#الجزء_العاشر
نادين : مش ههنيكي علي القرايه مدام مشهتمشي معايا ..
شذي تقوم وراها وتتناسي ما تذكرته وتهزر وتضحك معاها وترد عليها بالرش ايضا ويضحكون ويلهون معا
******************
ليلا تجلس شذي في حديقه المنزل ف الغردقه الي ان انضم اليها يوسف دون ان يتكلم وظلو يتاملون البحر صامتين الي ان رن هاتف شذي ...
شذي : سلامو عليكو .. بجد والله ..مبرووك يا نيله اخيرا هنخلص منك ..هي نايمه هقولها لما تصحي .خلاص ماشي ... تصبحي علي خير .....
ويسود الصمت مرة اخري كانت تنتظر شذي ان يسالها والدها من المتصل ولكن لم يفعل ، الي ان تحدثت شذي ...
شذي وهي تنظر الي البحر : هو ممكن اتجوز واعيش حياه طبيعيه عادي .. وبعد ان انهت جملتها نظرت الي ابيها ..
يوسف بحزن : وليه لاء ، اللي هيحبك هيقبلك علي حالك ..
شذي بابتسامه استهزاء وهي توجه نظرها الي البحر : كمان هتحب
يوسف لا يعرف ماذا يفعل ليخرج ابنته من هذا الكم من الحزن : اللي ربنا عايزه هيكون يابنتي .وكله خير
شذي : ونعمه بالله
يوسف تركها وخرج عند البواب ليراه ومن ثم نادي علي شذي فذهبت اليه .
شذي : ايه يابابا رايح فين
يوسف : اركبي
شذي : طب ونادين
يوسف : البواب موجود والباب مقفول عليها متقلقيش يلا اركبي
طب البس لبس خروج بدل اللبس بتاع البيت دا
يوسف بنفاذ صبر : عايزك كدا يلااا
تركب شذي معه وياخذها الي الملاهي
شذي بفرحه : بلبس البيت يا بابا
يوسف : مش انتي بتحبي الاختلاف ، دا بئا ابو الاختلاف يلا بينا
وتقضي شذي سهرتها مع والدها في الملاهي وتاخذ صور لهم كثيره ومختلفه ومجنونه تنسي فيها فعلا كل مايساورها وما تفكر فيه ..
*****************
بعد ان عادو الي القاهرة واخبرت نادين بان لعد شهرين ستتزوج منر واحمد وستسافر الي لندن مع زوجها وان في هذا فرصه لانها سوف تقابل عبد الرحمن كثيرا هذه الايام لان شذي رشحتهم ان يقومو بتجهيز كل الاشياء معا وان هي سوف تساعدهم من وقت لاخر ..ويقضي كريم في عمله ويعمل علي ان يشغل نفسه طوال الوقت حتي لا يفكر فيها ، وتظل سيرين محاوله التقرب منه ولكن كل محاولتها تنتهي بالفشل وشذي وسلوي يقضيان معظم الوقت معا ف منزل شذي والفتاتان التوءمان يجهزان نفسهم ليسافرن مع احمد لبدايه العام الدراسي ف الكليه بالخارج ومدحت يحاول ان يجد الوقت المناسب ليفاتح كريم مرة اخري في زواجه بسلوي اخته وتمر الايام ولا شيء حدث يذكر ...
****************
باقي اسبوع علي زواج مني وكل مشغول بتجهيزات..
يرين هاتف شذي في الشغل
شذي : سلامو عليكو
نادين : وعليكو ، شوفتي اللي حصل
شذي : وش كدا ، خير يا فقر
نادين : كريم عبد الرحمن ادلو شويه دعاوي يوزعها علي الناس تبعه وموزعهمش .
شذي : خلي عبد الرحمن ياخدهم بئا ويوزعهم هو
نادين بتردد : مهو مينفعش انا وعبد الرحمن معندناش وقت واحنا رايحين دلوقتي نشوف المحل اللي متفقين معاه علي الجاتوه والحاجات دي
شذي : انجزي يا نادين عايزة ايه مني
نادين بسرعه: تروحي لكريم ووتقنعيه انو ينزل معاكي وتوزعي الدعوات معاه
شذي : حاضر
نادين : دلوقتي علشان مفيش وقت
شذي : طيب سلام
نادين بمزاح : سلام يا حلوة بزيادة
شذي بضحك : اه يا بنت قلبي
ويضحكو ومن ثم يغلق كل منهما الهاتف
*******************
نادين لعبد الرحمن : done
عبد الرحمن بفرحه : تمام
نادين : بس هتحكيلي قالك ايه
عبد الرحمن : حاضر بس بعدين
نادين : اوكشن
*****************
تصعد شذي لمكت كريم ولكنها لم تجد السكريترة ، فقامت بتخبيط علي باب مكتب كريم فاذن لها بالدخول ظنا منه انها ااسكرتيرة ...
