The Last Elysian Oracle (Soon to be Published under PSICOM)

Connections

Jamie's POV

Kinurap-kurap ko ang mga mata ko. Baka kasi hallucination ko lang pala ito.
Pero wala eh.

Ibig sabihin... totoo ngang may lumalabas na liwanag sa dalawang kamay ni Sebastian.

Hindi... yung buong katawan niya nagliliwanag.

Nakabalot siya sa nakakasilaw na liwanag.

"Ah... a son of light." lumindol sa buong lugar dahil sa mga halakhak ni Gration.

"Are you okay?" tumigil siya sa harap ko.

"Gago!" sinapak ko siya. "Ako okay?! Bulag ka ba?!" sarkastiko kong tanong.

Eh napuno na nga ng mga pasa't sugat tong katawan ko tas tatanungin niya kung okay lang ba ako?! Muntik na nga akong mamatay tas okay?! OKAY?!

Naiiyak na nga ako dito!

Ginulo niya ang buhok ko. "stay here." utos niya bago mawala sa harap ko.

Nagtago muna ako sa likod ng isang kahoy saka naghanap ng hangin.

Mayamaya, nakaipon na rin ako ng sapat na lakas para harapin ulit ang gigantes.

Nahagip ng mga mata ko ang maliit na sibat ni Arah.

Pinulot ko ito saka sinuri ang kakaibang hugis nito. May spirals na nakalilok sa silverish metal. Tas mga tribal patterns na nakaukit sa handle.

Binigay ng buwan.

Naalala ko ang sinabi sa'kin ni Heather tungkol kay Gration.

Kinuha ko rin ang pana na naiwan ng huntre. Sana nga lang tama 'tong iniisip ko.

Lumabas ako mula sa pagtatago at pinana ang paa ni Gration since yun lang ang madaling target dito sa pwesto ko.

Narinig ko ang sigaw ng gigantes nang dumikit ang spear sa balat niya. Natumba ang gigantes.

Nakaramdam ako ng pag-asa.

Tama. Ang goddess mismo ang nagbigay ng spear kay Arah. At ang spear lang ang makakasakit sa gigantes.

Hand-held lang ang sibat na'to pero kaya nitong patumbahin si Gration.

Tumakbo ako sa tabi ni Sebastian.

Alam kong nagtataka siya kung paano ko napatumba yung higante pero mamaya ko nalang ikuwento sa kanya.

Sumisigaw parin ang gigantes.

Hinagis ko ang labrys sa kabila para gapusin si Gration at iwasan siyang makatayo.

Nagwawala ngayon si Gration habang nakahiga, nagpupumiglas.

Tinignan ko si Sebastian na nakatitig lang sa'kin. "Ano?!"

Umiling siya saka tinaas ang dalawang kamay niya. Nagdilim ang buong kapaligiran maliban nalang sa isang makapal na ray of light sa tiyan ni Gration.

Tila kinolekta ni Sebastian ang natitirang liwanag at pinagsama-sama ito.

Lumakas ang hagulgol ni Gration.

Walang awang binutas ni Sebastian ang tiyan ni Gration gamit ang liwanag.

Tinignan ko si Sebastian na halatang nanghihina.

Kusa siyang nawalan ng malay nang marinig ko ang huling sigaw ni Gration  at paglaho niya.

Bumalik na rin ang liwanag.