#الجزء_السادس
مني بضحك: انا بئا لولا اني عارفه انها من الفرحه كنت قلت عليك اهطل.
احمد :اتلمي
مني بضحك:حاضر من عونيا
احمد مازحا: تسلملي هالعيون
عبد السلام بجديه:احم احم لسه ممشيناش.
احمد:اسف ياحج مش هتسمعونا زغروطه ولا ايه
عبد السلام: انا قايلهم بلاش زغاريط والكلام الفاضي دا دلوقتي نخليه ساعة كتب الكتاب
احمد:عند حضرتك حق ،علشان العين بردو وان شاء الله الاسبوع اللي جاي هجيب اهلي معايا علشان نتفق علي شويه حاجات كدا.
عبد السلام:تنورنا يابني
يدق جرس الباب فتستأذن فتحيه وتفتح الباب لتجد كريم والاستاذ نادر.
فتحيه:اهلا وسهلا دا احنا زارنا النبي النهاردة
عبد السلام وهو خارج من الصالون:مين يا امو مني؟
نادر : انا يا حج
عبد السلام: اهلا وسهلا يا حج وازيك ياكريم يابني
كريم:الحمد لله واحنا اسفين اننا جايين من عير معاد
عبد السلام:انتو تيجو اي وقت البيت بيتكو
نادر :دا العشم بردو
عبد السلام :اتفضلو ف الصالون دا احمد هنا بردو
بعد السلامات جلس احمد وكريم بالقرب من بعض.
احمد بصوت منخفض:انا مصدقتش نفسي لما سمعت صوتك برا ايه اللي جابك هنا
كريم بنفس النبرة:جاي اطمن علي مرات اخويا انتا مالك.
احمد :دا علي اساس اني ايه!
كريم بضحك:اخويا بردو .قلت اغلس بس ايه رايك ف المفاجاه دي؟
احمد :زفت .مفاجاه زفت ،قلت خلاص عمي هيسبني مع خطبتي شويه جيت انتا طبيت علينا ،طب هقعد معاها امتا طيب.انا خلاص قربت انسي خلقتها عايز اقعد معاها وابوص ف شكلها ياجدعااان.
كريم بغلاسه:تراني تأثرت،دعني ابكي ..اهئ اهئ اهئ.. خلاص يابني صعبت عليا هخلص بسرعه وامشي .
احمد :طب انتا جاي ليه
كريم مازحا: في الاخر هتعرف 😆😉
احمد :رخم رخم يعني
كريم: الله يكرم اصلك ،واسكت بئا خليني اخلص اللي جاي علشانه.
احمد بنفاذ صبر: ابوس ايد اللي جابوك بسرعه.
عبد السلام: قومي يامني اعملي حاجه نشربها
فتحيه:لا خليكي يا مني مع خطيبك هاقوم انا
احمد لكريم:خطبه الندامه يامااا،مش عارف اشوفهااا
كريم بمرح: اهدي ياختشي متعمليش ف نفسك كدا
نادر :متتعبيش نفسك يا امو مني احنا هنمشي بسرعه.
عبد السلام :ولو بردو ظانتو نورتونا
يدق جرس المنزل مرة اخري ليعلن عن وجود وائر اخر.
عبد السلام :مين يا مو مني
فتحيه:دي ام فاروق جارتنا خليك ياحج جايلي انا.
احمد :احمدك واشكرك يارب مش جايلنا احنا.
كريم بجديه:شوف ياحج احنا محتاجين بصراحه مساعدة من حضرتك.
عبد السلام:امؤرني يابني
نادر :الامر لله ،بص ياحج ...
وبعد ان حكي ما حدث معهم وما يريدنه
نادر:فاحنا محتاجين مني يومين بس تقوم بالدور دا ،قولت ايه ياحج..
عبد السلام:والله انا معنديش مشكله . بس الرأي راي مني ف الاول وفي الاخر .
كريم:ايه رايك يا مني.
مني بتفكير:هو انا في حاجات اكيد نستها بس..
قاطعها صوت احمد:احم احم
ابتسمت مني ثم اكملت :بس كنت حابه اعرف رأيه قبل اما اقرر يعني .
احمد :جدعه يا مني ،وانا معنديش ستات تشتغل عرضك او طلبك دا مرفوض .
كريم بصدمه:نعم !!
احمد :نعم الله عليك .ايه مسمعتش طلبك مرفوض ومعنديش ستات تشتغل ..
كريم :يابني دي اختي واكيد هاخد بالي منها وهاحافظ عليها متقلقش .
احمد باصرار : لاء يعني لاء.
كريم :طب ليه ؟ايه السبب؟؟
احمد مازحا:في الاخر هتعرف
كريم بغضب :ايه !دا وقت هزار يا احمد
احمد ببرود:والله دا اللي عندي ،شوفلك حد غيرها
كريم :ياعبيط ،دا شغل يعني الشركات بتاعتنا اللي تعبنا فيها ممكن تتأذي ...
