#الجزء_21
شذي : وانبي انتي اللي طيبه جدا ومتعرفيش حاجه .
ليدخل كريم وتذهب شذي ونادين لتحضير العشاء
وبعد مدة ذهب عبد السلام وزوجته..
ليتم تقضيه السهرة علي فيلم اجنبي كانت تجلس شذي ونادين بجانب بعض علي الارض وبجانبهم المياو والعصير والفشار والشيبسي فقد جهزو كل شيء وجلس كريم علي الاريكه يراقبهم لتمر نصف ساعة علي خير ..
واذا بجرس الباب يرن باستمر وتخبيط سريع وبقوة علي الباب لتنظر شذي لكريم في خضه وتقف بسرعه لتذهب خلف كريم لتري من الذي يفعل هذا ، ليفتح كريم الباب ويجد شخص يحمل اكياس سوداء اللون ورفعها بيده ليخبيء وجه واذا به مرة واحدة ينزل يده ليظهر وجه وهو يقول : بخه
لينظر له الجميع ويجدوه عبد الرحمن ليستكمل عبد الرحمن وهو يدخل ويغلق الباب: خلصت شغل ولقتني فاضي قلت اجي ادحرج التماسي .
لينظر له كريم بغضب ونادين بعضب واستحقار اما لشذي فتضحك بشدة : انتا سخيف اووي علي فكرة
عبد الرحمن بمرح: مدام قلتي سخيف يبقي فهمتيني
شذي وهي تاخذ منه الاكياس ويتري جايب ايه معاك يا معدول وتضحك
عبد الرحمن: فضلت خيرك شيبسي وشوكلاتات وحاجات البنات دي
كريم بحدة : مش هتبطل شغل العيال بتاعك دا خالص<br>
لترد نادين باستحقار: ويبطلو ليه خليه يفضل يخض في خلق الله كدا ..
شذي بمرح: طيب يلا يااستاذ بنتفرج علي فيلم انما ايه عجب
عبد الرحمن وهو ناظرا لنادين: ايه الفيلم جميل اووي كدا
شذي بضحك: اه فيلم رعب وهيدك علي قفاك كمان
عبد الرحمن : انتو جيبالي تهزقوني هنا
كريم : بالقرف اللي عمالته دا لازم نهزقك
عبد الرحمن ينظر لنادين: وانتي هتفضلي ساكتة كدا متهزقيني انتي كمان هي جت عليكي .
شذي بمرح: ياعم ولا تهزيق ولا حاجه تعالي تعالي نتفرج سوا.
عبد الرحمن : يلا ياختي
ويذهب خلفها ليضربه كريم في كتفه قائلا: ادخل يا اخويا.
وترجع شذي ونادين الي مجلسهم لياتي عبد الرحمن ليجلس بجانب شذي
كريم : انتا بتعمل ايه
عبد الرحمن : قاعد هتفرج معاهم
كريم بغيرة : طب قاعدني جمبك هنا
وازاحه عنوة ليجلس بجانب زوجته
عبد الرحمن : احنا فينا من الحركات القرعة دي
كريم : وانتا ايه اللي جايبك اصلا من غير معاد
شذي بتلقائيه: خاف يقول قدام عمي علشان ميرضاش يخلي نادين تبات معانا ولما مشي روحت جيت تبات مش كدا ولا ايه
عبد الرحمن: خدي التقيله بئا انا فضلت مستني مع البواب برا لغايه مزهقت وقيلت كمان عنده في الاوضه لغايه مصحاني وقالي ان عمك مشي روحت بئا جيب لكو حاجات حلوة وجيت ايه رايك في المفاجاة..
شذي بضحك : ياخربيتك دا كله
عبد الرحمن وهو ينظر لنادين: وياريت عاجب ياختي
نادين لتغيظة: علو الصوت شويه مش سامعه الفيلم
عبد الرحمن : فيلم ايه ياختي دا اجنبي اقري الترجمه
لتضحك نادين : اه صح
ويجلسو اربعتهم علي الارض نادين فشذي وبجانبها كريم وعبد الرحمن ..
نادين: ياخسارة نهاية الفيلم حزينة اوي
كريم : اه عندك حق
لتنظر نادين لشذي لتجدها نائمة
نادين: ايه دا شذي نعست
كريم : وعبد الرحمن كمان نعس
لتنظر نادين وتضحك فقد كان عبد الرحمن مسندا راسه علي كتف كريم ومن الجهة الاخري شذي ..
نادين بضحك : استني هصحي شذي
كريم : لا سبيها انا هشيلها صحي انتي عبد الرحمن.
ويحمل كريم شذي ويصعد بها علي السلالم متجها لغرفتها لتنظر لهم نادين برومانسيه ليخضها عبد الرحمن الذي كان مصطنعا النوم: يازيدي يازيدي.
نادين بخضة: بسم الله الرحمن الرحيم
عبد الرحمن بضحك : هههههههههههههه اتخضيتي
لتنظر له نادين بغيظ : سيبهالك يا سخيف
وفي هذه الاثناء بعد ان وضع كريم شذي علي السرير اخذ ينظر الي وجهها بنظرة معاتبة كيف تفعلي بي هكذا علقتيني بك وصدمتيني ايضا بك ،هل فعلا تكرهين هذا الرجل اما لو ظهر سترجعين له ثم اخذ يتذكر كلمات اخيه التي كانت تقول له انها ليست له وان هذا التغير الجذري في حياة شذي وراءه سبب الان قد علم السبب ليقطع شروده هذه الدقات الخجلة
نادين بخجل: احم احم
كريم بتوتر: اااااا تعالي يا نادين وشاور علي الدولاب دا الدولاب في اللبس وانتي هتبادي معاها هنا وانا وعبد الرحمن هنبات في الاوضه اللي قدامكو
نادين: لا عادي انتا نام هنا وانا هنام في اي اوضة
كريم : لاء خليكي جمب شذي هي كمان هتلاقيها عايزة كدا يلا تصبحي علي خير
ويتركها ويخرج ويغلق الباب خلفه لينظر ليجد عبد الرحمن قادما تجاه.
كريم : يلا تعالا خليني اجبلك حاجة تلبسها علشان ننام.
عبد الرحمن : يلا ياخويا
ويسبق عبد الرحمن كريم في دخوله للغرفة ليضربه كريم علي قفاه
كريم وهو يضرب: متبقاش بعد كدا تمثل النوم واضح جدا علي فكرة
عبد الرحمن ببلاها: حاضر
**************************
رايكم^^
#هلوسات_هامستر
YOU ARE READING
رواية " أحبك ولكن ! "
רומנטיקהيمشي الإنسان في طريق معين من اختياره ظنا منه أن في نهاية هذا الطريق السعادة التي تمناها،ولكن في بعض الأحيان تأتي الرياح بما لا تشتهي السفن ،ويجد الإنسان نفسه في منتصف طريق مسدود ، ولكن يوجد طريق أخر متفرع منه ،ولكنه مظلم وكئيب بعض الشيء فيضطر أن يذه...