فتدخلت ولكنه كان منغمزا في العمل فتقدمت شذي الي ان اصبحت قريبه من المكتب ، فانحنت علي المكتب ليصبح جسمها الفوقي مسنودا علي المكتب ومن ثما اسندت راسها علي يداها ..
لاحظ كريم هذا ولكنه لم ينظر كان عليه الانتهاء من الامضه اولا ظنا منه انه بعد ان ينتهي وينظر للفاعل سيجدها سيرين التي لم تياس من محاولاتها الفاشله.
وضع القلم جانب ونظر امامه ليجد امامه شذي لقد كانت المسافه بينهم قريبه بعض الشيء كان يظنها سيرين ولكن ظنه لم يكن في محله...
ظلو لحظات ينظرن الي بعضهم سرح كريم في هذه العينين المبتسمتين وسرحت شذي في هذه العينين العسلتين الضاحكه ، الي ان استفاقت شذي من هذا.
شذي بابتسامه : ايه !؟
كريم متبادلا نفس الابتسامه : ايه !؟
شذي وقد عدلت نفسها وجلست علي المقعد : اطلبلي حاجه اشربها الاول انا استنيتك كتير
ضحك كريم : حاضر ، بس انتي ...
تقاطعه شذي : متقولش دخلتي ازاي ، ولا عايزني امشي واجي في وقت تاني
كريم : تمشي ايه انا مصدقت شوفتك
تضحك شذي وتصمت
فيطلب كريم اتنين نسكافيه ..
شذي : انا جايه اخدك ونمشي ...
كريم : نمشي نروح فين ؟
شذي : هاجي معاك نوزع الدعاوي ايه رايك
كريم : طب والله فكرة جميله ، يلا بينا
شذي : طب والنسكافيه
كريم : يا شيخه دا وقته يلا بينا
شذي : يلا .
******************
وبعد ان خرجو من مكتب كريم يقابل سيرين
سيرين : ايه دا انتا رايح فين
كريم : خارج
سيرين : بس انتا قولتلي انك مشغول جدا ومش عايز ازعاج .وتنظر لشذي وتقول: وانتي ازاي دخلتيله..
كريم بعصبيه : انا مش قلتلك اني مستغني عن خدماتك ممشتيش ليه..
سيرين : كنت مستنيه السكرتيرة الجديدة تيجي
كريم : شكرا لذوقك وهما بالمضي قدما هو وشذي ، الي ان استوقفته سيرين ..
سيرين : مش هتقول رايح فين
كريم بنفاذ صبر : روحي يا سيرين
ويتركها ويمشي
********************
كان كريم بالفعل منغمسا في العمل وكان مشغولا جدا هذه الفترة ولكنه نسي كل هذا بعد رؤيه شذي ، وقضو اليوم في توزيع الظعوات معا ، ثم عزمها علي العشاء ...
شذي : فعلا تعبت النهاردة يوم كان صعب
كريم بضحك : بنت عمك بئا ياستي
شذي بمزاح : ايوة بنت عمي وتعبها راحه ، ولا عايز تقول حاجه تانيه ...
كريم : واقول ايه حظ يقدر يتكلم ..
وفي هذه الاثناء نزل العشاء علي النضدة وبعديها مباشره اتت فتاه مسلمه علي كريم وقامت بتقبيله .
الفتاه : كريم ، ازيك وقامت بتقبيله
كريم : كويس وانتي ايه اخبارك
الفتاه : مكنتش ف المود اول مشفتك بقيت فرحانه
كريم مازحا : خلاص وقت لما متبقيش ف المود كلميني واجيلك علشان تتبسطي ..
ويضحك هو والفتاه..
الفتاه : مبقناش نشوفك يعني
كريم : الشغل بئا وانتي ست العارفين
الفتاه : ماشي يا سيدي اقتنعت ..
وتضحك بميوعه استفذت شذي ويضحك معاها كريم
الفتاه : ايه بئا اللي جابك هنا
كريم : كنا بنوزع الانفتيشنز للناس وجعت قلت اجي اكل لقمتين كدة
الفتاه : انفتيشنز تبع مين
كريم : ايه دا عبد الرحمن معزمكيش
الفتاه بدلع : وحياتك ولا عرفني
كريم ينظر لشذي : هاتي واحدة
شذي بغلاظه : خلصووو
كريم : يادي الحظ ، خلاص بصي كمان اسبوع فرح احمد في فندق ...... هستناكي
الفتاه بدلع وهي تلعب بصوبعها ف جاكيت كريم : مدام انتا اللي عزمت يبقي هاجي ..مع انو كنت هزعل لو معزمتنيش
كريم : طب حظي حلو بئا اني قبلتك هنا
الفتاه : طب بئا هاروح علشان اصحابي بيرنولي دلوقتي سلام ...
