ငါ့စေ့စပ်ပွဲ ဖျက်သိမ်းပြီးတဲ့နောက် ဩဇာကြီးမားတဲ့ ဝန်ကြီးရဲ့ ရတနာလေး ဖြစ်လာခဲ့တယ်

Ch-152

အခန်း(၁၅၂) - ရှောင်ဟန်ကျန့် ကိုယ်စား အပြစ်ခံယူခြင်း

ကောချွန်းရု နိုးလာတော့ ရှောင်ယွမ်ရှစ်က သူမရဲ့ အိပ်ရာဘေးမှာ ထိုင်နေတာကို တွေ့လိုက်ရသည်။

သူမက အမြန်ထလိုက်ပေမယ့် ရှောင်ယွမ်ရှစ်က ဖက်ကာ တားမြစ်ခဲ့သည်။ "မင်းက ကိုယ်ဝန်ပျက်ကျနိုင်ခြေရှိတယ်လို့ ဆေးဆရာက ပြောတယ်၊ သတိထားဦး။"

ထိုစကားကြားတော့ ကောချွန်းရုက ကြက်သေသေသွားခဲ့သည်။ "ဘာ၊ ကျွန်မမှာ ကိုယ်ဝန်ရှိနေတယ်လို့ ပြောတာလား။"

အရင်တုန်းက အမျိုးသမီးခုန်ကို ကိုယ်လုပ်တော်အဖြစ် ရာထူးချအောင် ရှောင်ယွမ်ရှစ်ကို လုံလောက်သည့် ဆင်ခြေပေးနိုင်ရန်အတွက် ဗိုက်ထဲက သန္ဓေသားကို အသုံးချခဲ့သည်။

သို့ပေမယ့် ကိုယ်ဝန် ဖျက်ချပြီးနောက် ကြေကွဲကာ သူမက အမျိုးသမီးခုန်ကို ပိုမုန်းခဲ့သည်။

နောင်တတော့ မရခဲ့ပေ။

ထိုမတော်တဆမှုကြောင့်သာ မဟုတ်ရင် သူမက ရှောင်ယွမ်ရှစ်ရဲ့ တရားဝင်ဇနီး ဖြစ်လာမည် မဟုတ်ပေ။

သူမ မျှော်လင့်ထားသလို ဖြစ်လာတော့ သူမက အလွန်အံ့သြခဲ့သည်။

ရှောင်ယွမ်ရှစ်က ကောချွန်းရုရဲ့ ဗိုက်ကို နူးညံ့စွာ ကြည့်ခဲ့သည်။ "ကိုယ်တို့ ကလေးရှိတော့မယ်။"

သူက ကလေးရဖို့ မျှော်လင့်နေခဲ့တာဖြစ်သည်။

ကောချွန်းရုက အစက သာယာကြည်နူးနေပေမယ့် နောက်တော့ အမူအရာက ချက်ချင်း ပြောင်းသွားခဲ့သည်။

သူက ရှောင်ယွမ်ရှစ်ကို ဆွဲကာ မေးခဲ့သည်။ "စစ်သူကြီး စောနက ကျွန်မ အိပ်မက် မက်နေတာလား၊ ကျွန်မ မောင်လေး ခြေထောက်ဖြတ်ခံရတယ်လို့ အစေခံမလေး လာပြောတယ်လို့ မက်ခဲ့တယ်၊ အဲ့တာ အမှန် မဟုတ်ဘူးမလား။"

ရှောင်ယွမ်ရှစ်က အသံတိတ်နေပြီး သူ့ဇနီးကို အမှန်တိုင်း ပြောသင့် မပြောသင့် စဥ်းစားနေခဲ့သည်။

ဆေးဆရာက သူမ ထိတ်လန့်စရာနှင့် ကြုံပါက သန္ဓေသားလောင်းရဲ့ အခြေအနေ မတည်မငြိမ် ဖြစ်နိုင်ကြောင်း ပြောခဲ့သည်။