رواية " أحبك ولكن ! "

الفصل الأول

الفصل الأول
------------
في حي شعبي من أحياء القاهرة ،في الصباح الباكر حيث يذهب الرجال إلي أعمالهم وبعض النساء إلي أعمالهم ،وبعض منهم يحمل قفص العيش لشرائه .ينزل من سيارة فارهة ثلاث فتيات يرتدين ملابس لا تليق بالمرة علي هذا الحي الشعبي تذهب السيارة بينما الفتيات يلتفت لهم كل من الرجال والنساء حتي التلاميذ في ذهبهم إلي المدرسة . منهم من يتعظ بالله ،ومنهم من يبتسم لهم ،ومنهم من يقف يراقبهم ....
نظرة علي اللبس (الأولي سلوي بنت في منتصف العقد الثالث من عمرها متوسطة الطول كانت ترتدي فستان بنفسجي اللون ذات حمالات رفيعة يصل طوله إلي الأرض مع فتحة تصل إلي الركبة كان شعرها مربوط إلي الخلف مع مستحضرات تجميل خفيفة علي وجهها زادت من جمالها ..
الثانية في سن 21 من عمرها ذات جسم ممشوق كانت ترتدي فستان قصير يصل إلي الركبة ذات لون بني وذات كم طويل ومثلها سها ذات نفس العمر ولكن لونه كحلي يحببن سها وسارة ارتداء مثل بعض كما إنهم تؤام أيضا )...
الشاب :يا فتاح يا عليم يا رزاق يا كريم ،أنا كل أما أقول هتوب هما اللي يطلعولي يا ربونا .
ثم ينظر إلي الثلاث فتيات ويقول :اول مرة اعرف ان شارع الهرم فتح فرع جديد هنا. طب الحلوين مش عايزين توصيله او ركوبه حتي انا ممكن اقلبلكم حصان هنا.
ترد واحدة من الفتيات سلوي بالتحديد :متحترم نفسك ياض انتا واتلم هو محدش مالي عينك هنا ولا ايه..
الشاب: هو بالنسبة انو محدش مالي عيني فهو مكنش في حد مالي عيني ومدام لغيتيني كدا يبقي مليتي عيني..
واقترب منها وبكل جرأه قام بإمساك شعرها وقال :أما أنا بئا فميتاليش ياض دا يبقي ابوكي ولمؤاخذة مش انا ..
تتوجع سلوي أما الفتاتين الأخريات تنكمش في بعضهن خوفا من جرأه هذا الشاب .
فتصرخ سلوي وتقول: سيبني يا حيوان
فيتركها بالفعل ولكن ينظر لها وبكل جرأه علي جسدها من رقبتها ومن ثم صدرها حتي يصل كل قدمها ويرجع مرة أخري ينظر إلي وجهها ويقول :في دي انتي مكدبتيش وانا دلوقتي هثبتلك دا علشان انا اصلا محروم ...
ثم يقترب منها وهي تبتعد حتي ترتطم في إحد جدران المنازل ...
سلوي برعب: انتا هتعمل ايه ،احترم نفسك !!
أما سها وسارة في هذه اللحظة كانتا تبحثن عن رجل ليستنجدن به ،ولكن كأن الارض انشقت وبلعت كل الرجال في هذا الشارع والنساء تنظر لهن وتذهب وكأنهم يقولون لهم هذا نتيجة اللبس الذي ترتديهن لبس عاهرات لا يليق بلبس بنات محترمات..
ولكن يوجد من يراقب المشهد من بعيد !فاذا بالشاب يقترب من الفتاه ويرفع يده ويصوبها في مكان معين علي جسدها وهي تنظر له نظرات رعب وتوسل أن يتوقف عن ما سوف يفعله ولكن لحسن حظها قبل أن يفعل شيء يسمع صوت موجه إليه..
فتاه مجهولة :علي الصبح كدا وقدام الناس يا كابتن !!!
الشاب :محدش ليه حاجه عندي وبصي قدامك كدا يا شاطرة وكملي طريقك احسلك علشان معملش معاكي الغلط علي الصبحية كدا بعد مقطعتيني علي اللي بأعمله ...
الفتاه المجهولة بثقه واستهزاء بكلام الشاب :تعمل معايا الغلط!! طب انا عايزة يتعمل معايا الغلط.
الشاب بلهجته التي يشعر بها من يتكلم معه بانه مسطول :جيتي في ملعبي، بس مش دلوقتي معايا واحدة باعمل معاها اللي انتي عايزاه تعالي وقت تاني او تعالي انتي مش هقدر اسيب الجميل واجيلك..
