الموت ما هو أنك تكتفن بترابك ! الموت أنك تحب حي ويفارقك

20

مدينه الضباب لندن - جامعه اكسـفورد:
انتهت محاضره طويله مدتها ساعتين في اداره الاعمال البروفيسور العجوز انهى المحاضره و قرر الانصراف بعدها مباشره من دون الرد على اسئله الطلبه وهو شيء اعتادوا عليه.. بما انه واحد من اكره الهئيه التعليميه في الكليه..
بمجرد ما طلع انتشرت التنهدت و الثاؤب من الطالبات و الطلبه .. الطالبه البحرينيه عائشه تثاوبت و التفت لصديقتها جنبها : ما بغى يخلص ملينا و احنا نتنظره يخلص..
صديقتها هديل كانت طالبه سعوديه ابتسمت لها: يعني انا اللي ما مليت ... انسان سخيف يظن الناس كلهم ماهم من مستواه الرفيع اففففف..ولا ايش رايك يا اسماء..
اسماء طالبه كويتيه كانت شارده تماما في التفكير في الوقت اللي كانت فيه هديل و عائشه يتكلمون.. لما ما ردت هزت هديل كتفها: اسمااااااااااااااااااااااااااء؟؟
اسماء صحت من شرودها و التفتت لهم: هااا؟؟
عائشه ضحكت: هههههههه وينج يا بنت؟ من ساعه نناديج؟
اسماء: اسفه ما انتبهت كنت شارده شوي؟
هديل غيرت ملامحها للقلق: اسماء في شيء؟ من رجعتي من النمسا و انتي متغيره ؟ صار شيء؟
اسماء ابتسمت وهزت راسها: لا بس فعلا احس بضغط من الشغل بجهه و الدراسه اللي صعبت اكثر من اول ..
عائشه تنهدت: الله يعينج.. الدراسه بروحها تعب... و فوق هذا شغل... ليش ما تاجلين الشغل للعطل احسن لج؟
اسماء: مستحيل يا عائشه... هذا شغلي وفلوس ماما.. ما اقدر اتركها.. خصوصا ان الليدي لارا واثقه فيني و ممسكتني مركز هم في الشركه...وحتى هديل مسكينه.. دراسه و زوج تهتم فيه خصوصا ان كان يتعب نفسه في الشغل بشركه مثل شركتنا..
هديل هزت راسها:انا اللي ما اطلع من فضلك وظفتي زوجي بعد ما انفصل من شغله في الشركه اللي كان فيها و..
اسماء سكتتها: لا تكملين يا هديل احنا ربع ومثل هذا الكلام ما يصح بينا..
عايشه: انا صراحه راضيه اكون مكروفه سواء مع زوج او بنت مليونيره...ع الاقل اشوف وجه سنع بدل وجه مسؤوله السكن
هديل طلعت مجله شركه l&m اللي كان شعارها ورده لها خمس بتلات كل بتله لون ابيض و احمرناري و اصفر و بنفسجي و ورديه و بالمنصف احمر عنابي مكتوب فيه شعار l&m.. .. اللي تعمل فيها اسماء وبدت تتصفحها : بصراحه ما اقدر الومك.. عارضي الازياء و الممثلين اللي تكحلين عيونك بشوفهم كل يوم يصعب عليك الانسحاب من الشركه..
اسماء ضحكت:هدييييييييل
عائشه بضحك اكثر: لااا تنسين رجال الاعمال المليونيرات !! و الهدايا اللي تحصل عليها من شركات الازياء و القطع النادره المييز من الميك اب ..
اسماء : اذا تبون هذي الاشياء .. اشتغلوا معي؟
عائشه: هههههههههههههههه من وين احصل مهارتج العريقه في التعامل من الزباين.ز
هديل: وانا ما اعرف اتصرف في المؤتمرات و عروض الازياء..
اسماء ابتسمت لهم: لكل انسان موهبه اكيد يقدر يستثمرها و انا اعتقد ان مهاراتكم في........
انقطع كلام اسماء - بضحكه عاليه صادره من بنت في المقاعد الاماميه
اسماء بانقراف همست: شنو هذي الضحكه؟؟
هديل استغفرت ربها: ناس تفشل والله .. شوهوا صورتنا عند الغرب ..
