الموت ما هو أنك تكتفن بترابك ! الموت أنك تحب حي ويفارقك

18

رغم ان الصدمه كانت كبيره على وجه بو نواف و ساره و فاطمه و عواطف كانت ملامح الهدوء و البراءه على وجهة نواف اللي ابتسم لها الشيء اللي خوف ديما و اجبرها تعيد الكلام: انا حامل يا نواف
نواف وقف بابتسامه و صفق بيده: مبرووووك الف مبرووووك يتربى بعزك و عز ابووووه... بس ممكن تقولين لي اسمه..
ديما صدمها كلامه و انقهرت بجنون صرخت: انت ايش قاااااااااااااااعد تقوووووووووول تظن هذا الوقت منااااااااااسب لضحكك الماصخ...!!!
نواف التفتت لاهله: ديما االظاهر عصبت لانكم ما ضحكتوا على نكتتها...
ديما بصراخ: نووووووووووواف!!1
نواف عطى ديما نظره قويه: اذا ما كانت نكته فهي حقيقه...تستدعي اني اسائلك كيف حملتي ياااااااااااااااااااااااا هااانم..
ساره صرخت على نواف: نواااف لو سمحت اسكت ولا تكمل....ديما تعالي بكلمك لحالنا..
ديما ما كانت تبي تروح لحالها لازم الكل يعرف ان نواف دخل عليها حتى يجبرونه بالعرس غصبن عليه: عمتي مافي داعي لكلام انا توني راجعه من الطبيب وهذي التحاليل معي في الشنطه... والله من شهر نوااااااف..
ديما ما كانت الا ثواني و حست بقبضه نواف القويه على زندها: جااايه ترمين بلاااك علي ياااااااااااااا ******
فاطمه و عواطف شهقوا من كلمه نواف القويه الشيء اللي صدم ديما و في نفس الوقت اجبر بو نواف يتدخل: نواااااااااااااف عدل اسلووووبك !!
نواف بغرور و بنظره قاسيه: اعتقد ان محد له الحق في التدخل في حيااتي الشخصيه... خصوصا لما تجي وحده ما تسوا شيء بعد ما لعبت و ضبعت عمرها ترمي بلاها علي بس لان انا مملكها .....
ساره صرخت : انت كيف تقووول كذا عن بنت خاااااااالك يااا نووواااف..
نواف : بنت عمي بنت خالي اختي زوجتي مااااااااا يهم انا ما استر على بلااوي الناس... و اخذ ( وهو يعطيها نظره اشمئزاز ) قطعه مستعمله...
نواف طلع و ديما صارت تصرخ وهي تناديه: نووووووواف ... لحظه انت شالتقوووله
نواف تجاهلها و صار يمشي بعيد ببرود ديما رمت نفسها عند رجليه : نووواف واللي يسلمك و يخليك لا تتركني كذااااااا... انت تعرف الحقيقه
نواف بنظره بارده : اي حقيقه... انا ما عمري طلعت معك لحالنا ... و الكل يعرف هذا الشيء فايش هو دليلك اني اختليت فيك يا بنت...... سوووي قصد يااا قطعه مستعمله...
ديما صارت تبكي بجنون وهي تحضن رجله : نوواف لا تكذب ارجوك انا زوجتك انا.........
نواف ببرود: زوجتي على ورقه بس ... وانا ما لمستك ولا حتى شفتك لحالك كيف اكون ابو طفلك يااا مدام ديمااااا..
ديما بجنون: نواف بطل مززززززززاحك ارجووووك..
نواف ضحك عليها : هههههههههههههه اوكي لا تزعلين انا انسان ديموقراطي... اذا كانت هذي الحركه منك حتى تجبريني اطلقك و تتزوجين الليي حملتي منه ... فاوكي ... لك اللي تبينه ... ديما انتي ........
ديما بهستيريا نفسيه: نوااااااف لاااا تطلقني !! لا نوااف حرام عليك...
ساره ما عاد فيها تتحمل اللي كانت تشووفه بجنون سحبت بنت اخوها من رجل نواف و في نفس الوقت سحب بو نواف ولده لغرفه المكتب يكلمه..
