Nabihag sa magarang lipad,
makinang ang pakpak at malapad
bagwis nito’y mahiwaga
walang kaparis ang halaga
Datapwat, sa piniling estado
kailangan maging totoo
kailangang timbangin ang puwesto
upang sa huli hindi dehado.
Tirik man ang araw sa paglalayag,
masubok man sa pagpapahayag,
patuloy ihahawi ang pakpak
upang makita ang tunay na resulta.
Kaya’t kakayahan ay palalawakin,
kaalaman ay patuloy na hahanapin
kikilatasin bawat bahagi at
pagsasabayin ang piniling kapalaran.-Roselia Poessy
YOU ARE READING
Emotula
PoetrySa bawat salita, magpapabayag. Sa bawat kabanata, magtatala. Dahil sa bawat bahagi, naroon ang himig. Isang salitang pamagat, Dalawangpung koleksyong tulang sulat. ©2024