ငါ့စေ့စပ်ပွဲ ဖျက်သိမ်းပြီးတဲ့နောက် ဩဇာကြီးမားတဲ့ ဝန်ကြီးရဲ့ ရတနာလေး ဖြစ်လာခဲ့တယ်

Ch-155

အခန်း(၁၅၅) - ပြောင်မြောက်သော

ရှီလွေ့က ထိုသို့ပြောလိုက်တော့ လျန်ယို့ရှောင်နှင့် နောက်ထပ်တခြားလူနှစ်ယောက်က မနေနိုင်စွာ ပြတင်းပေါက်စက္ကူကို အပေါက်ဖောက်ကာ ကြည့်ခဲ့သည်။

"တကယ်ဖြစ်မယ်လို့ မထင်မိခဲ့ဘူး၊ ငါက သတင်းအမှားလို့ ထင်ခဲ့တာ။"

"အဟက် ဘုရင့်ဦးရီးတော်ကို ဒီလိုဆက်ဆံရဲတာ စစ်သူကြီးရှောင် သိပ်ရဲတင်းတာပဲ။"

ရှောင်ယွမ်ရှစ်ရဲ့ လုပ်ဖော်ကိုင်ဖက်က ထိုစကားကြားတော့ သိချင်သွားခဲ့သည်။

နောက်ဆုံးတော့ လျန်ယို့ရှောင်က သူ့ကို အတင်းဆွဲခေါ်လာခဲ့သည်။ "လာကြည့်ပါဦး။"

ထို့နောက် သူတို့ကလည်း မတတ်နိုင်သည့်ဟန်ဖြင့် လျန်ယို့ရှောင် ဖောက်ထားခဲ့သည့် အပေါက်ကနေ စပ်စုစွာ ကြည့်ခဲ့သည်။

အခန်းထဲက အဖြစ်အပျက်တွေကို မြင်ပြီးနောက် သူက စိတ်လွတ်သွားကာ အနောက်ဆုတ်လိုက်မိသည်။

သူ့မျက်နှာထက်မှာ ကို့ရို့ကားယား အမူအရာတွေ ထင်ဟပ်နေခဲ့သည်။ "အင်း ငါဘာမှ မမြင်ခဲ့ဘူး။"

သူက စစ်မှုရေးရာဌာနက ဆိုသော်လည်း အုပ်ချုပ်ရေးမှူးဆိုင်ရာက အစိုးရ အမှုထမ်းဖြစ်သည်။

ရှောင်ယွမ်ရှစ်ကို လူကြီးလူကောင်းဆန်သည်ဟု ထင်သည့် သူ့ထင်မြင်ချက်တွေက ကွဲကြေသွားခဲ့သည်။

"ကြည့်မနေနဲ့တော့၊ သွားရအောင်။" သူက ဘေးက ကြည့်နေသည့်လူတွေကို ပြောလိုက်သည်။

ရှီလွေ့က လက်ယမ်းပြခဲ့သည်။ "သွားနှင့်လိုက်၊ ကျွန်တော်တို့ ထပ်ကြည့်ဦးမယ်။"

ရှောင်ယွမ်ရှစ်ရဲ့ လုပ်ဖော်ကိုင်ဖက်က အသံတိတ်နေခဲ့သည်။

ရှောင်ယွမ်ရှစ်က အလွန် မရိုးဖြောင့်ပေ။

သူ လုပ်ခဲ့တာတွေကို ဒီလိုလူတွေ မြင်သွားလို့ ကောင်းတာ မရှိပေ။

မနက်ဖြန် ကျရင်တော့ မြို့တော်ထဲမှာ ဘယ်လို သတင်းတွေ ပြန့်နေမလဲဆိုတာ သူ မခန့်မှန်းနိုင်ပေ။

မဟုတ်ဘူး ရှေ့လျှောက် သူရှောင်ယွမ်ရှစ်နှင့် ဝေးဝေးနေရမည်။