OPERATION: Make Ligaw to him

Third Move

#C03: Stalking him

You know that feeling when everything seems fine but it's really not? Or maybe someone out there wishes that his or her life was different because it's boring?

In other words...Someone help me switch places!

This week was pure torture with that weird girl always pestering me around. For the past three days ay walang ginawa ang mysterious girl slash stalker ko kundi ang sundan ako kung saan-saan. Palagi niya akong binabagabag at nakakairita na. Nakakainis!

MONDAY

Tahimik akong naglalakad sa aming hallway papuntang room namin. Inaalala ko pa kung naiwan ko ba yung homework ko kaya dali-dali akong umupo.

"Anong hinahanap mo, Dale?" tanong ng isa sa mga kaklase ko.

Patuloy pa rin ako sa paghahalughog ng bag. "Yung homework natin. Baka kasi hindi ko pala nadala."

Lagot na kung hindi.

"Uy, may sagot ka na dun? Pakopya naman!" Aniya.

Nang mabuklat ang pad ay nakahinga ako nang maluwang nang makitang naroon nga. Nagtuloy ang discussion ng aming teacher sa harapan saka paminsan-minsan ay nagsusulat ako.

Nasa ganoon akong sitwasyon nang maramdaman kong parang may nakatitig sa akin. Iniangat ko ang aking tingin at pinasadahan ang paligid. Ganun na lang ang panlalaki ng aking mata nang makita ko yung babaeng stalker sa labas ng aking room.

Nakangiti siyang kumaway sakin.

Ibinalik ko ang tingin sa board upang tingnan kung mahahalata ba ako ng teacher saka ko siya sinamaan ng tingin. Patuloy pa rin ito sa mabilis na pagwagayway ng kanyang kamay sa ere. Parang tanga...

Dumating ang break namin at sa kinahapunang iyon ay group work ang nangyari. Busy kaming lahat... nang makita ko na naman siya sa bintana!

"Dale, ayos ka lang?"

Nagulantang ako sa nagtanong. "A-Ah, oo..."

"Anong tinititigan mo sa labas?" Mabilis kong iniharang ang katawan sa banda ng babaeng iyon. Hindi pwedeng may makaalam na narito siya! Tiyak na aasarin na naman ako ng mga ito.

"Wala wala. Ano daw yung susunod na tanong?"

"Ah! Ito..."

Pasimple akong tumingin sa bintana. Pinanlakihan ko siya ng mata nang makitang nakapalumbabang nakatitig siya sakin. She even looks like she's daydreaming!

Shoo, you pest!

"Uy sino yung nasa labas?"

Kumabog ang dibdib ko sa sobrang kaba.

"Pamilyar. Sino yan?"

Mariin kong ipinikit ang mata saka yumuko. Gah, I wish someone would take me away right now!

"Diba yan yung babaeng may gusto kay Dale?"

"Hala! Oo nga noh!"

Ang kaninang dinadasal kong huwag mangyari ay nabuhay sa aking imahinasyon. Someone kill me!

"Uyyyyyy!"

"Si Dale binibisita ng girlfriend niya!"

"She's not my girlfriend!" galit kong sambit. Ngunit parang wala silang narinig at patuloy pa rin sa pang-aasar. May mga lalake ring sinisiko ako at binabangga ang aking balikat.

Nanatili akong nakapikit. Maya-maya'y pinagalitan sila ng teacher namin dahil masyado ng maingay. Bumalik sa ginagawa ang lahat pero meron pa ring ang tumitingin-tingin sakin at inaasar ako gamit ang mga titig nila.