“Aba’y bastos ka palang matanda ka, eh! Kung hindi ka ba naman talaga nananadya. Natalsikan
mo na nga ako ng sasakyan mo kanina ng maruming tubig, ngayon naman ay aagawan mo ako
ng puwesto,” ani Lola Modesta kay Mang Edgar. Parehong nakahawak ang dalawang matanda sa
isang silya.
“Aba’y ito ang puwesto ko sa tuwing pumupunta ako rito. Itanong mo pa kay Gray. Hindi ba,
Gray?” baling ni Mang Edgar sa kanya.
Lumapit siya sa mga ito. Parehong doon ang puwesto ng dalawang matanda. Magkaiba nga
lang ng oras. Sa umaga si Mang Edgar at sa hapon naman si Lola Modesta.
“Pang-apatan naman po ang mesang ito. Baka puwede na ho kayong mag-share,”
mahinahong pamamagitan niya sa mga ito.
Biyudo at mukhang matigas ang ulo ni Mang Edgar. Samantalang matandang dalaga at
masungit naman si Lola Modesta. Ang alam niya ay hindi nalalayo ang edad ng mga ito sa isa’t
isa. Dangan nga lamang at ayaw patawag ng “lolo” ni Mang Edgar.
“Hinding-hindi ako tatabi sa matandang 'yan!” deklara ni Lola Modesta.
“Aba’y sino naman ang nagsabi sàyong gusto rin kitang makatabi?” ganti ni Mang Edgar.
“Puwes, doon ka sa ibang mesa,” utos ni Lola Modesta.
“Bakit? Nakapangalan ba sàyo ang mesang ito? Nauna akong nagpunta rito—”
“Peròyan ang puwesto ko sa tuwing pumupunta ako rito. At sa ganitong oras 'yon. Hindi
naman kita nakikita rito dati,” palabang sabi naman ni Lola Modesta na kamag-anak yata ni
Gabriela Silang. Nag-aalala siyang baka maipukpok nito ang dalang malaking payong kay Mang
Edgar.
Nanghihingi ng tulong ang mga matang sumulyap siya kay Zuriel. Lumapit naman ito.
“Mang Edgar, ako po si Zuriel,” pakilala nito sa sarili. “Baka naman po puwedeng ipaubaya
na lang ninyo kay Lola...” Binalingan nito ang matandang dalaga.
“Modesta.”
“Ipaubaya na lang ninyo kay Lola Modesta ang puwestong ito. Tutal, babae naman ho siya at
gentleman naman tayo,” mahinahong suhestiyon nito sa matandang lalaki.
Sumimangot si Mang Edgar. “O, siya, sige. Diyan ka na, Modesta, at baka idagdag mo pàyan sa mga kasalanan ko,” parang napipilitan lang na pagpayag nito.
Magkakilala ang mga ito? Nagkatinginan sila ni Zuriel.
“Mukha hong magkakilala naman pala kayo ni Lola Modesta,” wika nito kay Mang Edgar.
“Paanong hindi, eh, dati kong nobyàyan?” sagot ni Mang Edgar.
Gulat na gulat na napatingin siya sa matandang babae.
“Ako ang nobya niya na ipinagpalit niya sa nurse na nakilala niya sa Mindanao,” mataray na
pagtatapat ni Lola Modesta.
“Alalahanin mong hindi ka sumama sa akin. Hindi mo ako ipinaglaban sa mga magulang mo.
Samantalang si Elena ay tinanggap ako,” ani Mang Edgar.
Napailing siya. Tila isang live na telenovela ang nagaganap sa loob ng coffee shop. Pati nga
ang ibang mga customers na naroon ay amused na nakikinig na sa istorya ng dalawang matanda.
YOU ARE READING
Cappuccino Kind Of Love | Claudia Santiago
RomanceNa-judge mo na agad ang pagkatao ko without even knowing me. That's not fair. In court, the suspect cannot be called a criminal until proven guilty. Any suspect deserves a fair trial and so do I.