ديما كانت تبكي بجنون وساره تحاول انها تهديها لكن ما كان في حل او شيء لتهديها في هذي اللحظه...
فاطمه و عواطف كانوا مصعووقات من المنظر اللي شافوه يعرفون نواف قاسي لما يتعلق الموضوع بحايته الخاصه و علاقاته مع حريمه لكن لما شافوا ديما المغروره ديما المتكبره في هذا المنظر تغيرت اشياء كثيره..
-
-
في غرفه المكتب
بونواف دفع ولده بقوه و غلق الباب من وراهم وصار يصرخ: انت من ايش مصنوووووع بفهم..
نواف ببرود ووقاحه: من لحم و دم..!!!
بونواف: اناااااااا اشك بهذاااااا الشيء ياللي ما تستحي على وجهك ما لقيت الا لحمك و دمك تطعن في شرفها و تسوي فيها هذا الاشياء!!!!!!!!!1
نواف ببرود: بس يا ابوي...
بونواف بجنون: من غيرررررر بس راح تتزوجها رسمياااااااا و تتعرف بالولد غصبن عليك..
نواف رفع حاجبه: اسسسسسسسسف!!!
بو نواف: ايش قلت؟؟؟؟
نواف وهو يناظره بثقه: قلت لك اسف مااا عندي استعداد اتزوجها ولا اعترف بالولد في الوقت الحالي يمكن في المستقبل بعد عشر سنين او اكثر يحن قلبي عليها و افكر اخذ الولد منها اربيه اناااااااااااا
بونواف كان في قمه غضبه من كلام ولده اللي كان فاهم سببه: انت من فييييييييين جااااااااايب هذا الكلام..
نواف بعصبيه: اسال نفسك!!!! طردت امي من سنين لما بلغتك بحملها و تركتها تتحمل تعبها و المها و الاهتمام فيني اكثر من عشر سنين و في النهايه و بكل بساطه قررت تتخلص منها و تاخذني بالقوه..
بونواف حط يده على قلبه بالم: نوااف انا ابدا!!!
نواف قاطعه بوقاحه: لا تنكر... انا ما نسيت اي تفصيل من تفاصيل اللي صار .. و عموما اللي صار لديما اعتبره رد دين بسيط للي تتسببتوا فيه علي..
بونواف: يعني تعترف ان انت ابو الطفل..
نواف بضحك: ههههههه وانت عندك شك في هذا الشيء...
بونواف: اي اللي ما تخاف ربك ياااااا حقيييييير..... يااا
انقطع اللي الحوار بدخول فاطمه: نووووواف طلبتك تكفى!!!11
نواف و ابوه انصدموا من منظر فاطمه: فاطمه ليش هذا الكلام..
فاطمه قربت من نواف بالم: نواف ارجوك.. لا تظلم ديما نووواف ارجوك طلبتك ان كنت تحبني و تعزني مثل ما تقول ولا تقدر ترفض لي طلب لا تطلق ديما اعترف بالولد وبزواجكم و خلها خدامه عندنا المهم لا تفضحها.. انا اختك الغاليه ترضى احد بكرا يقول عني اللي بنت عمها انفضحت!!
نواف بثقه: ما عاش اللي يقول عنك حرف غلط يااا دلوعتي ااقطع لسانه قبل لا يقول الحرف الثاني..
فاطمه بدلع: انا اعرف اني ما اهووون عليك و مع ان ديما ما تستاهل بس علشان خاطري ارجوك لو ان شاء الله شهر او اسبوع بس اعلن زواجكم وبس..
نواف تافف: اووووف.. للاسف عرفوا نقطه ضعفي و سلطوها علي..
نواف مسح دمعه يتيمه كانت على خد فاطمه: ادري ههههه
نواف: قوولي للغبيه اللي بره تروح لبيت اهلها و انا بروح اكلم ابوها بكـرا ...
فاطمه بدلع وهي تضمه: الله يخليك لي ولا يحرمني منك ياا اغلى اخوو في الدنيا..
