲ့ ခိုင်ခံ့မှုလည်းမရှိဘူး။
လုံခြုံမှုလည်းမရှိဘူး။ဒါပေမယ့်တော့
နွေးထွေးတယ်။သူ့မေတ္တာဓာတ်ကြောင့်ဖြစ်မှာပါ။.............................။
သက္ကရာဇ်၂၀၀၀ခုနစ်၊ဒီဇင်ဘာ(၂၆)ရက်တွင်
ချစ်ရသူကိုတွေ့ရှိခဲ့သည်။အအေးဓာတ်ပိုသောဒီဇင်ဘာ၏ ဆောင်းအငွေ့အသက်တွေကြားမှာ နှလုံးသားတစ်စုံကိုကောက်ရခဲ့သည်။
"ရိပ်မြုံ ဂေဟာ"ဆိုသည့်မိဘမဲ့ကျောင်းသည် အကြောင်းအရာအမျိုးမျိုးကြောင့် မိဘတွေရဲ့အဝေးမှာ ရှင်သန်ကြရတော့မည့်ကလေးတွေအတွက်တော့ အနွေးထွေးဆုံးရင်ခွင်တစ်ခုသာဖြစ်လေသည်။
မျက်စောင်းထိုးရှိ ဘုရားကျောင်းလေးထဲမှနေ ဓမ္မတေးသီချင်းသံကြောင့် ဂျောင်ကု
သူ့မျက်လုံးတွေမှိတ်ချပစ်ပြီး နှလုံးသားကိုအေးမြမှုပေးသည်။လုပ်လက်စ တံမြတ်စည်းလှည်းခြင်းအမှုကိုပင် ဆိုင်းငံထားလိုက်သေး၏။
ဂေဟာအတွင်းမှာ သူအပါအဝင် လူလားမမြောက်သေးတဲ့ကလေးတွေရယ်၊အစ်ကိုယွန်းဂီရယ်၊ဆရာမကြီးရယ်သာရှိသည်။
တစ်ချို့ကလေးတွေသည်ကတော့ ဘုရားကျောင်းဘက်မှာနေကြသည်လေ။
သွက်လက်လွန်းပြီး လိမ္မာရေးခြားရှိတဲ့သူ့ကို ဆရာမကြီးသာမက အစ်ကိုယွန်းဂီလည်းချစ်တယ်။သွေးသားအရင်းက ပေးတဲ့မေတ္တာတွေမှနွေးသည်မဟုတ်..တစ်ချို့သံယောဇဥ္ကြိုးတွေက ပိုလိုတောင် ခိုင်မာသေးတယ်။
* အငယ်လေး ဒါပြီးရင် ဈေးသွားလိုက်ဦး *
* အစ်ကိုသွားလေ *
* ဆရာမကြီးက မင်းကိုသွားခိုင်းတာ *
ထမင်းကြော်ထား၍ ချိုးကပ်နေသည့်အိုးကို
ကျောက်ရေကန်တွင် အားရပါးရထိုင်ပြီး တခွမ်းခွမ်းမြည်မတတ်တိုက်ချွတ်နေသည့်ဂျောင်ကုအနား အစ်ကိုယွန်းဂီဟာ ရောက်လာခဲ့ပြီး
ဈေးသို့လွှတ်ပြန်သည်။