طالبه خليجيه كانت تضحك و تحضن طالب خليجي المحاط باصحابه ، عايشه سالت: من هذي يا هديل؟
هديل بقهر: وحده كان ينضرب المثل باخلاقها و التزامها لما كنا في سنه اولى... بس اللي ما يخافون الله كثار خربوها وفهموها الحريه غلط..... والحين زاد وضعها سوء من بدت ترافق عبدالعزيز البدر..
عايشه بدت تتامل: اي واحد فيهم عبدالعزيز..
اسماء بنبره منقرفه: اللي جالس جنبها طبعا...
عايشه: وليش تقولينها جذي من غير نفس؟
اسماء رفعت حاجبها: وشلون اقولها و انا اشوف منظره اللي مسويه..
هديل: لا يكون عاجبك يا عايشه..
عايشه بضحك: خخخ وليش ما يعجبني و هو ولد عايله البدر اللي صيتها مالي السعوديه و البحرين بعد..بس اذا بغيتي الحق انا ما احب الناس اللي جذي غرور و تكبر و...
اسماء تاففت: ممكن تطلعونه من الموضوع؟
هديل ابتسمت لها: شكلك ما تطيقينه؟
اسماء حددت نظرتها عليه: انا ما اطيقه و بس ... انا...اكرهه...
عايشه:تكرهينه؟ ليش...
اسماء ابتسمت بخبث و سحبت موبايلها: فكتوريا!! مرحباا... اين انتي؟؟؟........الا تستطيعين المجيء الى القاعه هنالك امر هام اريد ان اريكي اياه...شكرااا ساكون في الانتظار..
هديل ابتسمت: فكتوريا هنا؟؟
اسماء: اي بتمرني علشان نروح المصنع مع بعض نشوف الازياء قبل لا ننقلها للمعرض..
عايشه تنهدت: الله يعينكم..
بعد دقايق تبطل باب القاعه و دخلت انسانه الفتت انظار كل الموجودين و طبعا قروب الفساد عبدالعزيز و ربعه ما قدروا يرفعون عيونهم عنها..فكتوريا انسانه طويله جسمها عذاب الكتوف العريضه و الخصر اللي مثل الخاتم و الشعر الطويل لنص الظهر واللي كان لونه بني محمر وعليه ورده بيضاء كريستاليه.. كانت لابسه فستان احمر فااتح قصير لفوق الركبه و عليه جاكيت قصير ابيض بروش كريستال على شكل ورده من جهة الصدر و الجزمه لازم تكون حمرا شرايطها لف للركبه شكل احمر الشفايف الاحمر.. والناظاره كانت عسليه باطار احمر متناسبه مع ..عبدالعزيز انهبل من المظهر اللي شافه و كان حال ربعه من غير تفكير قال واحد منهم: ارغب التهام هذه الحلوى.
فكتوريا فصخت النظاره و ظهرت عيونها الخضراء المكحله باللون الرمادي وقالت بدلع وثقه: وتتوقعي ان الذي هم مثلي يضيعون وقتهم مع الذين هم مثلكم...
عبدالعزيز انفجر عصبيه من كلمتها: ماذا؟؟
فكتوريا رجعت نظاراتها: انكم مثيرون للشفقه.. سووومااا هااي
اسماء انفجرت ضحك على اشكالهم وهم يتاملون فكتوريا وهي تصعد المدرج للكراسي الخلفيه اللي كانت فيها اسماء مع صديقاتها اللي كانوا ميتين ضحك..
عايشه: الحين فهمت ليش اتصلتي فيها... كنتي تبين تقهرين عبدالعزيز؟
اسماء وهي تمسح الدموع اللي نزلت من ضحكها: اكيد... يستاهل..
هديل: كفووو ياا فتكوريا بردتي كبودنا..
فكتوريا قربت لعندهم و بوزت : اكره عندما تتحدثون بالعربيه و انا لا افهم حرفا منها..
هديل مشت وباستها: لا تخافي اننا فقط نتحدث عن جمالك الاخاذ...
فكتوريا طارت من الوناسه .. عاد عايشه ما قدرت تتحمل انها ما تضغطها: لكن اطلاء اضافرك لم يعجبني ابدا اليوم!!
فكتوريا على طول رفعت اصابعها تتامل الصبغ: لا تقولين هذااا..
