رواية " أحبك ولكن ! "

الفصل 27 والاخير

#الجزء_27_والاخير
نادر : اشمعنا أنتي !علشان انتي الحب الوحيد اللي في حياتي أنا عايش بس علشان أشوفك رغم ان عارف انك عمرك مهتبقي ليا .
شذي بأسي : طب مقلتليش الكلام دا قبل كدا ليه
نادر: أقولك ايه يا شذي ،انتي مش شايفة نفسك أنتي فين وأنا فين ، أقولك أيه إني بحبك ومحبتش حد قدك .
شذي بحزن : الدينا مش بتقف علي حد يا نادر ، عيش حياتك وحب مراتك هي طيبه وتتحب وشوفها عايزة ايه وفرحها انتا وهي تستحقوا تفرحوا ، بس اتعود وعود عيالك بعد كدا أن التجربه مبتخسرش حاجه بالعكس دي بتفيد جدا ، انتا مجربتش مع أنو لو جربت مش بعيد كنت تلاقي ..
نادر بحزن : هعلمهم وهعمل كدا ، وهاحاول انفذ كلامك وربنا يقدرني واسعدها هي استحملتني كتير.
شذي بحزن : مش عارفة أقولك أي دلوقتي بس مش عايزاك تحس بالندم إنك أتأخرت علي ما قلتلي ، أنا بحترمك وهفضل احترمك ، وكنت أتمني يبقي في حياة تانية بعد الحياة دي صدقني وقتها كنت اختارتك. بس أنتا لازم توعدني إنك هتتقي ربنا في مراتك وتحاول تحبها وتفرحها ...
نادر بابتسامة أسي : أوعدك يا شذي اوعدك
       *************************
تتركه شذي وتذهب إلي شيري أختها في عيادتها..
شذي بمرح: ست شيري اللي مش بتسال
شيري بجدية: عامله ايه
شذي : انتي اللي عامله ومبتساليش يعني
شيري بجدية: شذي انتي لازم تطلبي الطلاق من كريم.
شذي متفاجاة: اية
شيري:.................................
          **********************
تنزل شذي حزينه لما سمعته من شيري لتتصل بنادين وتحكي لها ما حدث.
       ***********************
.....: هي فين دلوقتي
..... : هي شارع......
.....:طب خليك وراها لغاية موصل عندها
.....: حاضر يا هانم
          ***********************
شذي : طب اقفلي يا نادين دلوقتي شيماء بتتصل
نادين : اشطه خلصي وكلميني
أغلقت مع نادين ، لتجيب علؤ اختها شيماء
شذي : شوشو اخبارك ايه
شيماء بجدية: خليكي عارفة أي حاجة وحشة هعملهالك أبوكي هو السبب.
شذي بعدم فهم : مش فاهمه عايزة تقولي ايه
شيماء : أنا اسفه ولازم تسمحيني ، بس أنا لازم اعمل كدا .
شذي بعدم فهم : انتي بتقولي ايه!
وإذا بها تنظر إلي جانبها لتجد سيارة آتيه بسرعة كبيرة تجاهها
          *******************
في المشفي حيث تقف نادين ويوسف وعبد الرحمن
ليخرج الدكتور ويذهب إليه يوسف بلهفه: خير يا دكتور
الدكتور: حالتها خطيرة و مش مستقرة احنا عملنا اللي علينا ، والباقي علي ربنا ، ادعولها
نادين ببكاء: طيب ينفع اشوفها يا دكتور
الدكتور : بس متطوليش مش عايزين مجهود عليها
نادين : حاضر
تدخل نادين لتجد شذي راقدة أمامها علي الفراش ، والاجهزة متوصلة بها ، والاشرطة البيضاء تغطي معظم وجهها والخدوش ظاهرة من الجزء المكشوف من وجهها ،والتعب بادي عليها في تنفسها ونظراتها ،وحالتها غير مستقرة فتبكي نادين ..
شذي بتعب: نادين خلي بالك من عيالي
نادين ببكاء: متقوليش كدا انتي هتعيشي وهتربي عيالك.
شذي بتعب: اللي ربنا عايزه هيكون . المهم قولي لكريم اني مسمحاه وقولي لشيري وشيماء انا مسمحاهم مش زعلانه منهم قوليلهم إنو ميعرفوش ليه بابا بئا يعاملني كويس كدا ،شيماء غارت مني وهي مش عارفة ، وشيري مضايقة إني مع كريم وهي .....لتصمت في تعب ثم تاخذ انفسها بصعوبه لتكمل : قولي لكريم عيالي امانه معاه خليه يحافظ عليها واني بحبه اوي ، وكان نفسي اسعده ،ومش زعلانه منه عشان مش موجود دلوقتي ، انا حاسة باللي عاشه معايا وكان نفسي .....ثم تأخذ مفسها بصعوبة مرة أخري لتقول نادين
نادين ببكاء: طب اهدي دلوقتي والنبي علشان الكلام هيتعبك اكتر
شذي بتعب : اسمعيني قولي لابويا اني مسمحاه واني مش زعلانه من اللي عمله وقولي لامي اني بحبها اوي وبحب مصطفي اوي ومني وبناتها وعمي ومرات عمي ..
