رواية " أحبك ولكن ! "

الفصل الثامن

#الجزء_التامن
احمد: ايك تكون مفكرني مش واخد بالي ..علي فكرة واخد وعامل نفسي من بنها..
كريم وقد فهم مقصده : طب ياريت تفضل عامل نفسك كدا علشان مش هتكلم ..
يمسك الهاتف ويتصل
احمد : هي !؟
كريم ينظر له ولم يرد عليه
احمد : يبقي هي
كريم : وعليكم السلام ... انا جاي في الطريق .. تمام .. هرن وتنزلي ... لاء مينفعش علشان منتأخرش ... سلام...
يغلق الهاتف ويكمل لبس
احمد : مش ليك
كريم : بتتكلم عن مين
احمد : عن اللي في دماغك.
كريم : طيب اسكت
احمد : علي العموم مش هتلاقي غيري تحكيله ، وهتجيلي يعني هتجيلي
كريم يمسك المخدة ويحدفها في وشه ويتركه ويمشي..
                  *****************
بعد ان وصل كريم فيلا الكيلاني ، يتصل بشذي
كريم : انا تحت ، تمام ويغلق الهاتف
وينتظرها في السيارة وعند وجد ان باب الفيلا يفتح .فخرج من ااسيارة يستقبلها..
فنظر لها كان منظرها جذاب .هذه الابتسامه علي وجها مع الميكاب الخفيف هذا ، وهذا الفستان ذات اللون البنفسجي الغامق وهذا الكعب اللذي اظهر انوثتها اكثر ..كان ينظر اليها ، الي ان وفاجاه وبدون سابق انذار تقع عند اخر سلمتين من الارض فيركض كريم ليساعدهاا..
كريم : انتي كويسه
شذي : ايوة ..ثواني بس اخد نفسي من الخضه دي .
كريم : خدي وقتك
وتقوم بترتيب نفسها وتنفيض الغبار الذي لحق بملابسها اثر الوقعه ، وتذهب الي السيارة ويفتح لها كريم الباب فتركب وتغلقه دون ان تنطق بكلمه.ويذهب كريم للركوب من الجانب الاخر ، ويتحرك ، ثم ينظرون لبعض ويضحكوون
شذي وهي تضحك بشدة : انا مش متعودة البس كعب عالي كدا
كريم بضحك : حصل خير
شذي : منظري كان وحش اوووي وتضحك
كريم  وهو يضحك : لا متهيالك هههههههههه
ويعم بعديها الصمت الي ان وصولو للمؤتمر ..
ويدخل كريم وشذي ، ويجلسو ويمر الموتمر وتاتي الحفله المسائيه، وكل واحد مشغول بعمله شذي تتحدث الي العملاء وكريم يتحدث الي منافسيه..
كريم : شذي ، تعالي
شذي : نعم
كريم : احب اعرفك يا مجدي بيه السكرتيرة بتاعتي..
شذي: اهلا وسهلا بحضرتك ..
مجدي : اهلا بيكي .
كريم : دا مجدي الشامي يا شذي
شذي : ايوة عارفاه غني عن التعريف
كريم : اسبكو مع بعض شويه وجاي تاني
مجدي : خد وقتك
وبعد مرور فترة قصيرة من الوقت بين مجدي وشذي .
مجدي: ايه ياكريم بيه دا .
كريم : خير في ايه ..
مجدي : طول عمري بقول عليك نبيه ..
كريم : طيب ايه اللي حصل للكلام دا ..
مجدي : يعني ابقولك كدا ، علشان تبقي تنقي الناس اللي بتشغلها مش اي حد كدا ..وينظر الي شذي ..
كريم بجديه وينظر لشذي : ايه اللي حصل .
شذي : شخص مش .... وتسكت ثم تتحدث وتقول : عن اذن حضرتك ياكريم بيه..
مجدي : هقولك انا عملت ايه واخذ يسرد له ما بدر منهما وفي كل فترة ينظر كريم الي شذي التي تقف بعيد وتنظر لهما وكل نظرة لها تفسير غير الاخر ولكن استنتجت منها شذي علي انها تسرعت في الحديص بعدم للباقه مع الشخص الذي سوف يكون الشريك لشركة الحسيني وبنقذها من المحنه الواقعه فيها..
ثم تجد شذي كريم يدير وجهه عنها وينظر الي مجدي الشامي ويتحدث ووجه يدل علي الغضب والعصبيه المكتومه..
مجدي بصوت عالي لتسمع شذي: انا هاعرفك انا مين.