فاطمه طلعت بعد ما ارسلت له بوسه في الهوا نواف ابتسم لها بس بعد ثواني اختفت الابتسامه بعد ما تلاقت عيونه بعيون ابوه: خير؟
بو نواف بعيون آآآسيه: انت انسان وقح و ما تستحي على وجهك.. ساعه وانا اترجى فيك و تكلمني بوقاحه و فاطمه بكلمتين اقنعتك..
نواف بكل وقاحه وهو يتوجه للباب: ببساطه لاني احب فاطمه... والعكس ينطبق عليك..
نواف ضرب باب المكتب وراه و طلع لجناحه بونواف كان حاس بالم شديد في صدره وقلبه: سنين وانا احاول امتص الكره اللي تملكه في قلبك علينا ينواف... لكن يظهر انه يوم عن يوم هذا الكره قاعد يكبر و يزيد قوه..
-
فاطمه مشت لعند امها و عواطف اللي كانوا جالسين جنب ديما يخففون عنها بعد ما مسحت دموعها الكاذبه: انتهى الموضوع..
ديما بصدمه وهي مازالت تكبي: من جد؟؟
فاطمه بابتسامه: نواف ما يقدر يرفض لي طلب.. كم دمعه اقنعته بعكسك... واتمنى هذا يكون درسك لك حتى ما تعيديها..
عواطف: فاطمه مافي داعي لهذا الكلام... ايش قالك نواف؟.
فاطمه تنهدت: نواف راح يمركم بكرا و يطلب منك تكونين مستعده. والحين رووحي بيتكم..
ديما توسعت عيونها: يعني راح يقول لابوي..
فاطمه: طبعاا!!!
ديما رجعت لحضن ساره: عمتي لااا تخلينه يقوول لابوي.. ان عرف سعود راح يذبحني...
ساره بابتسامه هاديه حتى تخفف عنها: لا تخافي اتركي سعود و منصور علي انا.. واقبلي باي شيء يقوله نواف حتى ننتهي من هذي المصبيه على خير..
ديما وهي حاسه انها انهانت و انذلت بمافيه الكفايه: مشكووره عمتي..
ساره من غير نفس: لا تشكريني .. اشكر الانسه فاطمه اللي لو لا العرض اللي قدمناه لها ما كانت تحركت و طلبت هذا الطلب من نواف اللي ما يرد لها شيء..
فاطمه ابتسمت بغرور: ههههه ذكيه و اعرف كيف اختار اللحظات المهمه.... اهم شيء تتذكريني العرض اللي قدمتيه.... تنفذين لي اي طلب اطلبه..
ساره وهي تتنهد باسى على بنتها اللي صارت كل تعاملها بمقابل: المهم اقدر عليه..
فاطمه بابتسامه خبيثه: اكيد تقدرين عليه.....
-
-
-
موضوع زواج نواف و ديما انتهى ببساطه بعكس بدايته، نواف راح لمنصور و قال انه يبي حرمته تسكن معه طبعا لاقى هذا الشيء الرفض من دلال و منصور بحكم انهم يحلمون بعرس كبير و ضخم لكن نواف تحجج بريم اللي كانت في العده وانه متسحيل انه يسوي عرس وهي زوجها توها متوفي.. و اذا كانوا مصرين على قرارهم ينفصل عن ديما طبعا هذا الشيء اجبر منصور ودلال على الموافقه و ديما طبعا ما كان عندها الا انها توافق.. نواف قرر ياخذ ديما من غير اي شيء نهائيا لا حفله ولا استقبال و لا اي شيء رغم اعتراض ساره اللي اقتنعت في النهايه علشان خاطر ريم اللي مازالت تحت تاثير صدمه وفاه زوجها...
ديما اخذت اغراضها اللي كانت تبيها بما ان نواف ما عرض انه يوفر لها اي شيء على الاطلاق.. لبست فستان ابيض بسيط طويل علاقي حريري وعليه دانتيل ابيض من جهة الصدر مزين بالكريستال الرينبو .. و رافعه شعرها كله عليه تاج كريستال...