عندما قطعت الفتاه المجهولة عن ما يفعله حاصر سلوي بيديه حتي لا تفر منه ..
الفتاه المجهولة بجدية :كمان بجح ،طب انا جيالك والغلط اللي فرحان بيه دا هندمك عليه .
تقترب الفتاه بكل ثقة وهو واقف ينظر لها بكل قذارة علي جسدها مثلما فعل مع سلوي ،وقفت قريبه منه.
الشاب بإعجاب :جريئة جدا وجامدة اكتر
الفتاه المجهولة :انت لسه شوفت حاجه.....
واذا بركبتها وبكل قوتها في أسفل بطن الشاب وتوجه كلامها لسلوي التي كان سيتحرش بها : ابعدي شويه كدا يابنتي..
وإذا باللكمات في وجه فيسقط علي الأرض ويتلوي وجعا وتنزل عليه بالركلات في بطنه وفي كل منطقة في جسده وهي تقول :عملي فيها راجل وانتا متسواش قرش وفرحان وبتقولي هاعمل معاكي الغلط فكرها رجولة وانتا مش عارف تسيطر علي نفسك وانتا اصلا..... ولا بلاش اقول احسن انا متربيه مش زيك يا قذر يا حمار يا بهيم...
ثم تتوقف عن ضربه وتقول :غور من قدامي دلوقتي لأحسن اكمل عليك واخليك تقلب ..
يقوم الشاب بصعوبة شديدة ويمشي وهو ينمنم ويقول بصوت منخفض :وربنا لاردهالك ولكن بصوت منخفض، فلم تستطع الفتاة المجهولة بسماعه ولكن ادركت أنه ينمنم..
الفتاه المجهولة :انتي كويسه يا انسه.
سلوي :اه الحمد لله ،محصلش حاجه ،وشكرا جدا..
الفتاه :شكرا علي ايه انتي زي اختي بردو وابقوا خلو بالكم من نفسكم لما تمشوا الصبح بدري كدا .
سلوي :دي اول مرة واخر مرة والله مش هتحصل تاني خاالص...
الفتاه: ههههههههههههههه ،معلش مش قصدي اضايقكم بالكلام بس عيب بنات محترمات يلبسوا اللبس دا ،دا ولا أكنكم ريحين كباريه مش منطقه شعبيه وليها عادات وتقاليد زي المنطقة دي .انا زي اختكم ولازم الفت نظركم بردو..
سارة احد التوأمين: احنا متعودين علي اللبس دا وبنلبسه من زمان وعلي طول مبيحصلناش حاجه هو اللي مريض..
الفتاه باستغراب :بتلبسوه علي طول هنا في المنطقة دي !!
سها :لاء ،في النادي والجامعة ومن ساعة مكونا في امريكا بالتحديد كنا بنلبسه.
الفتاه: اهاااا، انتو مش متربين هنا ،بس المفروض تبقوا عارفين انو دا حي شعبي له عاداته وتقاليده لازم تحترموها .يعني اي حد في الشارع زي الستات اللي شافتكم وكملت مشي عادي مثلا محدش منهم حاول يساعدكم باعتقاد منهم انكم مش كويسين.
سارة: بس كويس اننا لقيناكي بجد انا مش مستوعبه انتي ازاي قدرتي عليه.
الفتاه بفخر وفكاهة : دا عيل فيونكه وسهل يعني معملتش معاه مجهود وبعدين من بعض ما عندكم هههههههههههههههههههه
سها :يعني ايه فيونكه!!
الفتاه :لو هنفضل يعني ايه ،وشكرا ،والكلام دا انا كدا هتأخر علي الشغل ،لازم امشي دلوقتي خلي بالكم من نفسكم ،سلام عليكم ..
الفتيات :وعليكم السلام..
*******************
......... في فيلا ما في القاهرة ..........
الأم بقلق: يا سلمي اصحي متعرفيش البنات فين ..
سلمي بنعاس: عند مني يا ماما
الأم باستغراب: الصبح كدا !! ومن غير ميقولولي!!
سلمي بنعاس شديد وهي تضع المخدة علي رأسها: معرفش بئا يا ماما ومليش دعوة اديكي عرفتي هما فين سبيني انام بئا..
الام: طب والله لأقول لكريم علشان تسبوني قلقانه كدا ومن غير متقولولي ...
*******************
.........في الشركة.........