وفيما كان مجدي الشامي يقول هذه الجمله كان كريم قد تركه وذهب ..
وظل واقف بعيدا عن الاحتفال شارد وقد اعطي ظهره للاحتفال وكل الموجودين فيه واخذ ينظر الي هذا البسين الذي كان يزين الارض..
كانت شذي تبحث عنه بين المتواجدين الي ان وجته ،لقد شعرت انها اخطأت فيما فعله وارادت الاعتذار .
شذي : انا اسفه..
كريم لم ينظر لها وظل واقفا دون حراك : علي ايه
شذي : اني اتسرعت في اللي عملته وكلمته بقة ذوق شويه..
فنظر لها كريم دون ان يتكلم ..
فاسرعت في القول : كنت قليله الذوق اووي مش شويه بس ..
فابتسم كريم وذهب بنظره مثلما كان : حصل خير ..
شذي : طب هتعمل ايه
كريم وهو ثابتا مكانه : هاعمل ايه في ايه..
شذي : مش دا كنت المفروض هتمضي معاه عقد الشراكه للشركه..
كريم : كان دلوقتي لاء
شذي : انا هاروح اعتذرله علي اللي حصل وانو مكنش قصدي وهو هيقدر دا هاجي بسرعه..
وهمت بالذهاب دون ان تنتظر رد ، فاسرع اليها كريم وامسك يديها وهو يقول.
كريم:  استني هنا رايحه فين
شذي : هعتذرله علي اللي حصل
كريم : ملوش لازمه الاعتذار .. وبعدين عقد الشراكه كنت كدا كدا مش هوافق عليه اه محتاج سيوله الفترة دي بس لما سالت عليه عرفت ان فلوسه جايه بطرق غير شرعيه .. يعني ملكيش ذنب في الموضوع..
شذي : اومال شايفاك مدايق ليه مدايق كدا .
كريم وما زال ممسكا يداها : مفيش حاجه متهيالك ، تحبي نمشي ..ثم ترك يداها..
شذي : بس علي فكرة .....
يقاطعهم صوت سيرين وهي تقول : كدا يا مستر كريم عماله ادور عليك وانتا هنا .. وحشتني ..
كريم : انتي جيتي متاخر ، واحنا دلوقتي ماشين وينظر لشذي ولا ايه..
شذي : اه ماشين ..
سيرين : بالسرعه دي اقعد شويه ..
كريم : لاء مش قادر
سيرين بميوعه تلين لها اارجال : طيب مقلتش ايه رايك في الفستان انا كدا هزعل منك..
كريم بنفاذ صبر : قولتلك مش هقدر اقعد يعني تفهمي اني تعبان يعني مش وقت الدلع دا خالص ..
سيرين : كدا يا كريم بتكسفني قدامها ..ماشي
فتتركه وتذهب
كريم لشذي : مش يلا ولا هتقعدي..
شذي : يلا
كريم : طيب استني قدام البوابه عقبال ماجيب العربيه واجي..
شذي : ماشي ...
تنتظر شذي كريم وعندما جاء نظرت له ولم تتحرك..
كريم : مش ناويه تركبي
شذي : مش ناويه
ظن كريم انها تريد ان يفتح لها باب السيارة فنزل وفتح ولكنها لم تتحرك ..
كريم : طب ايه
شذي : قولي اديقت ليه ومتقولش متهيالي علشان باين انك اديقت من الموقف اللي حصل رغم انك مفيش شغل مبينكو ..
ابتسم كريم : الفكرة بس اني مكنتش عايز اعمل عداوة مع حد وبالذات في الايام اللي جايه دا ، وهو هيبقي عدو مش هين وبيأذي وانا مش ناقص ..
شذي : يا سيدي ، دا الرسول عليه الصلاة والسلام قال حديث كان في نصه بيقول وَاعْلَمْ أَنَّ الأمة لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلاَّ بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلاَّ بِشَيْءٍ قَدْ كَتَبَهُ اللَّهُ عَلَيْكَ صدق رسول الله صلي الله عليه وسلم
كريم :عليه الصلاه والسلام..
شذي:يعني اللي ربنا كتبه هتشوفه ..
كريم بابتسامه عريضه : ونعمه بالله .. نركب بئاا
شذي:نركب..
