( Unicode Version )
( Plot Twist- 2 )
ရှန်ပိန်တစ်ခွက်ဖြင့် ဆိုဖာကိုခပ်လျောလျှော
မှီထိုင်ထားကာ မျက်ဝန်းတွေဟာတော့အရှေ့တည့်တည့်မှာရှိနေလေတဲ့ တီဗ္ီွစခရင်ထက်၌သာကပ်ညှိနေလေသည်။တီဗ္ီမှာလာနေတာက လူတစ်ယောက်ရဲ့လှုပ်ရှားနေမှုတွေဖြစ်ပြီး တစ်စုံတစ်ယောက်ကကင်မရာနဲ့ခိုးရိုက်ထားပုံရလည်းရသည်။
ခိုးရိုက်ထားသော်လည်း မြင်ကွင်းတွေသည်ကြည်လင်သည်၊ပြတ်သားသည်။များသောအားဖြင်တော့ ဈေးဝယ်ထွက်နေပုံတွေဖြစ်ပြီး
တက္ကစီပေါ်တက်သွားတဲ့ပုံတွေကအစ မျက်လုံးလေးတွေပျောက်တဲ့အထိရယ်မောနေတဲ့ပုံလေးတွေလည်းပါသည်။
ရှန်ပိန်ကို တစိမ့်စိမ့်အရသာခံသောက်နေရင်း
လူသားလှလှလေးကိုတစိမ့်စိမ့်ထိုင်ကြည့်နေရတာက သူ့အတွက်တော့လောကစည်းစိမ်တစ်ခုဖြစ်နေခဲ့လောက်မည်။တကယ်လည်းနိဗ္ဗာန်ဘုံဆိုတာ မျက်စိရှေ့ကလူသားလေးကသက်သေပဲလေ။
လှတယ်။ချစ်ဖို့ကောင်းတယ်။မက်မောစရာလည်းကောင်းတယ်။ဖယောင်းရုပ်လှလှလေးဖြစ်တည်မှုနဲ့ကိုယ့်ချစ်သူလေးကို ပွေ့ဖက်ထားချင်တယ်။ပြီးတော့ တရှိုက်မက်မက်နမ်းပေးချင်တယ်။သုံးနေခဲ့တဲ့ဆေးတွေထက်ပိုစွဲလန်းစေတယ်။
အရှေ့တည့်တည့်ရှိမြင်ကွင်းပေါ်ကပုံရိပ်လေးတွေကိုကြည့်နေမိရင်း သဘောကျစိတ်နဲ့ပြုံးလိုက်လေသောအခါ အောက်နှုတ်ခမ်းလွှာထက်က မှဲ့နက်ကလေးသည်ပင် ကိုယ့်ချစ်သူကိုကြိုဆိုပေးရသည်။မစွန့်လွှတ်နိုင်တဲ့အထိကိုယ်ချစ်ရတယ်...။
* ပါ့ခ်ဂျီမင်းကိုချစ်တယ် *
* * * * * * * * * * * * * * * *
လတစ်လ၏နောက်ဆုံးရက်ဟာ ပါ့ခ်ဂျီမင်း၏အလုပ်နားရက်ဖြစ်သဖြင့် ပါ့ခ်ဂျီမင်းသည်အိမ်ပြန်သွားခဲ့သလို မာမီဟာလည်းအလုပ်ကိစ္စဟုအကြောင်းပြပြီး ဒီမနက်မှာတင် Over Seaထွက်သွားခဲ့သည်။ဆိုတော့ကာ ဒီနေ့သည် ကူး(ခေါ်)ဂျွန်ဂျောင်ကုရဲ့စိတ်ကြိုက်နေ့ပဲပေါ့။
လုပ်ချင်တာတွေ ရွေးလုပ်နေခဲ့ရင်း နေချင်သလိုတွေနေနေခဲ့တဲ့အချိန် လော့ခ်ခြင်းမရှိတဲ့သူ့အခန်းတံခါးမှာ တစ်စုံတစ်ယောက်၏တွန်းဖွင့်မှုကြောင့် ပွင့်သွားခဲ့လေသည်။
