MEGALOMANIA [Unedited.Completed]

Chapter 3

Chapter 3: Break.

------

July 27, 2017/Day 4

Mas maagang nagising si Ransey kaysa kay Aki. Actually mas madalas talaga itong maagang magising kaysa sa kuya niya.

Nakatitig lang ang batang babae sa tv. Masaya itong nanonood habang umiinom ng gatas habang kinakain ang pinasalubong ng kuya niya kagabi.

Kaya naman pala serious si Ransey sa panonood, Ogie and the cockroaches pala ang palabas. Paboritong-paborito talaga ni Ransey ang mga ipis. Sa hindi maipaliwanag na dahilan, hindi alam ni Aki kung bakit trip na trip ng utol niya ang mga ipis. Siguro dahil isip ipis ito? Hmm.

Matapos magtimpla ni Aki ng kape ay dumeretso siya sa refrigerator. Halos paubos na pala ang stocks nilang pagkain. Wala pa naman siyang kapera-pera sa ngayon.

Matapos kumuha ng isang pirasong mansanas ay bumalik na siya sa kaniyang kwarto at doon nag-isip ng paraan.

Binuksan ni Aki ang laptop at in-upload ang kuha nang mamahaling gitara at alluminum bicycle. Pinost niya ito sa Bilinakayo.com.

Pagkatapos no'n ay binuksan niya muli ang secret cabinet at saka kinuha ang red notebook.

Bumalik siya sa tapat ng laptop saka binuksan ang red note book. Sa unang pahina ay mababasa ang mga salitang, The wonderful life of Eurylle.

Ang red notebook niya ay naglalaman pala ng isang istorya. Lingid kasi sa lahat, maging kay Mela ay mahilig siyang magsulat ng mga fantasy story. Sinisekreto niya ito sa lahat hindi dahil sa nahihiya siya kundi dahil sa palagay niya ay hindi naman na dapat ito sabihin pa.

Sinalin niya sa MSW2010 ang mga nakasulat sa red notebook at saka ito sinend sa Publishing Libro Project. Nagbakasakali na makapasa ang manuscript niya. Malaking tulong rin iyon kung nagkataon.

Matapos magluto ng pananghalian nila ni Ransey ay bumalik na naman siya sa kwarto. Hapon na ng lumabas siya ng bahay para imeet-up 'yong bibili sa gitara at bike niya.

"Kuya, bili mo'ko ng Dee-dee, gusto kong alagaan 'yon," sabi ni Ransey bago siya umalis.

Naukit tuloy ang tanong sa isip niya. "Dee-dee?"

Lumapit si Ransey sa tv at tinuro ang matabang ipis sa Ogie and the cockroaches.

Natapik na lang ni Aki ang noo niya. "Jusmiyo marimar ka talaga Rans, 'Nong trip 'yan?"

"Sige na, kuya," nagpouty lips pa si Ransey.

"Sige, sige, sige na." sagot niya para wala ng gulo. "Iiwan muna kita saglit dito."

"Doon lang ako kina extra," kapitbahay nila ang tinutukoy ni Ransey. Extra lang kaya walang pangalan.

"Sige, pero 'wag ka magpagabi a." Pagkasabi noon ay sumakay na ng kotse si Aki at umalis ng bahay.

Ilang minuto matapos maibenta ni Aki ang gitara at bike ay dumeretso siya sa mall para humanap ng stuff toy na Dee-dee. Mabuti at nakakita agad siya.

Bumili narin siya ng pizza para sa hapunan nila ng kapatid.

Matapos ang mga iyon, agad siyang nagbiahe pabalik ng bahay. Dahil medyo rush hour na kaya bumagal nang bahagya ang pag-usad ng sasakyan. Eksakto naman na paghinto ng sasakyan niya ay nahagip ng kaniyang paningin ang isang babaeng nakatalikod. Kahawig ito ng girlfriend niya.

Ang masaklap pa nito ay may kasama itong lalaki, hindi niya naaninag dahil nauna itong pumasok sa hotel.

Agad kinuha ni Aki ang cellphone niya at dinial ang number ni Mela.