دخلت ديما لجناح نواف.. و نواف وراها.. رغم ان الجناح كان ملكي فخم كثير و كله قطع ثمين ما كانت سعيده و حاسه بشيء ناقص .. فرحه اي عروس خصوصا لما تشوف ان جناحها كان جناحه نفسه ما غير فيه شيء ولا استعد لها كانها ابدا ما كان ناوي يتزوجها..
نواف ببرود: مبروووك يااا عرووووس... اتمنى ما تكونين زعلانه لانا بنسكن هنا... امي اصرت فانا قلت احسن انك تسكنين هنا و اترك القصر الثاني لزوجاتي المسيار..
ديما كانت حاسه بغصه و بالدموع تتجمع في عينها: كان هذا ما كان قصدك من الاول..
نواف ضحك عليها: ههههههههه احلى شيء انك فاهمه كل شيء و متقبلته.. اتمنى يا ديما تظلين على هذا التفهم ان كنت تتمنين هذا الزواج يستمر...
ديما:........
نواف بحقاره: ليش لابسه فستان ابيض؟... اوووبس نسيت الليله ليله دخلتك ههههههههههههههه..
ديمـا انقهرت بس حبست كل المها داخلها : مافي شيء يضحك ..
نواف تجاهلها و اخذ موبايله: عن اذنك باتصل بحبيبتي .. اتمنى انك ما تزعلين..
ديما تجاهلته.. نواف اخذ موبايله و اتصل على طول.. بعد ما دخل في غرفه الجلوس الجانبيه... وعلى وجهه ابتسامه عريضه...
ايمان بصوت نصف نايم : الو؟؟؟
نواف بابتسامه خبيث: يعني انتي من النوع الي يرد على رقم غريب!!
ايمان عصبت و رمت نفسها على سريرها كانها نادمها على انها قامت من نومها: اولا ما شفت الرقم ثانيا تصورت انه جسار فعلشان جذي رديت .. انت شنوو تبي متصل هذا الحزه..و برقم غير عن المعروف..
نواف بغرور: هذا الرقم ما استخدمه الا مع الغالين و المقربين .. وانتي طبعا على راسهم..
ايمان تاففت من كلامه اللي ملت من سماعه باستمرار..: ممكن افهم شنو تبي يااا نوااف.. اخلص..
نواف ابتسم: استغربت انك ما اتصلتي تباركين لي اول ولو بمسج بسيط..
ايمان من غير نفس: الف مبروك منك المال ومنها العيال و الله يوفقكم..
نواف: بس انا ما ابي منها لا عيال و لا اتوفق معها لاني ابي وحده بس وهي تدري بهذا الشيء..
ايمان: اقدر اقول ان حوارنا انتهى لو سمحت اتركني في حالي.. انت انسان متزوج الحين ياااا نوواف حرام عليك اللي تسويه .. انا عمة زوجتك..
نواف: ما احبها ولا ابيها...ابييك انتي يااا يايمان..
ايمان بقهر من اسلوبه: انت انسان حقير وواطي..
فواز فتح باب غرفه ايمان بعد ما سمع صوتها تتكلم و ايمان فرحت انها شافته و بطريقه استفزازيه : عمرك طووييييل يااا فوواز... هذا نواف يبي يكلممك..
فواز باستغراب اخذ الموبايل من نواف: اهلا نوواف.ز
نواف انقهر كثير من تصرفها بس حتى ما يحرج نفسه كمل المسرحيه اللي اجبرتها ايمان يمثلها: هلا فووواز هلا بولد العم اللي حتى كلمه مبروك ما قال لي..
فواز رغم كلام نواف كان حاس ان الموضوع عكس اللي يقولونه : هلا فيك اكثر... والله اتمنى السموحه منك.. لاني كنت مشغول وكنت ناوي ابارك لك باجر بس انت سبقتني..
نواف : ماعليه انا قلت اتصل على ايمان تعطيني رقمك لاني اساسا كنت ابيك بموضوع يخص الشغل و من حسن الحظ كلمتك..
فواز تاكد لحظتها ان نواف يكذب: كلي اذان صاغيه اللي تبيه قووله..
نواف بضحكه ساخره: ههههههههههههه لا الحين مااا يصير انت ناسي الليله ايش..
