Sponsor
[ Part 10 ]
မူရင်းစာရေးသူ: 아노르이실
ဘာသာပြန်သူ: Nieveယူအီရင်းက မူယွန့်ကို စိတ်ဆိုးနေတဲ့အမူအရာတွေ မကြာခဏပြလေ့ရှိပြီး သူတို့ဆုံခဲ့တဲ့ ဒီလိုအချိန်တိုလေးအတွင်းမှာ အများဆုံးတွေ့ရတာက စိတ်ဆိုးနေတဲ့ပုံစံနဲ့ အမူအရာကင်းမဲ့တဲ့ပုံစံဖြစ်တာကြောင့် သူ့ရဲ့တွန့်ချိုးနေတဲ့မျက်ခုံးတွေနဲ့ ရင်းနှီးနေပြီဆိုပေမဲ့ ဒီနေ့မှာတော့ ပိုပြီး စူးရှနေတယ်။
သူတို့နှစ်ယောက်က မကြာခဏ မတွေ့တာတောင်မှ ယူအီရင်းစိတ်ဆိုးနေတဲ့အတိုင်းအတာကို ခွဲခြားပြောနိုင်တဲ့အထိ အသားကျနေတာကတော့ နည်းနည်း ရယ်စရာကောင်းပါတယ်။
မူယွန်က အခုချိန်မှာ မရယ်သင့်ဘူးထင်လို့ ကြိုးစားပြီး မျက်နှာတည်ထားရတယ်။“တစ်ခါတလေမှာ ကျွန်တော့်ရဲ့စပွန်ဆာက ဘာလဲဆိုတာကို တကယ် နားမလည်နိုင်ဘူး”
ယူအီရင်းက ဆိုဖာကို မှီရင်း ပြောလာတော့ မူယွန်က သူ့ရဲ့အကြည့်တွေကို ခိုးကြောင်ခိုးဝှက်နဲ့ ရှောင်လွှဲသွားတယ်။ သူကိုယ်တိုင်လည်း ယူအီရင်းကို ပြန်ဖြေဖို့ အဖြေမရှိပါဘူးလေ။
“ဘေးနားကလူတွေ ဆူဆူညံညံစကားပြောနေလို့ စိတ်ဆိုးပြီး တဖြည်းဖြည်း သည်းခံဖို့ ခက်ခဲလာတဲ့အချိန်မှာ ရိုက်ကူးရေးကို ရပ်ပေးလို့ အများကြီး ကျေးဇူးတင်ပေမဲ့ ကျွန်တော့်ကို အခုလို အလျင်စလို ဆွဲခေါ်လာတဲ့အတွက် အကြောင်းပြချက်တစ်ခုခု ရှိသင့်တယ်လေ”
“အဲဲ့ဒါက တစ်ခုခုဖြစ်လို့”
“ဘာဖြစ်တာလဲ”
သူက ယူအီရင်းကို တွေ့ချင်လာပြီး အဲ့ဒီစိတ်က မနေ့က သူ့အသံကို ကြားလိုက်ရချိန်မှာ ပိုပြင်းထန်လာတယ်။ ရက်အနည်းငယ်ကြာတဲ့အထိ ယူအီရင်းကို မတွေ့ရတာတောင်မှ သူ့အကြောင်းကို အဲ့ဒီလောက်မတွေးမိပေမဲ့ သူ့အသံကို ကြားပြီးတဲ့နောက်မှာတော့ ချက်ချင်း တွေ့ချင်လာတယ်။
အဲ့ဒါကြောင့် တစ်ညလုံးနေပြီးတဲ့နောက် အတွင်းရေးမှူးယော ရောက်လာတာနဲ့ ယူအီရင်းကို ဆိုးလ်ကို ခေါ်ခိုင်းလိုက်ပြီး ချက်ချင်းတွေ့ချင်နေမိလို့ အလုပ်မလုပ်ခင် သူ့ရုံးခန်းဆီ ခေါ်လာဖို့ ပြောလိုက်တယ်။ အတွင်းရေးမှူးယောက ပြောသမျှ ဖြစ်လာအောင် လုပ်ပေးမယ်ဆိုတာ သိနေတာကြောင့် မကြာခင် ယူအီရင်းကို တွေ့ရတော့မယ်ဆိုပြီး စိတ်လှုပ်ရှားမျှော်လင့်နေစရာပဲရှိတယ်။
မျှော်လင့်ထားတဲ့အတိုင်း မူယွန် တံခါးဖွင့်လိုက်တာနဲ့ သူ့ကို ထထိုးတော့မလိုမျိုး မျက်မှောင်ကြုတ်ထားတဲ့ ယူအီရင်းကို တွေ့လိုက်ရတယ်။
အိပ်ချင်မူးတူးနဲ့ အဲ့ဒီဖူးရောင်နေတဲ့ မျက်နှာထက်မှာ ကိုင်းထူထူမျက်မှန်တစ်လက်ကို တပ်ထားပြီး သူ့ကို လွှမ်းခြုံထားတဲ့ အဝတ်အစားထူထူကြီးတွေကလည်း အချိန်မရွေး ဆိုဖာခုံထဲကို နစ်ဝင်သွားတော့မလိုမျိုး ပုံကျနေတဲ့ပုံစံပေါက်နေပြီး နဖူးကြောတွေကို အနည်းငယ် တွန့်ချိုးထားတယ်။
အနည်းငယ် အံဝင်ခွင်ကျမဖြစ်တဲ့ပုံစံနဲ့ ယူအီရင်းရဲ့စူးရှနေတဲ့အမူအရာတွေ ပေါင်းစပ်ထားတာက အတော်လေး ကြည့်ကောင်းနေတယ်။
YOU ARE READING
Sponsor
RomanceName- Sponsor Web Name- Sponsor Author: 아노르이실 Translator: Nieve Genre: Adult, Drama, Mature, Romance, Slice of life, Smut, Yaoi. [You can read this on StoryGlory Website, too.] We don't own this story, we just translated and respectfully give cred...