اسماء ضحكت وحطت يدها على كتف فتكوريا تسحبها: لا تهتمي لعايشه انها تمزح معك.. هيا والا تاخرنا على المصنع..
فكتوريا مشت مع اسماء اللي كانت اقصر منها و مشوا من عند عبدالعزيز اللي كان يعطيهم نظرات غضب وطلعوا و بعدها بفتره قررت عايشه و هديل يطلعون..
عايشه: مشينا هديل.. صرت اخاف اجلس معهم لحالي..
هديل حطت يدها على بطنها و قالت: روحي اسبقيني انا احس كبدي تحوم...
عايشه رجعت جلست جنبها: اجل بنتظر معاج؟.
هديل هزت راسها: مافي داعي.. اسبقيني ارتاح شوي و اتبعك طلبي المعتاد ..
عايشه: اوكي انتظرج في الكوفيشوب لا تتاخرين حتى ما يبرد الاكل..
هديل عطتها ابتسامه و راقبتها تطلع و بعدها طلعوا الطلبه الباقين و ما بقى الا هي و عبدالعزيز اللي صعد لها..: مرحبا
هديل نزلت راسها: هلا..
عبدالعزيز رفع حاجبه: خطيره فتكوريا هذي.. اكيد اجمل عارضه عندهم....
هديل: و من اصحاب الاسهم بعد..
عبدالعزيز صفر: عجييييييييييب ..لفين رايحيني..
هديل بتوتر: للمصنع بيمرون على التصميمات قبل لا تروح المعرض...
عبدالعزيز: شركتهم تموت في انها تتاكد من كل شيء عن طريق المدراء وليس الموظفين ... المهم جبتي الملف..
هديل بالم و استلسلام طلعت الملف من شنطتها: زوجي تعب حتى جمع لك كل البيانات...و الباقي كله على الفلاش مموري..
عبدالعزيز اخذه وعلى وجهه ابتسامه عريضه: ممتاز..
هديل: نفذت وعدي... نفذ وعدك
عبدالعزيز..رمى الشيك على الدرج قدامها: الملبغ اللي راح يضمن لك حياه رغيده .. اضافه الى ان سكرتيري الخاص راح يتكفل بمصاريف الدراسه الخاصه بك...
هديل: واخوي؟؟؟
عبدالعزيز: ما راح ينطرد تطمني... نواف ما ينسى ابدا اللي يخدومونه بامانه..
هديل: واي امانه تجي من الخيانه..
عبدالعزيز ببرود: عادي.. خنتي صديقه لا راحت ولا جت.. و ساعدتي نفسك و زوجك و عايتلك وفوق هذا بتكلمين دراستك بعد ما الغت الدوله بعثتك..
عبدالعزيز عطى هديل ظهره و طلع من القاعه.. هديل نزلت راسها على الدرج وقعد تبكي: سامحيني يااا اسماء... سامحيني.... الغوا بعثتي و طردوا اخوي من شغله و بيركبوني تهمه تسجني ما لايقل عن 10 سنين في سجون بريطانياااا سااامحيني ... ساامحيني..
-
من جهة ثانيه كانت فكتوريا في سيارتها البورش صاحبه المقعديني المكشوفه بالون الاحمر الفاتح تسوق وتتامل صبغ اظافرها كل دقيقه
فكتوريا بتنهد: اهو سيء فعلا سوما؟
اسماء بتملل: وربي بطيتي جبدي..
فكتوريا لانها ما فهمت شيء سالت: ماذا قلتي.؟؟.
اسماء عطتها ابتسامه عريضه: انه جميل.. قلت لك عايشه كانت تمازحك فقط..
فكتوريا عطتها نظره عدم تصديق: اين زهرتك؟
اسماء لوت وجهها : في الحقيبه..
فكتوريا: اليست شعار الشركه... الليدي لارا ستغضب كثيرا منك ان لم ترك تلبسينها..
اسماء طلعت وردتها الكريستاليه الحمرا الناريه من علبتها في الشطنه و حطتها على شعرها .. اسماء كانت جميله جدا بس طبعا ماهو بجمال فكتوريا.. شعرها اسود لتحت رقبتها .. يكون طويل من قداوم و يقصر تدريجا لاخر الشعر .. عيونه بنيه فاتحه رموشها كثيقه و جسمها مقارب لفكتوريا بس طبعا فكتوريا كانت اطول...