فواز بابتسامه ساخره: هههه حلوه.. اجل الاحسن ان اقووولك بااااااااااااي بسرعه..
نواف انقهر من سخريه فواز: هه حلوه و مقبوله اوكي مع باااي ياا ولد العم..
فواز بسرعه سكر الخط وحرك عيونه لايمان: شنو كان يبي نواف يا ايمان..
ايمان بتوتر: ولا شيء كان يسالني ليش ما اتصلت ابارك له..
فواز: وبعدها لصقتيه فيني...ايمان انا بفهم شنوو بينج و بينه .. ليش كل ما كلمتيه او قابلتيه صدفه تتوترين و تبدين بالكذب.. ايمان اهو مسوي لج شيء؟؟
ايمان نزلت راسها و تنهدت: كل اللي اقدر اقووله ياا فواز اني ابي ارجع الكويت باقرب فرصه..
فواز بابتسامه: الطياره بكرا العصـر لا تخافي..
ايمان ابتسمت بتصنع: اجل بسلم على ريم و احمد و نطلع على المطار على طول
فواز رغم الهدوء اللي كان فيه كان الف سؤال و سؤال في داخله: ما تبين تسلمين على عمتي ساره ولا جدي؟؟
ايمان: لا...
فواز هز كتفه: براااحتج.. اجل انا بنام حتى اصحى بدري للسفر..
ايمان: ههههههه تتكلم كانها اول مره تسافر فيها,
فواز: هههههه معاج حق.. بس ايمااااااان للمره الاخيره اقولج اذا في شيء قوليه ولا تخافين,,, انا مستحيل اظن فيج سوووء او اخذلج..
ايمان بلعت ريقها: مااافي شيء يااا فووواز صدقني,,
فواز بوجه مخذوول : مصدقج تصبحييييييييين على خير يالجذااابه الكبيره,,
ايمان ابتسسمت رغم حزنها له وهي تقول في نفسها: شلووون اقوولك يااا فووواز.. شلون اقوولك اني غلطت بمجئي لغابه كل اللي فيها يحاولون يفترسوووني..
-
-
اليوم الثاني:
بيت احمد ..
عواطف كانت اول الواصلين لبيت احمد في هذا اليوم .. من يوم وفاه يعقوب و هي و ايمان و ندى ما يفارقون ريم الا نادرا.. كانوا بتصرفهم هذا يحاولون يطلعونها من الهم اللي كانت فيه ..
في العاده كانت ايمان دايما اول الواصلين و تكون اما في المجلس تنتظرهم حتى يدخلون على ريم مره وحده او تسبقهم لريم لحالها..
عواطف دخلت البيت و انصدمت انها ما لقت ايمان... على العكس لقت مشاري: السلام عليكم..
مشاري ابتسم من غير لا يحس في عمره لما شاف عواطف: وعليكم السلام .. هلا عواطف...شلونك؟
عواطف نزلت راسها ما تدري ليش بس حست باحراج غير معتاد منه: بخير.. وانت..
مشاري ابتسم لما شاف خجلها: الحمد لله... و مبرووووك زواج نواف..
عواطف: الله يبارك في حياتك و عقبااالك..
مشاري تنهد: آآآآآآآمين في القريب العاجل
عواطف انفجرت خجل ما تدري ليش فقررت تحركت راسها بخجل في البيت: يظهر اني اول الواصلين...
مشاري ابتسم و عرف قصدها: عمتي ايمان على عكس العاده ما جت اليوم...
عواطف: غريبه...
ما كانت الا ثواني و ندى و داخله البيت : السلام عليكم...
مشاري و عواطف في نفس الوقت: وعليكم السلام..
عواطف انحرجت ، ندى قالت بهدوء: عواطف مشاري شلووونكم..
مشاري رجع و قال في نفس الوقت مع عواطف: الحمد لله ..
عواطف زاد حرجها و مشاري ابتسم..، ندى ابتسمت على شكلهم..
ام مشاري طلعت من المطبخ و شافت مشاري جالس في المجلس و عواطف و ندى واقفين: يااا هلاا و مرحبااا....
ندى و عواطف مشوا لعند ام مشاري و سلموا عليها : شلونك ياا خاله..
