رواية " أحبك ولكن ! "

الفصل السابع

#الجزء_السابع
احمد بجديه:اعملو اللي انتو عايزينو انا جاي هنا علشان اشوف خطيبتي اللي نسيت ملامحها اساسا.
شذي بجديه:وانا عماتا كنت بهزر في موضوع الفلوس دا ،احنا دلوقتي قاريب وانا بئا هاعرفك جدعنه الاقاريب وخصوصا لما يبقي من بنت زي .
كريم :بس دا شغل وملوش علاقه بالاقاريب .
شذي :انا باعمل كدا بردو الشغل حاجه و الاقاريب حاجه بس دي اول مرة تطلبو طلب مني فلازم بئا اعرفكو علي جدعنتي.
احمد بتريقه: ايه يابت التواضع دا يابت
شذي بتريقه ايضا: من بعض ما عندكم ياض واتلم وبت دي تقولها لخطيبتك مش ليا ..
احمد بتعجب مصطنع :خطيبتي!! هو انا خاطب !دا انا نسيت .ابوس ايدك ياعمي اروح البلكونه اقعد شويه وهمشي بسرعه والله ..
عبد السلام بضحك :اتفضل يابني.
يقوم كل من مني واحمد وشذي ..
احمد :اييييه!انتي رايحه فين ،هو انا فاتحها سبيل جايه ليه ؟
شذي :ايه ،عايزة اتفرج
احمد :تتفرجي علي ايه.
شذي ببلاها: عليكو
احمد :انا عارف ان الجوازة دي مش هتكمل واني مش هشوف معالم خلقتها تاني مني انتي طاالق .
نادر بضحك :دي خطيبتك ياحمار مش مراتك ..
احمد :اه صح نسيت .معلش يا خال خديتني الجلاله شويه ..وانتي يا شذي ابوس ايد اللي جابوكي سبيني اخش البلكونه انا وهي بس هسلم عليها واطلع مش هقعد..
عبد السلام بضحك: خلاص يا شذي سبيهم بئا دا بدأ يعيط خلاص..
احمد مازحا: انا مش بعيط ...
دخل احمد ومني الي البلكونه
الاستاذ نادر :حبه جد بئا ..عايزينك بكرا تيجي الشركه علشان نرسيكي علي الدور ..
شذي :حاضر ان شاء الله حاجه تانيه.
نادر : لا يابنتي متشكرين.
شذي: مدام كدا بئا استاذن انا
عبد السلام : هتمشي دلوقتي.
شذي : اه خلاص الليل داخل ولازم اروح.
كريم : واحنا كمان نستاذن علشان ورانا شغل ..وعلي فكرة ممكن نوصلك بدل الموصلات وكدا طريقك بعدي عليه ..
شذي : لا شكرا كتر خيرك..
عبد السلام: نورتونا والله ياحج وياكريم ..وانتي وافقي علشان مش هسيبك ف المواصلات ..
كريم :يبقي تركب معانا انا وخالي .
عبد السلام : كتر خيرك يابني اركبي معاهم يا شذي.
شذي علي مضض : طيب حاضر ...
بعد نزولهم من المنزل اخبر الاستاذ نادر انه لن يركب معهم السيارة متحججا بزيارة صديق في الجوار .
فركبت شذي وكريم معا لوحدهم،وبعد لحظات من السكون.
كريم :انا شوفتك قبل كدا علي فكرة ..
نظرت اليه شذي وهو يقود : فين !
كريم: من كام يوم كدا كنتي بتضربي واحد كدا..
شذي باحراج بعد ان نظرت امامها : اه افتكرت.
كريم : كان....
قاطعته شذي : ايوة .بس خد جزاءه خلااص.
كريم :يعني هو اتحرش ولا لفظي بس .
شذي : وهو يقدر يخليه غير لفظي اكيد لفظي بس
كريم :طب ودا ينفع !
شذي :هو ايه اللي ينفع!!
كريم :فكرت انو تمدي ايدك علي شخص لمجرد انو قال كلام ميعجبكيش من راي كدا مسبتيش حاجه للجهله.
شذي : وانا كان المفروض اعمل ايه ساعتها.
كريم  :انا بتكلم في العموم مش علي الشخص دا بس مدام كلام بس تقدري تمشي وانتي عامله نفسك طرشه ووقت لما تمدي ايدك يبقي اكيد ساعتها يكون مد ايده غير كدا اي حد هيشوف او هيقول انك عايزة كدا او بتلغيه والكلام دا اكيد عارفاه..