ثم تقبل كريم وترحل ...
ويجلس كريم اما شذي وقد لاحظ ديقها من هذه الفتاة فاخذ يدايقها اكثر ..
كريم : دلوعه اووي البنت دي
شذي بغيظ وضيق ولم تشعر بنفسها او بصوتها : لاء دا مش دلع دي مياعه ومياصه وقلت ادب ، وبعدين عجبتك اووي ، اقوم انديلك عليها تقعد معاك ، مدام عجبتك ولا تلقيها مشيت دلوقتي ، ياخسارة وبصوت عليت نبرته مينفعش احل محلها انا ولا ميعتي مبتعجبكش متقلقش هتعلم بسرعه وانا بلعب في الجواكت كويس جدا كماان ،ولا مش هعجب كمان علشان مليش في البووس ..
يضحك كريم بشدة
شذي بصوت عالي : مبقلش حاجه تضحك
كريم وقد وجد انه الوقت المناسب وهي في عز غضبها حتي يستفزها ويخرج ما لديها من مشاعر ..
كريم : وانتي مديقه كدا ليه
شذي بتوتر : ها واديق ليه يعني انا مش مديقه
كريم : واضح اووي انك مديقه علي فكرة
شذي : اصلو مش محترم انك قاعد مع واحدة تانيه وروحت تبوس في واحدة تانيه وسبتها كمان تلعب في الجاكت بتاعك ، ولا احترمتني خالص ولا كاني موجودة .
كريم : عادي مختش بالي ، وبعدين انتي متعرفهاش
شذي بضيق من اسلوبه : كان ممكن تعرفني ..
كريم : اللي حصل بئا ، مش محضر هو
شذي بضيق شديد : انا رايحه التوليت .
واعطت له بعض الدعوات
كريم : ايه دا انتي مش قلتي خلصو
شذي : لسه واخدة بالي دلوقتي انهم في كام واحدة ، عادي يعني ..عن اذنك
تذهب شذي الي الحمام في حين ان كريم سعيد بانه شعر من شذي انها مهتميه بيه
*********************
في الحمام شذي تحدث نفسها بصوت
شذي : ايه يعني هو انا لازم اكون مايعه علشان اعجب يعني ، طب ايه رايك بئا اني مش هتغير يارخم يا تنح انتا يا ....
ويقاطعها صوت خارج من الحمام يضحك
شذي : في حاجه
الفتاه بضحك : لاء خاالص خدي راحتك
شذي : انا مديقه جدا
الفتاه: لو مش عايز يقعد معاكي مكنش جابك هنا ، ولو كنتي بالنسباله عادي مكنش عاظك بالطريقه دي
شذي : انتي شوفتي اللي حصل
الفتاه بابتسامه : لا والله للاسف ، بس كل الرجاله كدا اساليني انا متجوزه وقبل الجواز كان مطلع عيني كدا
شذي كانها تذكرت ما يضايقها وقالت : جواز .طب شكرا اسفه علي الازعاج ..
الفتاه بضحك : لا عادي
تركتها شذي وخرجت وذهبت الي كريم ولم تنطق بشيء ...
******************
كريم : انا اسف علي اللي حصل
شذي بعبوس : محصلش حاجه
حاول كريم ان يفتح مواضيع ولكن كانت شذي تغلقها عليه من كل الاتجاهات فلاذ بالصمت ليصبح حليفهما في هذه العزومه ...
شذي : يلا نروح بئا
كريم : يلا
********************
كريم : استني هنا هعدي الطريق اجيب العربيه واجي ..
شذي : طيب
واذا به يعبر الطريق وتصدمه السيارة ويسقط ارضا .
#هلوسات_هامستر
رايك بئا^^
YOU ARE READING
رواية " أحبك ولكن ! "
Romanceيمشي الإنسان في طريق معين من اختياره ظنا منه أن في نهاية هذا الطريق السعادة التي تمناها،ولكن في بعض الأحيان تأتي الرياح بما لا تشتهي السفن ،ويجد الإنسان نفسه في منتصف طريق مسدود ، ولكن يوجد طريق أخر متفرع منه ،ولكنه مظلم وكئيب بعض الشيء فيضطر أن يذه...