ام مشاري وهي تحرك عيونها لولدها: بخيــــر........مشـــااااري .. روووح لغرفتك خل البنات ياخذووون راااحتهم...
مشاري بهدوء نفذ كلام امه و طلع ندى بابتسامه: خاله.. مشاري حسبت واحد من اخواني ما كان في داعي تصرفينه...
ام مشاري ابتسمت لها: فيك الخير يااا حياتي بس الحق انه ما يجلس معكن..
عواطف ضربت كتف ندى بخفه و ندى حبست ابتسامتها...: ندى امشي خل نروح لريم..
ام مشاري: ريم في مكتبه ابوها مع سديم..
عواطف ابتسمت بفرح: ما شاء الله ايش هذا التقدم...
ندى: الحمد لله يااا ربي...
عواطف قررت تروح للمكتبه حتى تكلم ريم و تجلس معا و طبعا ندى تبعتها و هو الشيء اللي قررت عواطف تستغله بعد ما صاروا بعيدين عن ام مشاري: ممكن افهم سبب تعليقك السخيف؟؟
ندى وهي تصطنع البراءه: اي تعليق؟؟
عواطف: لا تمثيلين انتي عارفه قصدي... حتى وان اعتبرنا مشاري واحد من اخونا ما كان في داعي انك تقولينه حتى تحرجييني..
ندى وهي تضحك: ههه وليش احرجك؟؟
عواطف انقهرت: ندى!!!!!!!!!!!!!!1
ندى انفجرت ضحك وفتحت باب المكتبه و دخلت حتى تنهي حوارها مع عواطف اللي كان وجهها يعكس تماما كل احرجها
عواطف في نفسها: معقوله اكون حبيت مشاااري.؟؟ لااا مستحيل!!!
عواطف فتحت الباب و دخلت بعد ندى و لقت ريم تقرا لها كتاب ديني و جنبها سديم تقرا قصه و ندى تجلس جنبهم..
عواطف بابتسامه: ما شاء الله ايش هذا الززززين..
ريم ابتسمت بانكسار: هلاا يااا عواطف شلونك..
عواطف سلمت على ريم و بعد ما سالت كل وحده عن الثانيه قرروا يجلسوون و يسولفون..
ندى: سديم مع اني شاكه ان يكون لك يد في تطور ريم ... ما اقدر امنع نفسي اسالك ايش استخدمتي حتى تصير بكل هذا الجمال..
سديم بضحك وهي ترمي القصه: هههههههههههه تعوذيه سحريه نحتاج فيها لذيل فاره حوله، و جناح خفاش متحلل و شعره صرصور مجاري..
عواطف سكرت اذنها و صرخت : بسسسسسسسسسسسسسسس!!!!!
سديم ضحكت و ضحكها ضحك ريم...
ندى: ما شاء الله عليك يااا سديم عبقريه في انك تخلين اللي حولك يضحكون...
سديم: دكتوراه فخريه... هههههه ولا تدرين شلووون ماجستير اكبر..
عواطف: دكتوراه اكبر من الماجستير يااا غبيه...
سديم وهي تمثل الغبااء: مستحيل انتي الغبيه هههههههه
ريم ضحكت من جديد عليهم عواطف ابتسمت: الله لا يحرمنا هذي الضحكه...
ريم بعد ما سمعتها نزلت راسها: مبرووك زواج نواف و ديما ياا بنات..
ندى و عواطف : الله يبارك في حياتك..
ريم: ما كاان في داعي نواف يلغي الحفل بسببي.. اكيد ديما تكرهني اكثر الحين..
ندى: لا تقولين كذااا.. اصلا ديما تقوول احسن من غير حفل..ايااا يكن انتي بنت عمها
عواطف كانت حاسه بالم لانها كانت تعرف السبب الحقيقي وان ديما ابدا ما فكرت في ريم...
ايمان فتحت الباب عليهم: الوحيد اللي انظلم في هذا الموضوع هو انا اللي اشتريت فستااااان بسعر و قدره و اخر شيء بطيح من غير لا ينلبس...
سديم: احرقيه....