شذي : اه طبعا عارفاه بس ببساطه محدش ليه عندي حاجه ولا حد بيأكلني من جيبه .خلصت ☺
كريم بعد ان ادرك انه تدخل في ما لا يعنيه :كلمتك ساعتها مش عارف فاكرة ولا لاء ..
شذي : فكرني كدا ..
كريم :كنت بسالك في حاجه روحتي قلتلي لاء باين وبعدين متشكرين يانجم ونردهالك ف الافراح..
شذي بكسوف : احم ايوة مكنتش عارفه انو انتا كنت فاكرة واحد ماشي اصل ف المواقف دي بيطلعو الغلط علي البنت وكدا ..
كريم بعد ان ضحك :صوابعك مش زي بعضها بردو..
وعم السكون يخيم عليهما من جديد الي ان تحدثت شذي..
شذي:ايوة عايزة انزل علي اخر الشارع اللي جاي دا.
كريم : بس دا مش البيت.
شذي: ايوة عايزة انزل فيه
كريم : بس انا كنت فاكرك هتروحي بما انك قلتي لعمك كدا..
لم ترد شذي وصمت وبعد لحظات..
شذي: ايوة عند الحواديه دي عايزة انزل
كريم : دا انتي مصممه بئا.
شذي: بكره الصبح ان شاء الله هكون ف الشركه عندك.
كريم بعد ان ركن السيارة تنزل شذي :سلام..وتذهب دون ان تنظر اليه ولكنه لم يذهب وظل يراقيها بعينيه الي ان وجدها تسلم علي شخص وتذهب معه في هذا الشارع الجانبي ..
                 ******************
في الشركه وخصيصا في مكتب كريم..
احمد : يعني ايه مش فاهم.
كريم : يعني كمان شهرين لازم تسافر وانتا اللي هتبقي المسئول عن الفرع هناك.
احمد : طيب انا كنت المفروض هكتب كتابي كمان اسبوعين ونص ايه اكنسلو!
كريم :لاء متكنسلوش احنا هنتفق معاهم نعمل الفرح الكبير كمان شهر ومعاه كتب الكتاب وتسافر تقضي شهر العسل هناك، وبعدين تبقي تبدأ شغل لغايه منستقر ونثبت وجودنا ونبقي نشوف هنعمل ايه بعد كدا.
احمد :طيب وليه عبد الرحمن ميسافرش هو اشمعنا انا.
كريم :علشان خبرتك اكبر من عبد الرحمن.
احمد :تمام .. طيب مش هنروح بئا
كريم : يلا بينا ..
                   ****************
تسطع الشمس لاعلان عن يوم جديد لابطالنا ..
بعد وصول شذي للشركه ، لم تجد كريم فظلت تنتظرة في مكتب السكرتاريه الخالي من السكرتيرة .
وبعد مرور ثلاث ساعات من الملل يأتي كريم..
كريم : انا فعلا اسف علي التأخير مش عارف راحت عليا نومه ازاي.
شذي : مفيش مشاكل جلا من لا يسهو..
كريم :ونعمه بالله..شوفي ياستي هجبلك المستندات اللي خاصه بالعملاء المفروض انتي تدرسيهم طبعا علشان لما يستفسرو وكدا وطبعا زي مقلت امبارح المؤتمر دا بيعرض الامور الاقتصاديه بتاعت البلد والاستثمارات بتاعت الراجل الاعمال الشباب وهيبقي في تكريم وكدا وبعدين هيبقي في حفله لازم تبقي جاهزة فيها جدا علشان دي هنتعرف فيها علي عملاء جدد وما الي ذلك طبعا عارفه..
شذي : اه عارفاه
كريم : تمام ، انا دلوقتي ....
يقاطع كريم صوت أتي من بعيد
سيرين: كيمووو ، انا جيت ..
سيرين فتاه في مقتبل العمر ، ممشوقه القوام، طويله ، ترتدي ملابس تظهر من انوثتها ، ذات جمال الاميرات ، وهذا يزيد من جازبيتهاا..
كريم : اهلا ، اتاخرتي
سيرين : سوري بئا مش هتكرر تاني
كريم ببرود : وكيمو دي مسمعهاش تااني
سيرين شعرت بالاحراج في وجود شذي.
سيرين بدلع : انا متعوده اقولهالك بس حاضر مش هقولها تاني وسوري اني قولتها..
كريم يوجه كلامه لشذي ، الذي لاحظ نظاراتها التي تدل علي التعجب والاستنكار تجاه سيرين .
كريم : دي المفروض هتبقي سيكرتيرتي ، ومتعرفش اي حاجه عن طبيعه شغلها فهبقا شاكر لو حولتي تفهميها لغايه مشوف حد علشان يعلمها..