فكتوريا: اتكرهين الزهره لهذه الدرجه؟
اسماء لبست وردتها واللي عطت شكلها لوك جميل وفاتن..: انني اتمنى فقط ان اعيش حياه طبيعيه.. ارتدائي للزهره تاكيد على انني اسماء العبدالمحسن ابنت الاثرياء و شريكه مهمه في شركه l&m ..
فكتوريا تنهدت: وهذا اجمل شيء.. هكذا سيعرف ابناء الدرجه الثانيه انهم ليسوا من مستواك و لن يقتربوا منك..
اسماء: لكني لا احب هذا الشيء.. ولا اريده
فكتوريا التفتت لها وهي تسوق: ستعتادين على ذلك ياا عزيزتي..
اسماء كانت بترد بس شيء ظهر في وجههم: فكتووووووورياااااااااااااا اماامك..
فكتوريا حاولت توقف بس ما قدرت بسبب السرعه و صدمت رجال كان يعبر الطريق...
فكتوريا و اسماء: آآآآآآآآآآآآآآآآآآآآآآآآآآآآآآآآآآآآآآآآآآآىهههههه
-
-
الرياض:
من سياره المايباخ نزلت فاطمه و عواطف بتافف بعد ما عطوا الاوامر لمرافقاتهم يطلعون اكياس الاشياء اللي اشتروها لغرفهم..
فاطمه بغرور معتاد: السوق ممل و كل شيء فيه صار مقلد.. حتى افشل الفاشلين صاير يلبس نفسنا تقليد علشان بس يقهرنا..
عواطف تنهدت: معك كل الحق يا اختي ما صرنا نقدر نتميز بشيء.. بنات عز و جميلات بس...
فاطمه: ايش هذا الكلام يا عواطف انتي ما عليك قاصر..
عواطف تافف و سبقتها للباب: اتركني..
قبل لا تدخل عواطف البيت ان فتحت الباب و تلاقت وجهها لوجه مع حرمه كانت بتغطي وجهها قبل لا تطلع..
الحرمه على طول سلمت عليها: يا هلا وغلا بعواطف.. شلونك يمه.؟
عواطف كانت مستغربه : هلا بخير.. من معي..
الحرمه بابتسامه: امك بتقول لك.. شلونك فاطمه..
فاطمه كانت مقهوره انها اخيرا ذكرتها من غير نفس: بخير..
الحرمه رجعت ابتسمت لهم و طلعت لسيارتها .. عواطف ما كان هامها الموضوع بس حست انه مافي مشكله ان سالت امها على طول دخلت مع فاطمه لامها اللي كانت تنتظرهم ..
فاطمه و عواطف: السلام عليكم
ساره ابتسمت بسعاده غامر و مشت لبنتها: وعليكم السلام هلا يااغلا... اجلسوا يا بنات..
فاطمه و عواطف جلسوا و ماكانوا فاهمين ابدا سبب هذا الفرح، فاطمه بفضول: خير ماما في شيء؟
ساره تنفست باسترخاء و قالت : صادفتوا حرمه عند الباب صح؟
عواطف: اي و قالت لي ان عندك شيء مهم لي..
ساره: الحرمه اللي كانت هنا هي صالحه بنت سعيد العالي.. زوجها مرزوق العالي من كبار التجار و ناس طيبين و محترمين و ما عندهم الا ولد واحد ...
عواطف قطعت الحوار: ويبوني اتزوجه صح؟
ساره بدت ابتسامتها تتلاشى من على وجهها: اي نعم..
عواطف من غير نفس: ماني موافقه..
ساره: خييييييير !!! ليش ان شاء الله...
عواطف: كذااا
فاطمه قررت تصير محضر خير و تتكلم: عواطف العايله و الولد ما يعيبهم شيء ليش ترفضينهم..
عواطف التفتت لها و بصراخ: انتي بالذات لا تتكلمين سعيتي و اخذتي اللي تبينه خليني انا اخذ اللي ابيه..
ساره انقهرت من بنتها و بدت تصرخ: ومن اللي تبينه قوووووولي؟؟؟ صار لكك ثلاث سنين كل يوم فيهم يخطبك واحد احسن من الثاني و كل واحد منهم رفضتيه من غير سبب مقنع.. تركتك كثير و مرات كثيره اقنعي ابوك و نواف اتركك اما الحين لاااااااااااااا.. اما تعطيني سبب مقنع للرفض ولا بتززوجينه غصبن عنك.. انا ماني ناقصه فضايح!!! يكفيني اللي يجيني..