ايمان ضحكت: ههههه فكره حلوه بجربها عليك بعد ما تبلسينه
سديم: غبيه!!!
ايمان: هههههههههههههه عمتك و للاسف طلعتي علي في غبائي ههههههههه
ندى ضحكت عليهم: ههههههه كانت عندنا سديم عندها ماجستير ضحك والحين جت عمتي ايمان اللي عندها دكتوراه..
سديم بعصبيه التفتت لها: لاااااا انا دكتوراه هي شهاده ابتدائي ههههههههههه
ايمان مدت لسانها لها: انتي الروووضه ولا الحضااانه كثير عليك ههههههههههههه
عواطف وقفت بينها حتى ما يكملون: ممكن تكبرون شووي و توقفون هذا الكلام اللي ماله اي فائده...
ايمان تنهدت: معاج حق خصوصا ان طيارتي بعد جم ساعه..
ريم وهي تحس بالم في قلبها: طيااارتك؟؟
ايمان: انا بصراحه جايه اسلم عليكم قبل لا امشي... للكويت..
عواطف: من جد تتكلمين ايمان ولا هذي وحده من نكتك..
ايمان هزت راسها بالنفي: جد طبعا..
سديم: بسببي لاني هاوشتك؟؟
ايمان رجعت وهزت راسها بالنفي: لاااا يااا حبيبتي.. انا برجع لان مدرستي بتبددي قريب..
ندى: مااا هو عذر ياا عمه .. انقلي لهنا... المدارس في الرياااض كثير حلوه..
ايمان: بس انا ما اقدر ابعد عن اهلي و صديقاتي و الديره اللي عشت فيها طوول عمري...
ريم بدموع: ونهون عليك؟؟؟
ايمان باست راس ريم و حضنتها لما حست بدموع ريم تنزل بجنون: لا تبكي يااا روح عمتك... اسباب رجوعي للكويت كثيره و الاحسن للكل اني ارجع...
ندى: بس احنا نبيك...
ايمان باسى وهي تتذكر ان اخت ندى هي اكثر من المتضررين من وجودها: وانا ابيكم بس ما اقدر ابعد عن ابوي..
عواطف: يعني مافي وسيله تغييرين فيها رايك..
ايمان بثقه : ابداا..
عواطف ابتسمت: اجل في حفظ الله... راح نشتاق لك....
ايمان ابتسمت لتفهم عواطف: مشكووره ياا قلبي..
سديم ركضت وضمت ايمان بقوه: لا تقطعييييييينا تعالي كل ما قدرتي..
ايمان بضحك: هههههههه اكيد... المهم اجي و القاج انثى..
سديم بهمس: مستحيل..
ندى قربت و سلمت على ايمان: راح توحشييينا..
ايمان حضنتها و همست في اذنها: انتبهي على نفسج واخذي اللي صار لديما عبره لج..
ندى حست بالم في قلبها من كلمة ايمان بس حببت تسكت ولا تجادلها... ايمان حركت عيوونها لريم و حضنتها من جديد: ربي يااا عوضج بكل خير يااا ريم و ينولج مرادج بعد كل هذا الصبر..
ريم بالم: الله كريم...
ايمان ابستمت لهم كلهم و بعدها و مشت لعند الباب...ريم وقفت: ايمااان...
ايمان: هلاا؟؟
ريم: بوصلك لباب البيت..
ايمان ابتسمت على التطور اللي وصلت له ريم و حست بشيء من الراحه انها شافت هذا التطور قبل لا تروح..: اكيد..
ريم و عواطف و سديم و ندى مشوا مع ايمان لعند باب البيت طبعا لان ريم ما تقدر تطلع لبره البيت ولا حتى الحديقه..لكن اللي ما كانوا يعرفونه هو ان مشاري اللي صعد لغرفته رجع جلس في المجلس لما عرف ان في ضيف عندهم...
