Obsession #2: The Mafia Lord's Property

Chapter 25

Chapter 25:

"Sure ka?" may pag aalalang tanong ni Gigi.

Napabuntong hininga ako sabay tango nang marahan. "Oo, sure ako Gi," malungkot kong pag kompirma.

Sasama ako kay Gigi papuntang Maynila. Panahon na para hanapin ko ang nakababata kong kapatid at, ayusin ang magulo kong buhay na simula pa nung bata ay wala nang katahimikan. Nais ko rin kumpirmahin kung totoo ang balita na sinasabi ni Gigi. Hindi ako maniniwala hanggat hindi ko pa nakikita ang bangkay ni Trevore.

"Halika na. Nakahanda na ang bangkang sasakayan natin papuntang kabilang Isla." tumayo na ako at sumunod sakanya.

Nagpaalam at nagpasalamat na ako kay Nanay Celya at Carlito. Si Tatay Carlos ang maghahatid sa amin papuntang kabilang Isla.

"Maraming salamat po at Paalam!" sigaw ko nang magsimula nang magsagwan si Tatay Carlos.

Nag wagay way ng kamay si Carlito sa akin at sa kanyang mama.

"Pakabait ka Baby! Babalik ulit si Mama!" mangiyak ngiyak na sigaw ni Gigi.

"Pa." bumaling ang tingin ni Gigi kay Tatay Carlos. "Sabihan mo po si Mama, wag hahayaang matutok sa T.V. at Cellphone si Gian ah?"

"Naku anak. Ako pa. Kami na bahala kay Apo. Wag ka nang mag alala masyado at baka mawala ka sa konsentrasyon mo sa trabaho." napatango tango si Gigi.

"Salamat po Pa."

Napangiti ako habang tinitingnan ang mag ama. Masaya ako para kay Gigi. Ramdam kong masaya na siya sa buhay niya ngayon.

"Tay," napatingin naman sa akin si Tatay Carlos. "Maraming salamat po sa pagpapatuloy sa akin nang ilang araw."

"Naku, walang anuman iyon iha. Tsaka natutuwa nga ako't ang matalik na kaibigan pa ng aking anak ang aking nailigtas." nakangiting pahayag ni Tatay Carlos.

Hinawakan ni Gigi ang aking kamay at ngumiti.

---

"Ang ganda..."

Hindi ko napilgilang hindi mamangha sa nakikitang tanawin dito sa kabilang Isla. Tama nga ang sinabi ni Nanay Celya, maunlad nga itong Isla na halos tapatan na ang Maynila.

Nagtataasang establishimento. Maayos na daan at madaming mga tindahan at department stores.

Hinatak ako ni Gigi papunta sa isang bilihan ng mga damit.

"Gi---"

"Bibili muna tayo ng isusuot mo. Bruha ka, tingnan mo nga ayos mo. Pambahay. Tsk!"

Wala na rin akong nagawa dahil sa totoo lang, naiilang rin ako sa suot ko.

Nakabili kami ng blouse at fitted jeans. Binilhan niya rin ako ng sapatos na mura lang since di namam niya afford ang heels. Pasalamat nga ako at libre niya lahat. Pati sa pamasahe papuntang Maynila.

"Oh, ganda mo talaga Rie. Kaya nainlababo sayo yung kambal eh."

Napayuko na lang ako.

"Ay. Sorry. Hehehe tara na. Baka maiwan tayo."

Ngumiti na lang ako at muling nagpahatak kay Gigi.

Nasa Barko na kami ni Gigi. At habang hinihintay naming umandar na ang Barko, nagpalinga linga ako sa baba. Andaming tao.

Isinarado na ng ilang crew ang ilang labasan at nagradyo na rin ang kapitan na aalis na ang barko. Nagsimula nang umugong ang horn. Maya maya'y umandar na ito paalis.