#الجزء_26
***********************
فاديه باستغراب: يعني انتي اللي .....
شيماء ببرود : مكان بيدور ورايا وكان هيكشفني
فاديه بعصبية: تقومي قتلاه
شيماء : واطي صوتك لابويا يسمع
فادية : دا اللي همك
شيماء بضيق: انتي الكلام معاكي بقا تقيل اووي انا خارجه
*********************
في صباح يوم اخر ،استيقظ كريم من نومه ليسمع شذي تتحدث في التيلفون..
شذي : والله يا بابا كويسة... ايوة فعلا صوتي زعلان مش هنكر ... مانتا لو عرفت السبب هتعزرني ...يابابا هو كتر خيرة واخد واحدة زيي ومن اول يوم قالي ماضيكي انا مليش دعوة بيه اهم حاجة عندي حياتك وانتي معايا ...كريم كويس جدا معايا بس انا عملت حاجة غلط وهو زعلان مني ومش عارفة اصلحه ازاي فعلشان كدا زعلانة هو مقدرني فلازم اقدره بردو ... يارب يا بابا ....اه كنا بنخرج كل يوم ويغنيلي في الشارع ويعملي مفاجتات حلوة وكتير اوي ....ربنا ميحرمنيش ولا منك ولا منه ...طيب يا بابا ...عايزة سلامتك .... سلام
**********************
كان كريم يسمع كل كلمة قالتها شعر بالضيق الشديد دخل الي غرفته يفكر فيما فعله وما سوف يفعله ، وفي وقت الافطار كانت في المطبخ تعد لنفسها سندوتشات حين سمعت كسر فخرجت مسرعة لتري ما يحدث .
لتجد احدي الفازات مكسورة ثم نظرت لكريم .
كريم : اتكسرت غظب عني
شذي : دي تاني واحدة
كريم بهدوء: انا اسف
شذي : لا عادي انا هنضفها بسرعة
كريم : لا هنضفها انا .انا اللي كسرتها
شذي باستغراب : لا عادي هنضفها بسرعة
كريم : لا هاروح اجيب المقشة بسرعة
ليرجع يجدها تحمل بضع من المكسورات بين يداها
كريم : قولتلك انا هنضفها مدام انا اللي كسرتها
شذي باستغراب : انا شيلت الحاجات اللي اقدر اشيلها والباقي بالمقشة بئا
كريم : انا اسف
شذي باستغراب : عادي دي فازة يا كريم
كريم : اسف علي اللي عملته فيكي واني مديت ايدي عليكي واني شتمتك انا محستش بنفسي فعلا ،انا بجد اسف
كانت تنظر له متفاجئة بما يقوله
اكمل كريم : ياريت توافقي ونبدا من الاول حياة طبيعية جدا كراجل ومراته واوعدك مش هزعلك ابدا ولا هضايقك لو مش عايزة ممكن ابعد خالص ولا تشوفيني الفترة اللي عايزاها وتحديدي معاد الطلاق ونتطلق اللي انتي عايزاه.
كانت تنظر له غير مستوعبة لما يقول ثم اكمل: انا هسيبك دلوقتي وهاخرج وشوفي عايزة ايه واول ماجي تقدري تقوليلي رايك
ثم يتركها ويذهب كانت لا تعلم توافق ام ترفض واذا وافقت لما توافق واذا رفضت فلماذا رفضت ايضا اخذت تفكر الي ان قررت ..
جاء المساء ليدخل كريم الي الفيلا ليجد نور واحد مضاء وهو في الحديقة ليذهب تجاه واذا به يجد شذي مرتدية فستان من الستان كحلي اللون وشعرها منسدلا علي ظهرها وفي فهمها هذه الابتسامة الساحرة .
ليقترب من كريم مبتسما .
شذي مبتسمة: معرفتش احط مكياج علشان وشي لسة وارم زي مانتا شايف.
كانت وجه شذي متورما اثار الكدمات التي فعلها كريم كانت اسفل العينين وفي منطقة الفم حيث كانت شفتها السفلية مجروحة .
كريم بحنيه: اسف بجد
شذي بابتسامة: محصلش حاجة
كريم برومانسية وهو يقترب منها ويلمس بأنمل اليد اليسري شعرها واليد اليمني يضعها علي وسطها:قولتلك قبل كدا انك ضحكتك جميلة
شذي بكسوف: ااااا لاء
كريم برومانسية: طيب ضحكتك جميلة جدا جدا
واذا بيديه الاثنتين يضعهما علي وسطها ويحملها الي اعلي ويلف بها لتفتح زراعها وتضحك بسعادة.
ويتم قضاء الليله بسعادة..
***********************
في الصباح تستيقظ شذي علي صوت كريم
كريم :مش ناوية تصحي بئا
شذي بابتسامة : لسه بدري عايزة انام
كريم : يلا بس علشان نلحق الجو الحلو دا من اوله
شذي : حاضر هقوم
كريم : حبيبي بئا لم تسمع الكلام
تركها وخرج من الغرفة ليتنهد في ضيق ليدور أحاديث في خلده هل سيقدر علي التعامل معها ! وأن ينسي ما مضي ! هل سيستطيع أن يتقبلها ! أو أن يتقبل أنه لم يستطع أن يحب مرأه لم يكن اول شخص يقترب منها ! مهما كنت شخص متحضر فأنا شرقي الطباع أيضا ، لا استطيع تقبل فكرة إن أعيش مع امرأة كانت لها تجارب اخري وأني ليس أول شخص في حياتها! ما الذي فعلته في حياتي ، وهل أقدر علي تحمل ما وضعت نفسي به ! تنهد مرة أخري ثم تحرك نحو المطبخ ....
***********************
يتم قضاء ايام سعادة كثيرة منها يغني لها في الشارع بصوت عالي ومنها يفاجأها بان ياخذها الي الملاهي وان يفعلو اشياء جنونيه معا ولا يهتمو لما يقولونه الناس
***********************
بعد مرور سنتين
في مطعم ما
شذي : ايه ياسيدي كنت عايزيني في ايه انا سبت العيال مع نادين وجيالك مخصوص
نادر بحزن : اه صح كيرا ويوسف عاملين ايه
شذي : الحمد لله اهمت كملو سنه دلوقتي وشهرين
نادر : ربنا يبارك
شذي: الله يكرمك ، مالك بئا شكلك مدايق
نادر: سهيلة جابت بنت امبارح باليل
شذي بفرحة: بجد مبرووك تتربي ف عزك
نادر : الله يبارك فيكي
شذي: ايه اللي مديقك بردو مش فاهمة
نادر : اخترت اسم مش راضية تسمية بيه رافضة تماما
شذي : منتا تلقيك مختار اسم شبهك بردو
ضحك نادر: طب والله ابدا دا اسم صاحبه بحبه جدا
شذي : اطربني ايه الاسم اللي مخلي سهيلة رافضة تسمية
نادر : شذي
شذي :نعم
نادر : الاسم اللي عايز اسميه شذي
شذي باستغراب : عايز تسميها علي اسمي
نادر: ايوة
شذي : اشمعنا انا !!!
رأيكم
#هلوسات_هامستر
आप पढ़ रहे हैं
رواية " أحبك ولكن ! "
रोमांसيمشي الإنسان في طريق معين من اختياره ظنا منه أن في نهاية هذا الطريق السعادة التي تمناها،ولكن في بعض الأحيان تأتي الرياح بما لا تشتهي السفن ،ويجد الإنسان نفسه في منتصف طريق مسدود ، ولكن يوجد طريق أخر متفرع منه ،ولكنه مظلم وكئيب بعض الشيء فيضطر أن يذه...