فواز بنبره سااخره: سااااااااعه.... تاااخرتي يااا مزعجه
ريم شهقت و توسعت عيونها لما تلاقت عيونها بعيون فواز اللي كان جالس مع مشاري بجنون ركضت و دخلت لداخل غرفه جانبيه، ايمان صرخت عليه: انت شنوو مدخلك هناااااا...؟
مشاري حس باحراج فواز و ريم ... : الذنب ذنبي.. انا قلت له ينتظر هنا حتى تخلصي بدل ما ينتظرك في السياره.. ما تصورت ابدا ان ريم بتنزل للدور الارضي...
فواز: لا حول ولا قوه الا بالله.. اللهم اعفو عنا و اغفر لنا ذنبنا كله..
عواطف اللي كانت نفسهم مصدومه من اللي صار قررت تظهر بمظهر السنعه قدام فواز: مالك ذنب ياا فووواز اللي صار غصبن عنك.. وانت ما كنت تدري انها معنا مثل ما اهي ما كانت تدري انك موجود انكشافها كان من غير لا تدرون ما اعتقد فيها ذنب..
ايمان بابتسامه: عين العقل يااا عواطف..
فواز ابتسم: مشكووره ياا عواطف خففتي عني..
عواطف ابتسمت بعد مدح فواز لها... ما كانت تدري ان اللي انبهر في كلامها كان شخص ثاني: فعلا تربيت عمتي ساره..
ندى ضربت بكتف عواطف: مشاري يمدحك..
عواطف تجاهلت ندى خصوصا ان بالها سافر لعالم ثاااني... لها هي و فواز لحالهم... اللي تاكدت بعد شوفها له اليوم ان مشاعرها اتجاه مشاري ماهي الا وهم...
فواز استاذن من مشاري و البنات و مشى مع ايمان الي كانت تلوح لهم وفي الووقت نفسه تلوم فواز لانه شاف ريم..
ريم كانت في الداخل الغرفه تتفس بسرعه و بصعوبه وهي خايفه: ليش يااا فووواززز.. ليش تظهر في وجهي وانا في هذا الحااااال ليش تفتح جرووووح سكرتها و حاولت اتناساها!!
-
-
في الطياره الراجعه للكويت..
ايمان كانت تتامل من الشباك شكل الغيوم و افكار كثيره في بالها .. اهمها كان نواف.. ياترى لشنو مخطط لها بعد ما سافرت و تركته حتى من غير لا تقول له.. وثانيا كانت ريم اللي حست انه راح تتضرر من سفرها خافت ان ندى و عواطف اللي زادت علاقتهم فيها بعد اللي صار يبتعدون تتدرجيا و يتركونها..
ايمان تنهدت في اللحظه اللي رجع في فواز: آآآآآآه
فواز بضحك: ههه سلااامتج من الاآآه يا بعد رووح و قلب فوواز..
ايمان ضحكت عليه و عطته نظره خبيثه: خلصت مغازل للمضيفات؟؟
فواز ضحك عليها و جلس جنبها: لااا كابتن الطياره.. بو لارا.. قلت ضروري اسلم عليه...
ايمان وهي ترفع حاجبها : بو لارا خخخ خوووش اسم والله...
فواز: لا تلومينه طيار تركي.. و ما عنده الا هذي البنت و كان معنا في التدريب مسؤول علينا..
ايمان بابتسامه: يعني اكيد كبيــر...
فواز: اكبر مني تقريبا بعشر او 15 سنين.. و بنته اعتقد انها عمرها 15 او 14 والله ما ادري..
ايمان عيونها كانت على فواز وكلها تساؤولات: فواز انت متى ناوي تتزوج..
فواز ضحك على سؤالها: ليش لاقيه لي عروس؟؟
ايمان : ريم..
فواز ابتسم لها: وليش ريييييييم؟
ايمان: مسكينه و طيبه و مظلومه....
فواز ابتسم و حرك وجهه لبعيد: يصير خير..
ايمان: يعني بتفكر بالموضوع؟؟
فواز بعيون كلها هدوء: قلت لج يصير خيــر..
ايمان ابتسمت وحست بشيء من الراحه لان فواز ما عطاه جواب رفض بمعنى انه بيفكر بالموضوع في نفسها: الحمد لله هذي ريم و صرت متطمنه عليها بقت ندى اللي خايفه انها تضيع نفسها و نوف الله يستر عليها..
-
-