احمد ببرود:عبيط ،عبيط ،معنديش ستات تشتغل
كريم وقد ظهر عليه اثار الغضب من اسلوب اخيه:بطل عقليتك المتخلفه دي اومال هي اتعلمت ودخلت كليه ليه علشان تتجوز واحظ يمحي شخصيتها ويقعدها في البيت..
احمد بحمقه محموق يعني:طيب يا سيدي متشكرين،انا عقليتي متخلفه. لامؤخذة ياعمي في الكلام اللي هقوله دا ياكريم اسمه حب وانك عايز اللي بتحبها تبقي ملكه وتريحها ومش عايز يبقي في حد مدير عليها ويؤمرها لمجرد حاجه اسمها شغل حتي لو كان مديرها اخويا وحتي لو هما يومين ولا حتي ساعه واحدة .انا تعبت زمان علشان اريح اللي بحبهم دلوقتي ياجدع ،وخلاص ياسيدي فكك مني واسئلها واللي هي تقوله هوافق عليه ..
ثم نظر لها ووجه حديثه لها :من غير ضغوطات ،مني لو عايزة تروحي موافق ولو مش عايزة موافق بردو المهم تكوني مبسوطه باللي هتعمليه ومرتاحه..
مني بحنان وابتسامه تحمل معاني كثيرة من الحب والاعجاب والامتنان:انا مش موافقه،انا بصراحه اقتنعت بكلام احمد وبجد بشكرك علي الكلام دا ..
احمد بمرح:اقسم بالله لولا الحج قاعد كان زماني قلت كلام تقيل اوي ،احنا نعجبوكي بردو ،ولامؤخذة ياحج.
عبد السلام بضحك:انتا خليت فيها ياحج
احمد بمرح:الصراحه حلوة بردو،ولامؤخذة ياحج.
عبد السلام:لامؤخذتك معاك يابني .
احمد بمرح:بعيدا عن اللامؤخذة والكلام دا ،بس ايه رايك في البوقين دول.
عبد السلام مازحا:بيأكلو عيش بردو .كلت بيهم عقل البت.
احمد بمرح:دا انا اعجبك بردو ياحج. المهم هتعمل ايه ياكريم دلوقتي..
كريم بضيق :مش عارف . هنعمل ايه ياخالو دلوقتي؟
نادر :مش عارف.
عبد السلام:معلش يابني كنت عايز اساعد والله.
كريم :ولا يهمك ياحج.
عبد السلام:بس انا ممكن اعمل محاوله مع واحدة واحتمال كبير توافق بس الاول ،المؤتمر دا امتا؟
كريم:يوم الاربع ان شاء الله
عبد السلام :يبقي هتقبل ودي بتشتغل وعندها خبرة بردوو ..
مني :شذي؟؟
عبد السلام:عليكي نور ،ربع ساعه وهتبقي هنا.
كريم في ذهنه:شذي!! ثم تذكر الموقف الذي رأها فيها ..هذه الفتاه التي كنت اريد مقابلتها سوف اقابلها اليوم! كنت اشعر بضيق بسبب منيرة لانها استقالت وها انا الآن ساقابل شذي التي اريد رؤيتها فعلا ولما انا سعيد هكذا!!
ثم يطرد هذه الافكار من رأسه
كريم لنفسه:مالك يابني متجمد كدا ،واحده دخلت دماعك علشان مختلفه مش اكتر ..اكيد مش اعجاب اصلا ..
******************
شذي :ازيك يا عمو
عبد السلام :الحمد لله ،بقولك ياشذي تعالي البيت دلوقتي.
شذي :خير يا عمو
عبد السلام :خير يابنتي .عايزك ف موضوع.
شذي :خلاص ماشي ،مسافه السكه.
عبد السلام :ماشي يابنتي ،سلام
شذي وقد قلقت :سلام
*****************
يدق جرس البيت البسيط ليعلن عن وجود زائر .
عبد السلام :اكيد دي شذي
كريم قد انشكحت اساريرة عند سمعا ذلك.
شذي بعد ان فتحت فتحيه الباب قالت بطريقه مرحه مع صوت عالي ليسمعها عمها كأنها تعلن له عن وصلها :عمتي عمتي عمتي ........عمتي عمتي عمتي ..
بنفس طريقه ياسمين عبد العزيز في فيلم الانسه مامي عندما كانت تقول فليتي فليتي فليتي ..
فتحيه وهو تضحك :الله يحفظك يا شذي ، بتعرفي تضحكيني بعمايلك دي .
شذي بمرح :اي خدعه.
ثم قالت بصوت عالي ليسمعها عبد السلام:شوفتي عمي راح قالي عايزني ولاول مرة ميقوليش تيجي بالسلامه يابنتي ،قلقني الحاج..
فتحيه:يابت واطي صوتك ف ضيوف.
شذي :ضيوف ايه،ام فاروق دي صاحبه بيت
ام فاروق بابتسامه :الله يخليكي يابنتي ،عامله ايه؟
شذي :الحمد لله بخير ،ازيك وازاي فاروق
ام فاروق :الحمد لله بيسلم عليكي
شذي: الله يسلمو.