تتنفس بصعوبه أكثر من الأول ثم تكمل : انا لو مت هتنسوني!؟
نادين ببكاء: بعد الشر عليكي انتي هتعيشي وهتربي عيالك وهتقولي الكلام دا لكل واحد بنفسك ..
شذي بابتسامه ترسمهت بصعوبه : ابقو ادعولي .
ثم تدخل الممرضه اليها : كفايه كدا علشان الكلام غلط عليها..
لتخرج نادين ..
نادين ببكاء: انتو كلمتو كريم
عبد الرحمن : خد اول طيارة ونازل علي هنا
وإذا بصوت يخرج من الغرفة الموضوعة بها شذي وتجري الممرضات والأطباء، وتسمع نادين صوت الدكتور وهو يقول هذه الكلمة الانجليزيه"clear" التي كانت تفهم لما يستخدمونها ، فلذلك كلما سمعتها كلما زاد الخوف بداخلها وبكت أكثر إلي أن خرج الدكتور ليقول: البقاء لله..
لقد تم إعلان وفاة شذي ايمن محمد ..
فترات من صراخ نادين وصمت يوسف الذي لم يصدق موت ابنته ليأتي جاريا ابيها ايمن بعد تلقيه خبر الحادثة ،ولكنه لم يلحق في رؤية ابنته التي لم يشبع منها بعد ،تقف شيماء غير مستوعبة كيف فعلت هذا ،وتقف شيري لا تدري كيف حدثتها وبوختها في نفس يوم موتها مع العلم أنها كانت آتيه مخصوص لرؤيتها ، وأخير آتي كريم إلي المشفي ليجدهم جميعهم يبكون.
كريم بعدم استيعاب: انا عايز اشوفها
عبد الرحمن : البقاء لله يا كريم
كريم متفاجأ: ايه ، لا ، انتا بتهزر اكيد مقلب من مقالبها .خلصو دخلوني عايز اشوفها
عبد الرحمن : خلاص يا كريم هما ودوها المغسلة.
كريم بدموع : انا عايز اشوفها ياعبد الرحمن والنبي نفسي اشوفها ، انا عايز اقولها حاجات كتير عايز اقولها اني بحبها ومحبتش حد قدها ، يعني انا مش هشوفها تاني خلاص ..
ويبكي كل شخص علي ليلاه وعلي افعاله معها من ظلمها ،ومن كان سبب في حزنها يوم ، من كان يضحك معها ..
        **********************
بعد مرور ثلاث ايام
في غرفة شذي في الفيلا
عبد الرحمن : خلاص بئا يا نادين انتي لازم تروحي معايا وبعدين الزعل غلط علي الحمل بتاعك
نادين ببكاء: مش قادرة يا عبده مش قادرة قلبي وجعني اووي دي صحبه عمري دي اختي احكي لمين وهشتكي لمين ومين هيحس بيا من بعدها انا قلبي وجعني اووي بجد.
ليدخل كريم : انتي لازم تروحي مع جوزك يا نادين كفايه لحد كدا انا بجد متشكر
لتنظر له نادين باستحقار وتتحدث بزعيق وعصبية : انتا فاكرني قاعدة في اوضتها علشانك روح يا بعيد ، حزبي الله فيك انتا اللي موتها انتا السبب ، دا انا عارفة كل حاجة من ساعة متجوزتو ظلمتها ،وهي عارفة وحاسها وساكته علي ايه دا كله يقطع الحب والقرف اللي بيموت الناس دا ،ويكون في علمك انا شذي اختي اشرف من الشرف اللي متعرفوش يا استاذ ان شذي اعتدو عليه مش هربت مع واحد زي مكنت فاكر طول السنتين جواز كانت تيجي تقولي نفسي يسالني بدل نظراته دي ، كنت بتقتلها كل يوم بنظراتك المزيفه انك مبسوط ومش تسكت علي كدا ،لاء تروح لشيري تتكلم تخلي البت تهزقها وهي مش قادرة تنطق بكلمة ، انتا شخص اناني ومبتحبش الا نفسك ، شخص مغيب وبعد دا كله تقولي قوليلو مسمحاك بتقولك مسمحاك يا كريم وبتحبك اوي كمان ..