عواطف توسعت عيونها: ليش في احد متكلم عنا؟؟
ساره اخذت نفس طويل و تكلمت ببرود: وليش ما يتكملون الناس عنكم.. ولدنا الكبير يتزوج و يطلق في بنات الناس و يرفض الانجاب منهم.. و رامي بنت عمه طول الوقت ما يدري عنها.. بننتي الكبيره مملك ولد خالها عليها من ثلاث سنين و ماهو راضي يتمم العرس او يعطي سبب مقنع للتاجيل.. وبنتي الصغيره ترفض اي خطيب يجيها !!!!
فاطمه: قص لسان اي واحد يتكلم عنا...
ساره وقفت بالم و كانت بتعطيهم ظهرها..: اجل قصي لسان كل سيدات المجتمع اللي رافضه اختلط فيهم من بديت اسمع غمزاتهم و المح نظراتهم.. عواطف!!!... صالحه.. اخر الخطاب المحترمين الراقين... و ما اعتقد ان بيخطبك احد احسن منها بعداليوم..
ساره مشت و تركت بناتها ورها .. عواطف تنهدت ورجعت ظهرها للكنبه اللي كانت عليها .. : ايش العمل يا فاطمه؟ امك تكرهني..
فاطمه تنهدت و سندت راسها على يدها: اقبلي باللي اختارته..
عواطف بسرعه التتفت لها بصراخ: انا لايمكن اقبل بواحد غيره..
فاطمه عصبت: اللي تبينه مااا يبيك... تزوج و عايش حياته ويحب زوجته ولا يمكن يفكر في احد غيرها!!!
عواطف: وليش ما قلتي هذا الكلام لما كانوا الناس يخطبونك.. و انتي ترفضينهم و لما بغيتي جسار اجبرتيه يتزوجك...
فاطمه بعيون حزينه: وايش هي النتيجه؟ كاني معلقه.. جسار دخل حياتي حلم جميل .. كنت سعيده بنظراته العاشقه و كلامه الحلو.. لكن هذا الشيء تغير بعد الملكه .. نظراته تغيرت للبرود و اتصالاته قلت و تدريجا صار ينسى اني موجوده..
عواطف باسى على اختها: لا تلومينه.. هو انقلب كثير بعد ما هربت ايمان..
فاطمه باستهزاء: لا.. هروب ايمان ماله اي علاقه بتصرفات جسار.. جسار كان مخطط للي يصير من اجبرته يتزوجني... من اجبرته يترك حياته في الكويت و يجي يعيش هنا و يشتغل مع نواف... كان مخخطط يخليني احبه و اتعلق فيه حتى يذلني و يذل نواف..
عواطف بانزعاج: ولما تعرفين هذا الشيء ليش ما تطلبين الطلاق و تعيشين حياتك قبل لا عمرك يرووح..
فاطمه هزت راسها بالنفي: ما اقدر... ما اقدر.. احبه..
عواطف: بس هو ما يحبك..
فاطمه: راح يجي يوم و يحس فيني...
عواطف : تنصحيني وانتي حالك من حالي؟
فاطمه: انتي ما جربتي انه يحسسك بالحب وانك ملكه قلبه.. وضعك مختلف كثير عني..
عواطف: حتى وان كان انا ما راح اتركه حتى لو اضطريت ادمر الدنيا كلها..
صوت طفولي: توووماااا تووووفااا...
عواطف حركت عيونها هي و اختها بحنان للطفله الصغيره ايمان اللي كانت تمشي لعندهم: قلت لك قول عمتي فاطمه و عمتي عواطف...
الطفله حركت عيونها بعدم فهم شيء..: تومااا ابكي؟؟
فاطمه مسحت دمعها بسرعه بعد ما انتبهت البنت الصغيره انتبهت عليها: لا ما ابكي يا ايمان.