عبد السلام مناديا شذي :تعالي يا شذي سلمي علي الضيوف اللي هنا.
شذي وهو تهم بالدخول:ايه دا هو في ضيوف تاني هنا ولا دا احمد ؟
تدخل وتنظر للضيوف وتقف لحظات علي هذا الشخص .
عبد السلام:متسلمي يابنتي.
شذي وقد فاقت من شاردتها: ها ! اه ، حاضر ..
دي بجد مفاجاه حلوة ،ازاي حضرتك يا استاذ نادر .
نادر :الحمد لله وانتي عامله ايه
شذي :الحمد لله ف نعمه .
ثم تنظر لكريم ..
شذي:اهلا وسهلا
كريم :اهلا بيكي
عبد السلام :دا كريم اخو احمد ياشذي
شذي بتعجب :بجد ،نورتنا والله .
كريم بابتسامه جذابه:دا نورك
ثم تنظر لاحمد تجده ينظر لها باشمئزاز
احمد :انتي مش ناويه تكبري ابدا
شذي بتريقه:الحمد لله تمام ،وانتا كمان ليك وحشه والله.
ثم تغير نبرة صوتها للجديه:انتا شارب ايه!؟
احمد بقرف :ايه اللي انتي لابساه دا .
شذي ببلاها: عمي خضني وملحقتش اغير هدومي كنت مخطوفه فنزلت بسرعه ..
احمد بتريقه: مخطوفه ! بس حلو السلوبيت دا ابقي ادي لمني علشان لما نخلف البسه لبنتي اكيد تفصيل اسيله مشفتهوش قبل كدا مش دا اصلا اللي طالع موضه..
شذي :اه تفصيل بحب البسه زي بتاع الاطفال بالظبط احمد :مهو باين ،يا طفله 😆😆
شذي :متبطل بئا،مدام مرتاحه فيه محدش ليه دعوة فانتا ملكش دعوة .
احمد :دعوة تاخدك ، لامؤخذة ياحج.
شذي :وتشيلك ،لامؤخذه ياحج
عبد السلام :انتو خليتو فيها ياحج متتلمو انتو الاتنين.
مع ضحك الجميع
مني بمرح : بس ايه جو ياسمين عبد العزيز اللي كنتي عملاه برا دا
شذي باحراج: انتو سمعتوني ؟
مني :كلنا ههههههههههه منظرك كان مسخرة .
شذي باحراج:يكسوفي منظري اكيد كان عرة اووي
مني بضحك : اوووي
نظرت شذي ف الارض من كثرة كسوفها مع احمرار ف وجنتيها زاد من جاذبيتها.
الاستاذ نادر بضحك :مديقيش نفسك محدش بالو ههههه المهم عايزينك ف موضوع مهم .
شذي بجديه : خير يا استاذ نادر
حكي لها نادر ما اتي له .
شذي بتفكير : طيب لو وفقت ،السبوبه هتبقي كام ولا هشتغل بلوشي ..
نظر لها عبد السلام ومني بدهشه مالذي تقولينه لقد سببتي الاحراج لنا..
كريم بضحك : سبوبه وبلوشي كمان .لا يا استاذة مش هتشتغلي بلوشي وهتاخدي سبوبه كمان اللي انتي عايزاها..
شذي :كام يعني ، وخد بالك اللي انتا اللي عايزيني مش انا .انا بالنسبالي متفرقش..
كريم :5000 جنيه
شذي :بس ،يفتح الله
كريم :7000 كويس
شذي :بحبحها شويه.
كريم بضحك :10000 جنيه
شذي :Dell
احمد : ديل ياكلك يا بعيدة ، هتاخدي دا كله ليييييه!!
وانتا بتضحك وبتزود علي ايييييييييييه !!هي فلوس ابوك ..
كريم: يعني مش شايف طريقتها دي مش عاديه لازم تضحك ،متحسش انو بنت بتتكلم وبعدين هدفع من جيبي ملكش دعوة .
شذي :متسيبو يضحك ياحمد ،دا الضحك حتي ببلاش وبعدين مش هيبقي انا والضحك عليه.
احمد :ولو بردو ،دا كتير علي يومين
شذي :لا اله الا الله ياحمد لازم تقفلي ف الشعلانه ،ليييييه!
يضحك عبد السلام ونادر ومني علي هذا الحديث الداير بين ثلاثتهم ..
احمد بجديه:اعملو اللي انتو عايزينو انا جاي هنا علشان<
#هلوسات_هامستر
رايك بئا وتوقعاتك 😉☺
आप पढ़ रहे हैं
رواية " أحبك ولكن ! "
रोमांसيمشي الإنسان في طريق معين من اختياره ظنا منه أن في نهاية هذا الطريق السعادة التي تمناها،ولكن في بعض الأحيان تأتي الرياح بما لا تشتهي السفن ،ويجد الإنسان نفسه في منتصف طريق مسدود ، ولكن يوجد طريق أخر متفرع منه ،ولكنه مظلم وكئيب بعض الشيء فيضطر أن يذه...
