Unicode (Zawgyi below)
Jaehyun 's POV
အဖျားကြီးပေမယ့်လည်း ညက Yuta ရဲ့ပြုစုမှုအောက်မှာနေခဲ့လို့ မနက်မိုးလင်းတော့နည်းနည်းသက်သာသလိုလိုရှိသွားတယ်။ ဒါပေမယ့်လည်း နာလန်ထ တစ်ယောက်လိုဂရုစိုက်ပြီးနေရမယ့်အချိန်လည်းဖြစ်တယ်။ ခေါင်းထဲမှာရီဝေဝေ ကျိန်းစပ်စပ်နဲ့ကိုက်ခဲနေတဲ့ဝေဒနာကတော့ကျန်နေတုန်း။ကိုယ်ပေါ်မှာပိနေတဲ့ အဖြူရောင်စောင်ကိုဖယ်လိုက်ပြီးကုတင်ပေါ်ကဆင်းလိုက်တယ်။
ကြမ်းပြင်ပေါ်မှာပွလန်ကျဲနေတဲ့အရာတွေအားလုံးတစ်ယောက်ယောက်ယူသွားသလိုတစ်ခုမှရှိမနေတော့ပါ။ ရှင်းလင်းနေတဲ့ကြမ်းပြင်ရော အခန်းရောကို ကျနော်တစ်ချက်ကြည့်လိုက်ပြီးပြုံးမိလိုက်တယ်။ ညက Yuta ရှင်းသွားတာနေမှာပေါ့။ Yuta နဲ့ကျနော်ဟာငယ်ငယ်ကတည်းကပေါင်းလာတဲ့သူငယ်ချင်းတွေမို့လို့သာဒီလောက်ပုခုံးဖက်ပြီးပေါင်းတဲ့အထိခင်နေကြတာ။ အမှန်ဆိုရင် Yuta အကြိုက်ရော ကျနော့်အကြိုက်ရောနည်းနည်းလေးမှမတူပါဘူး။ ကျနော်က စိတ်ကူးယဉ်ဆန်လွန်းတဲ့ kpop ကိုရူးသွပ်ပြီး ကိုယ့် bias ကိုအသေအကျေ support နေတဲ့အချိန်မှာ သူက ဘောလုံးကစားတာကိုနှစ်သက်ပြီးလေ့ကျင့်နေတတ်တာမျိုးတွေလိုမျိုးပေါ့။
ကုတင်ဘေးကမီးအိမ်တင်စားပွဲလေးက album ကတော့ဒီအတိုင်း။
Yuta သိပါတယ်။ ကျန်တဲ့ပစ္စည်းတွေအကုန်ရှင်းရင်ရှင်းမယ် ဒီ NCT နဲ့ပက်သက်တဲ့အရာတွေကိုတော့သူလက်ဖျားနဲ့တောင်မထိပါ။ ထိလိုက်လို့နောက်ဆက်တွဲဖြစ်ပေါ်လာမယ့်ကျနော့်ရဲ့ဒေါသကိုသူကောင်းကောင်းသိနေလို့လေ။
အရင်ကcover ပဲရှင်းရှင်းကြီးမြင်ရတဲ့ album နဲ့ sign တွေစုံနေတဲ့ အခုလို album ကိုယှဉ်ပြီးမြင်ယောင်မိသေးတယ်။ လက်မှတ်ထိုးတဲ့အချိန်မှာ ကျနော် Taeyong နဲ့နီးစပ်ခဲ့တယ်။ fan sign တုန်းကသူနဲ့ကျနော့်ကြားမှာ စားပွဲတစ်ခုသာခြားပါတယ် ။ ဒါပေမယ့်ကျနော်နီးစပ်တယ်လို့နည်းနည်းလေးမှမထင်ခဲ့ဘူး။ နီးစပ်လွန်းပေမယ့်ဝေးကွာလွန်းတယ်လို့ခံစားနေရတယ်။
ကျောင်းသွားဖို့ပြင်ဆင်ပြီး ထိုင်းမှိုင်းတဲ့စိတ် လေးလံတဲ့ခြေလှမ်းတွေနဲ့ကျနော်အခန်းတံခါးပိတ်ပြီးထွက်လာလိုက်တယ်။ အမှန်ဆိုမနေ့ညကအပြင်းဖျားထားလို့ဒီနေ့ကျောင်းမတက်ဘဲကျနော်နားခဲ့သင့်တာ။ ၂ရက်ဆက်တိုက်ပြတ်ထားတဲ့ကျောင်းစာကို ၃ရက်ထပ်တိုးပြီးပျက်မယ်ဆိုရင်တော့ကျနော် စာတစ်လုံးမှနားလည်တော့မှာမဟုတ်ဘူး ဒီတော့လည်းမနည်းအားတင်းပြီးကျောင်းတက်ရမှာပဲလေ စောင့်နေကျ bus stop မှာရပ်နေရင်းအေးစိမ့်ခြင်းနဲ့အတူပျင်းရိခြင်းကစိုးမိုးလာတယ်။ ဒါကျနော်တို့ကျောင်းသားတွေကျောင်းတက်ခါနီးဖြစ်တတ်နဲ့စိတ်ကလေးပါပဲလေ😁
YOU ARE READING
Fan Boy Is Just A Fan Boy
FanfictionThis fic is written in both UNICODE and ZAWGYI versions of Burmese language. Unicode Fan boy တစ်ယောက်ရဲ့ feel နဲ့ကြီးမားတဲ့အချစ်အကြောင်းပုံဖော်ထားတဲ့ Jaeyong fic လေးပါ By Mhuu Zawgyi Fan Boy တေယာက္ရဲ႕ feel နဲ႕ ျကီးမားတဲ့အခ်စ္စစ္အေျကာင္းကိုပုံေဖာ္ထ...