ايمان طفله الثلاث سنوات .. كانت جميله كثير .. تلبس اجمل الماركات العالميه واللي تصمم خصيصا لها و شعرها كان يتم قصه على يد اكثر خبراء الشعر شهره كان لونه بني غامق.. لون شعر امها الطبيعي......عيونها الزرقاء الفاتحه واللي ورثتها عن ابوها كان معطيها مخليها اي شخص ينعجب بجمالها اللي مثل الالعاب .. ديما نزلت من السلم الطويل وعباتها على كتفها مع مرافقتها: ايمان قلت لك ما تتحركين ما تطلعين من غرفتك الا مع زهره ...
ايمان عقدت حواجبها و ضمت رجل فاطمه: ماما لا تطقيني...
فاطمه توسعت عيونها غضب: تطقينها يااااااااااا ديمااا
ديما بعصبيه سحبت يد ايمان بقوه من رجل فاطمه: فاطمه لو سمحتي لا تتدخلين.. هذي بنتي وانا حره فيها..
فاطمه: لا منتي حره فيها .. وارح اقول لنواف حتى يأدبك...
ديما: قولي له..كانك مخوفتني...
نواف اللي كان داخل وسمع اللي صار: ديماا ووجع!!! شنوو هذاا الكلاام ..
ديما تكلمت ببرود : مالها دخل في بنتي..
نواف وعيوونه كلها غضب: اذا فاطمه مالها دخل من له
ديما: ايمان بنتي اناا وانا اربيها... حتى انت مالك داخل.. ما تدري عنها طول الوقت بسفراتك و حريمك و ..
كف على وجه ديما كان نتيجه صراخها في وجه نواف .. ديما انفجرت بكي ونواف كان بيعطيها كف ثاني بس بكاء ايمان اللي انفجرت تبكي سكته.. نواف التفتت لها و قرب منها بيضمها بس ايمان ركضت بعيد تبكي..
نواف حرك عيونه للمرافقه الخاصه بايمان: زهره وراها
ديما صرخت بجنون: طلقني اكرهك .. طلقنييييييييييييييي!!
نواف ضحك باستهزاء: هههههه اسف ماهو انا اللي تجبرني وحده على شي... ثانيا مستحيل اسمح لك ترحلين وتاخذين بنتي مني..
ديما بجنون صرخت: اكرهك واكرهااا اخذهاا عندك!!
نواف ببرود: واحرم بنت من امها.. مستحيل...
ديما: طلقني ما احبك ولا احبهااااا ططلقنييييييييي
نواف: ديما.. هذا الحوار ما مليتي منه؟؟ قلت لك مليون مره...الطلاق انسيه واذا على الحب انا ماني مقصر عنك بشيء كل حقوقك و طلباتك تاخذيها حتى قبل لا تطلبينها...
ديما: ما ابي شيء.. وانت تعرف اني اكرهك..
نواف: يكفيني.. ان ايمان تحبك...
ديما مشت بجنون للباب و صرخت باعلى صوت : اكرهك واكره بنتك . اكرها اسمها .........الله ينتقم منكم كلكم..ان شاء الله..
نواف بكل برود وبساطه مشى للمكان اللي توجهت له بنته و ترك خواته اللي انصدموا باللي شافوه يوم عن يوم نواف و ديما علاقتهم تسوء والسبب بنتهم... نواف يبيها تكون ملكه على الكل.. وديما تغار منها و تحقد عليها في الوقت نفسه؟؟
عواطف في نفسها: ما مظلوم في علاقات نواف المتكرره و في الحاله اللي وصلت لها ديما ...الا هذي البنت المسكينه .. لا ام سنعه ولا ابو زين
فاطمه في نفسها: هل راح تنتهين يا ايمان مثلي.. مدلله .. تحاول تاخذ اي شيء بالقوه و ينقلب عليها في النهايه..
زهره مشت بسرعه ولقت ايمان جالسه تبكي بروحها في وحده من زوايا الحديقه.. على طول مشت ورا الطفله الصغيره..و حضنتها : لا تبكي ياا اميره..
ايمان كانت تبكي بالم الشيء اللي فهمته زهره على طول و ضمتها اكثر وهي تقول في نفسها: تلبسين ملابس غاليه و تحصلين على الالعاب الغريبه اللي تتمنيها و التعليم المبكر للعباقره و المتميزين.. لكن في داخلك انتي مثال على طفل وحيد و معقد.. بتكون نهايته اما الضياع و اما الموت المبكر..