وفي هذه الأثناء صعدوا جميعا الي غرفة شذي ليعلمو علي من تتعصب نادين ، لتستكمل نادين وهي ناظرة لشيري مش دا اللي بتحبيه اهي ماتت وسبتو اشبعي بيه وبتقولك مسمحاكي انتي كمان وانتي يا شيماء مسمحاكي وانتا يا عمي مسمحاك وبتحبك يا مرات عمي وانتا يا مصطفي وبتقولك مطلعش عين بابا يوسف وتنهار باكية لا تستطع الكلام الي ان اغمي عليها..
وفي هذه الاثناء كانت تنزل دموع كريم مع كل كلمة من كلمات نادين..
وبعد ان هدأ الجو قليلا حكي ايمن لكريم الحقيقة وحكت شيري له انها اخبرتها انها تحبك وانها يجب ان تطلب الطلاق لانها اخبرتها ايضا ما بداخلك تجاها ، يصمت كريم مصدوما لما حدث فقد دموعه التي تهرب من عينيه..
          **********************
بعد سته اشهر
كريم يلعب مع بنته وابنه ، ونادين تجلس بجانب عبد الرحمن وهي تحمل طفلة جميلة اسمتها شذي ، وشيري بجانبهما
كريم بعد ان ترك الاطفال : يا شيري انا لسه بحب شذي وهفضل احبها ومش هتجوز تاني ولا هفكر اصلا انا معايا عيال من الست اللي بحبها مش عايز حاجة اكتر من كدا الحمد لله ..
            *********************
يخرج ايمن من مستشفي للأمراض العصبية والعقلية وقبل ان يركب سيارته تذكر
فلاش باك
شيماء ببكاء : مش عايز تقولي حاجة يا بابا
ايمن بحزن: اقول ايه يابنتي
شيماء : تقولي انا السبب ف موتها ولا حاجة
ايمن بعدم استيعاب: بتقولي ايه يابت
شيماء بعصبية: مانتا كل حاجة وحشة يبقي شيماء السبب والحلو يبقي شيري ولما ظهرت شذي بئا شذي الحلو كله ومتتكلمش غير عنها لدرجة انك كرهتني فيها ومش تسكت علي كدا كنت رايح تكتبلها نص املكك كلها خلتني اقتل اختي بسببك ايوة انتا السبب ، انتا اللي فرقت ف المعاملة ، ايوة انتا اللي مطلعني دايما وحشة شوفت اخر عميلك ايه خلتني اقتل اختي ، خلتني اقتل اختي
كانت تبكي ومن ثم ظلت تضحك بشدة ، ومن ثم توقفت لا تصدر اي صوت ولا تتكلم
فادخلها مستشفي الامراض العقلية فينظر للمستشفي ف الم ومن ثم يركب السيارة ويمشي
           *********************
يقف علي قبرها ويحمل طفلة صغيرة
نادر بحزن: انا سمتها شذي في الشهادة اه هنقولها يا نيرة بس انا هقولها يا شذي عادي.انا نفسي احضنك اووي وافضل اعيط لغاية منام ف حضنك ثم يضحك في الم.
ليشعر بوجود حركة حلفه لينظر ليجد كريم
كريم : اهلا
نادر: ازيك وازاي العيال
كريم : الحمد لله بخير .ينظر علي الطفلة ولد ولا بنت.
نادر: اسمها شذي
كريم متفاجا: عاشت الاسامي .كنت بتحبها اوي علي كدا.
نادر : اه احساسك كان ف محله .هو انا اقدر اجي ازور الاولاد .دول الحاجة الوحيدة اللي فاضلة منها دلوقتي.
كريم : اه طبعا تقدر تشرفنا ف اي وقت
نادر: شكرا عن اذنك
كريم : مع السلامة وسلملي علي المدام
ثم ينظر للقبر كريم بتنهيدة: وحشتيني اووي وفعلا انا بتعذب كل يوم طول مانتي مش جانبي ،كيرا ويوسف دلوقتي بئا عندهم سنه وتمن شهور وبيقولو يا بابا كان نفسي تبقي جمبي لما سمعتها كنت عايز احضنك اووي..
ثم يخرج مصحفا ليكمل: احنا امبارح ختمنا المصحف فبدأ انهاردة من الاول تاني بئا ، هبدأ من سورة البقرة.
ثم يجلس ارضا ويقرأ...
          ***********************
تم بحمد الله😂😂
رايكو بئا سواء عجبتكم او لا سواء حبتهوها او لاء ، سواء سلب او ايجابي تعليقك فعلا محتاجة ☺☺.وبعتذر عن الاخطاء الاملائية واللغوية الفادحة اللي موجودة ولكن دا بسبب إن دي اول تجربة ليا في الكتابة واول رواية ليا ف حياتي وشكرا ...
بقلمي:جهاد عماد الزيني
#هلوسات_هامستر