شذي في سرها وايه يعني اللي يخليك تشغل واحظة متعرفش حاجه مع العلم يعني انو في ميت شخص عندو خبرة ولا تلقيها حبيبت القلب يااكيمو ..
شذي : انتا قلت يومين بس اللي هتحتجني فيهم هتغير رايك ولا ايه..
كريم : لاء مش هغيره ،انا بتكلم طول فترة وجودك.
شذي: ماشي ..
كريم : علي مكتب السكرتاريه برا هتلاقي كل حاجه عن العملاء بتوعنا.
شذي: تمام عن اذنك ..ثم تشير الي سيرين ان تاتي وراها.
                 ***************
شذي تتحدث في الهاتف ..
شذي: يوم الخميس .... ايوة ايوة ....يعني مجهز كل حاجه ...اشطه هبقي اتصل اقولك علي المعاد ..سلام..
               ********************
سيرين : ها هتعلميني ايه.
شذي : شوفي يا عسليه انتي .يريت تفضلي ساكته لغايه اما اخلص والله خلصت قبل اما نمشي يبقي حظك ولعه وهعلمك اللي عارفاه واما بئا لو الوقت الشغل انتهي يبقي من حظي ونصيبي انا وساعتها همشي ومش هعلمك حاجه ويجي بئا بكرا عليكي بخير ابقي اعلمك فيه كلمتين ...امين
سيرين: لا مش امين ...علميني دلوقتي
شذي: لاء .
سيرين : طيب انا هاتعلم بمعرفتي .
وتتركلها وتذهب
شذي: بانتي استني
سيرين : ايه عايزة ايه
شذي : عايزة اقولك انو في فرق من المياعه والدلع يا قلتي اسمك ايه .سردين !!
تتركلها سيرين وهي تشتظيظ غضبا، وتضحك شذي وتقول قال كيمو قال ..
                 ****************
يمر اليوم طبيعي بدون اي احداث تذكر ..وياتي اليوم الجديد في الشركه..
وبعد وقت الغداء بكام ساعه..تدخل شذي
شذي : خلاص خلصت وفهمت
كريم دون ان ينظر اليها : تمام
شذي : طيب انا هاروح بئااا
وتهم شذي بالخروج فيستوقفها كريم ..
كريم : استني لو سمحت
شذي : خير
كريم : بكرا هبقي اعدي اخدك
شذي : ماشي
كريم : وهو مؤتمو وبعدين حفله يعني بخصوص ...
شذي : فهمت قصدك ومتقلقش
كريم : وسيرين !!
شذي : مالها
كريم : مش عايزة تقوليلي حاجه عنها.
شذي : لاء
كريم : اممممممم ..طيب تقدري تمشي ..
تخرج شذي وتاخذ  شنطتها وترحل
            **********************
في فيلا يوسف الكيلاني
نادين : بتعملي ايه
شذي : بشوف هلبس ايه بكره
نادين: عبد الرحمن هيروح معاكو بكرا
شذي : لاء .انا وكريم بس ...اشمعنا
نادين : عادي .فضول
شذي : وانتي من امتا فضوليه..
نادين : انا عايزة انام .
شذي: هسيبك بمزاجي بس علشان مش ف المود .وبكرا هشوف الموضوع دا
نادين : طيب بكرا بئاا
                  *****************
يوسف : عايز يشوفها ..
منال : بتتكلم عن ايه مش فاهمه
يوسف : بتكلم عن شذي
منال : مين اللي عايز يشوو..
وتصمت كانها فهمت مقصد يوسف ..
منال: هو كلمك ؟؟
يوسف : اه
منال : وقلتله ايه
يوسف : قولتله لما تفكر تيجي ابقي كلمني ونشوف الموضوع دا
منال : وهو سكت..
يوسف: اه هيعمل ايه يعني ...
منال : وهنعمل ايه
يوسف : انا بحكيلك بس علشان اكيد كلم عبد السلام وعبد السلام اكيد قال لفتحيه وهي هتقولك فانتي علشان تبقي علي درايه..الموضوع بسيط يعني
منال : مااشي
يوسف يغمز بعينيه لمنال : طب ايه
منال بكسوف : ايه
يوسف : مش هنام ولا ايه
منال وقد علمت مقصده : لا نام انتا انا هاقوم اشوف البنااا...
يقاطعها يوسف وهما صغيرين يلا ننام.. ويطفيء النور ....
                    ************
في فيلا الحسيني..
يرتدي كريم بدلته ويتعطر بالعطر المفضل لديه ..واحمد اخيه يسند ضهره علي السرير ويتابعه بنظراته..
احمد : اتشيك ياعم اتشيك 😉😉
كريم : عايز ايه يعني
احمد:
#هلوسات_هامستر