-
-
ديما دخلت بيتها اهلها تبكي بجنون امها و ندى على طول ركضوا لعندها
ام سعود وهي تضم بنتها بجنون بصدرها: ديما ديما حبيبتي ايش فيك؟؟
ديما بصراخ: ضربني ياا ماما ضربني!!!
ام سعود رفعت يدها تدعي عليه: الله لا يوفقكك ياا نواف ياعل يدك المرض ان شاء الله..
ديما بصراخ هستيري: ما ابيه طلقوووني منه ماا ابيه..
ندى قربت من اختها تحاول تخقق عنها: ديما حيياتي ليش ما تجي معي شوي لغرفتك ترتاحين و..
ديما صرخت و مزقت عباتها بجنون: ما ابي ارتاح ماا ابييييييييييييييي
ندى خافت كثير من اختها اللي صار الصراخ شيء اكيد من حياتها اليوميه..
ام سعود: اسم الله عليك ياا ديما لا تسوين كذا في نفسك..
بوسعود نزل من غرفه على صوت صراخ ديما: ايش صاير ليش كل هذا الصراخ..
ام سعود: ديما يا بوسعود..
ديما عيونها كانت حمرا من الصراخ وشعرها مجعد من كثر ما شدته..: طلقني منه .. طلقني منه..
ابو سعود من غير نفس: خير وش قلتي اطلق منه و بصفتك ايش اسوي هذا الشيء..
ديما: مااا ابيه... اككرهه مثل ما هو يكرهني.. ما يحبني ولا يعطيني اي مشاعر حتى لو كذب.. ياخذ حاجته و يتركني مثل بنت الليل!!!
ام سعود: ديما ايش هذا الكلااام استحي على وجهك..
ابو سعود بنبره ساخره: وانتي ايش يا ديما.. رخصتي عمرك و ركضتي وراه مثل الكلبه و لما مل منك تركك .. حتى تكوني عبره لغيرك اتركك لانك ما عدتي تهمينه ولانك ما عرفتي تعلقينه فيك ... كنتي دايما في وجهه و تحاولين تفرضين نفسك عليه و نواف انسان حر يحب الحريه..و الشيء اللي ما يقدر يطوله.. و اخيرا تكرمت عليك فاطمه و اقنعته يتزوجك ولا كان حطيتي راسنا بالارض و فضحتينا قدام الناس.... والحين البسي عباتك و ارجعي لرجلك.. لا تاكلين ضربه ثانيه منه..
ندى حركت عيونه لاختها اللي كانت منهاره و تضرب راسها بجنون على الارض وكيف كانت و كيف صارت .
حست بدمعه تنزل من عينها باسى عليها و تذكرت عباره مرعليها سنين..
-
ايمان بهدوء: حتى من غير حب يقدر الرجال بالقلب البارد يمثل العشق بجنون قدام اي مرأه يرغب فيها... لهذا السبب لا ترمي اي وحده منكم نفسها في ايدي الرجال...
ندى: واذا كانت واثقه من مشاعره؟؟
ايمان اشرت على قلبها : وانتي تقدرين تشوفينها بعينك وهي هنا حتى تتاكدي..
-
ندى حست بدموعها تتجمع في عيونها نواف كان يمثل الحب باتقان لديما الشيء اللي تسبب في تسليمها نفسها له و النيجه كان اللي تشوفه قدامها.. عبدالعزيز عمره ما فكر في ندى وكل ما كلمته و صارحته بمشاعرها قالها انه يحس بالشيء نفسه وهو شيء ظنته حقيقي لما كان ما يرد على مسجاتها..لكن الكلام اللي سمعته من زميلاتها اللي يدرسون برا اكد لها العكس وانه يلعب على مستوا عالي ماهو مكالمات و بس.. استنتجت نددى انها استمرت على حبها له .. راح تنتهي مثل ديما..
بعد ساعه استفرغت ديما كل الحزن اللي كان فيها و طلعت على طول من البيت لبيت زوجها فما كان في مكان لها في بيت ابوها اللي من عرفه السبب الحقيقي لزواج نواف منها وهو ما يطيق يشوفها..
ندى مشت لعند امها و بابتسامه خجله: ماما...
ام سعود بحزن على بنتها الكبيره: خير..
ندى بتردد : انا موافقه على الرجال اللي متقدم لي...