السكرتيرة :صباح الخير مستر كريم
كريم :صباح الخير
السكرتيرة :مستر كريم الورق دا محتاج يتمضى عليه
كريم :طب سبيه هنا وروحي هاتيلي القهوة بتاعتي
السكرتيرة :حاضر يا فندم تؤمر بحاجه تانيه؟
كريم: في أي مقابلات قبل اجتماع انهاردة
السكرتيرة: ايوة ،استاذ مدحت المحامي جاي انهاردة من السفر وجاي يتناقش مع حضرتك انهاردة أوراق عقد الشراكة مع شركه الشامي وهيجي انهاردة الساعه12 يا فندم...
كريم :طب لما يجي ابقي دخليه علي طول .
السكرتيرة: تؤمر بحاجه تانيه يا فندم.
كريم :لا شكرا ،اتفضلي انتي ومتنسيش القهوة .
السكرتيرة: حاضر يا فندم عن اذنك..
يجلس ويمضي الاوراق التي أمامه فإذا بالهاتف يرن.
كريم: صباح الخير يا ست الكل
الام بإستياء :وهيجي منين الخير.
كريم :ليه كدا بس مين اللي مديقك
الأم :البنات سبوني وأنا نايمة ونزلوا راحو لمني من غير ميقولولي وقلقوني عليهم ..
كريم: هما فعلا قالولي انهم عايزين يروحوا بس راحو بدري كدا ليه..
الأم بغيظ :هو دا اللي مضايقك أوي انهم راحو بدري وانا بقولك قلقت جامد ..
كريم :خلاص يا ست الكل هروقهم لما ارجع من الشغل مرضي كدا يا جميل ..
الأم: ربنا يخليك يابني ويبارك فيك دايما جابر بخطري. كريم :واحنا لينا اعز منك بردو يا سوسو
الام : هههههههههههههههه ابني سلام بئا علشان معطلكش
كريم: سلام يا ست الكل .
نظرة علي كريم والام (كريم شاب في بداية العقد الرابع من عمره ،ذات بشرة حنطية اللون ذات جسم رياضي جذاب الشكل يرتدي استيل معين في اللبس مما يعطيه جاذبيه واعجاب الفتيات به اعطاه الكثير من الغرور فاصبح لا يتحدث مع اي منهم الا من تأتي علي مزاجه كون مجموعه شركات مع اخيه واصبح يوفق بين الدراسة والعمل ودخل كليه الصيدلة ولكن لا يعمل في مجال دراسته وانما اكمل ما بداه مع اخيه وهو ذات عقليه عمليه متفتحة.
الام-اسمها سهير ام لسبع اولاد اربع بنات وثلاثة صبيان)
*****************
منال :ازيك يا حبيبي ،وصلت خلاص
يوسف :الحمد لله ياروحي ،اه خلاص وصلت عامله ايه دلوقتي لسه رأسك وجعاكي
منال :خفت شويه
يوسف: طب الحمد لله، هي شذي هتيجي انهاردة صح؟
منال : اه يا حبيبي هتيجي علي الساعه10 باليل
يوسف : 10 باليل !مش ملاحظه انها متأخرة علي بنت انها تروح البيت الساعة 10 باليل ولوحدها كمان
منال: هي هتخلص شغل وبعدين هتروح تجيب شويه حاجات ناقصاها وهتيجي علي طول ..
يوسف بتهكم :يعني هي بتخلص الشغل الساعة 6 وهتروح تعمل اللي بتقولي عليه دا لغاية الساعة 10 ،مش ملاحظه انك مدلعها حبتين .
منال :اولا :انا مش مدلعها خالص ،ثانيا: احنا مش في حته شعبيه علشان تشد اوي كدا وبعدين متبقاش اوفر.
يوسف :ياحببتي انا مش اوفر متنسيش اني راجل صعيدي وشذي دي بنتي مش زي بنتي كمان ويعتبر انا اللي مربيها ومفيش حاجه اسمها حته شعبيه او مش شعبيه .الدنيا مبقتش امان زي الاول .بقولك ياروحي اقفلي دلوقتي ونكمل كلامنا لما ارجع علشان مش فاضي دلوقتي ،سلام
منال: سلام
**************************
في منزل في الحي الشعبي ...
مني :طب متقعدو شويه تاني يابنات
سلوي :شويه ايه دا كان اخويا يقطعنا
مني :طب كرروها تاني الزيارة الحلوة دي
سارة :بعد اللي حصل دا انسي ،انتي بئا اللي تبقي تيجي
سها: يلا بئا السواق مستني من بدري .سلام يا مني
مني :سلام يا بنات
رأيكم ^^
#هلوسات_هامستر
#جهاد_عماد_الزيني