وفي السيارة كان يعم السكون .كان كريم شاردا في شذي وما قاله اخوه له مش ليك اخذت تتردد هذه الكلمه في ذهنه لماذا قالها ولماذا لا تكون لي ..كان الغضب بداخله كان يريد ان يخرجه من كثرت التفكير .الي ان قاطعته شذي بقولها: شذي:بس انتا كسفت سيرين اوي قدامي مكنش ينفع تحرجها كدا..
نظر لها كريم لم يستطع ان يتحكم في غضبه غير بالسكوت ولكن نظراته كانت تدل علي غضبه...
ولكن شذي فهمت هذا السكوت بانه لا يريد ان تتدخل فيما لا يعنيها..فلاذت بالصمت..
               ******************
بعد ان اوصل شذي لبيتها ، صار بسيارته بعض الوقت ثم ذهب لبيته وصعد مباشرة الي غرفه اخيه،دون ان يسلم علي امه واخوته لقد كان مغشيا علي وجهه لا يري سوي هدف واحد وهو الوصل الي غرفه اخيه ليعرفه لما قال هذا...
كريم : اصحي عايزك .. يااا احمد
احمد بنعاس : عايز ايه
كريم : اصحكي عايزك
ادرك احمد من بنرة صوت اخيه مدي ضيقه فلبي طلبه بسرعه..
احمد : خير عايز ايه
كريم بضيق : مش ليا ليه
احمد : هي مين
كريم بضيق : مش ناقص اي استعباط يااحمد ..اخلص....
احمد : طب اهدي وانا افهمك.
كريم بضيق : هادي ياسيدي،، فهمني بئا..
احمد : يابني دا يعتبر تخمين من عندي مش اكتر.
كريم :وعلي اساس ايه بئا خمنت
احمد : شخصيتكم مش زي بعض
كريم بتريقه : لا بجد
احمد بجديه: متتريق شذي اللي انتا شايفها دي ميغركش دبشها وقوتها اللي بتبينها دي بس هي رقيقه جدا واي حاجه بتوجعها هي مكنتش كدا دي فجاة مرة واحدة بقت كدا ومش اي حد بتغير مرة واحدة كدا غير لما ... وانتا عارف وفاهم .. يعني متتوقعش منها تحبك مش شذي مش شبهك والله علشان متتعبش نفسك وتتعب اسمع كلامي ..
كريم : خلهولك
وتركه ومشي
احمد : رايح فين
كريم : هتخمد
احمد : طيب تصبح علي خير ياحبيبي .
كريم : وانتا من اهله.
               *******************
بعد مرور ايام لا بأس بها 
في شركه الحسيني وخصوصا مكتب كريم
مدحت : ايه بئا يابني مالك..
كريم بتسال: مالي
مدحت : اخوك قالي انو بالك كام يوم مش ف المود .
كريم : يا عم فكك منو دا اصله فاضي  ، انتا وراك حاجه دلوقتي
مدحت : لا خالص ..انااااا كلي ملكك 😆
كريم بضحك : طب بينا نروح اي كافيه بدل قاعده المكتبه اللي تخنق دي يا ست شيرين..
مدحت بضحك: طب يلا بينا
               *******************
شذي ببكاء :يابابا مش عارفه انا هنا ليه انا لقتهم جيبلي استدعاء من النيابه
يوسف : طب اهدي انا هتصرف
              *******************
في الكافيه
مدحت : دا يوسف الكيلاني الي بيتصل
كريم بقلق : طب رد شوف في ايه
مدحت : الو ... طيب انا جاي دلوقتي.. هو قسم ايه... طب مسافه السكه حضرتك
كريم : ها في ايه
مدحت: بيقولي تعالي ف النيابه جات لبنته استدعاء من النيابه
كريم بقلق : طب يلا بينا
مدحت : انتا جاي معايا
كريم : انتا لسه هتتكلم يلا بينا
                   ****************
بعد ان وصلو الي النيابه العامه
كريم : انزل انتا هنا وانا هاركن العربيه واجيلك
مدحت : ماشي
                   ***************
في الداخل ..يدخل مدحت بسرعه ويبحث عن يوسف الي ان وجده ...
مدحت وهو ذاهب اليه : متقلقش خاالص الموضوع اكيد بسيط ومش بعيد يبقي سوء تفاهم.
شذي قد ظنت انو ليس المحامي المطلوب فذهب اليه بسرعه قبل ان يصل ليوسف...
شذي : لا شكرا مش عايزين
مدحت باستغراب : نعم
شذي : نعم الله عليك ، بقولك مش عايزين ....
مدحت شارحا : انا الاستاذ مدحت المحامي...
#هلوسات_هامستر
رايك^^