MEGALOMANIA [Unedited.Completed]

Chapter 7

Chapter 7: Blood.

----

"May ilang katanungan lang kami sa'yo Mr.Aki."

Nasa Olivares, Tagaytay police station si Aki noong umagang iyon. Ilang lakad lang ang nasabing police station sa city land.

Pagkagising kasi ni Aki ay may mga pulis na kumatok sa condo niya. Mabuti na lang ay tapos na siya sa pag-alis ng mga dugo sa katawan at kama bago dumating ang mga ito. Gayunpaman ay natatakot parin siya sa mga maaaring itanong ng mga ito. Hindi niya naman kasi alam kung anong nangyari kagabi. Nakagawa ba siya ng krimen?

"A-ano po 'yon?" hindi niya ipinahalata ang kaba.

"Nanalo ka sa lotto. Congrats."

"Huh? Talaga po?"

"Syempre hindi. Police kami hindi pcso."

Napangiwi na lang si Aki.

"Noong nakaraang araw ay may namataang babaeng patay na sinilid sa maliit na kahoy na kahon. Nakita ang bangkay sa bandang Mahogany market, malapit narin sa NBI station."

Nakinig at patango-tango lang si Aki na may pagtataka. Hindi niya kasi alam kung anong kinalaman niya sa krimeng iyon. Ni hindi niya nga kilala ang tinutukoy nilang biktima.

"Ayon sa source namin, Galing sa isang Bar ang biktima bago siya mapatay," nagpatuloy ang pulis na kausap niya. "Nakita namin sa cctv ng bar na pinanggalingan niya na meron siyang kasamang lalaki bago siya umalis doon saktong 00:00. At ayon sa ginawang enhancement ng aming IT specialist sa kuha ng cctv, lumabas ang nag-ngangalang Aki Corbito ang kasama niya noong gabi bago siya mamatay."

Nagulat si Aki sa kanyang nalaman. Saka pumasok sa ala-ala niya ang nangyari noong nakaraang umaga na gumising siya. "Hindi pwede 'to, nagpunta ako ng bar at may kasamang babae?" nagsimula na siyang kabahan. "What is this happening to me?"

"T-teka po," may pagtatakang sambit ng binata. "A-ako, kasama s-sino?" saka niya itinuro ang sarili. Kinakabahan at naguguluhan parin talaga siya.

"Shade Umipig ang pangalan ng biktima," singit ng pulis na nasa bandang kanan ni Aki.

"Nasaan ka ng gabing 'yon bago mamatay ang biktima?" tanong ng isa pang police. "Ayon sa autopsy report ng team namin, mga bandang 2:30-4:30 pinatay ang dalaga.. . sabihin mo, saan kayo nagpunta ni Shade ng 00:00 hanggang 2:30 ng madaling araw?"

Pinagpawisan ng malamig si Aki sa mga tanong ng police. Hindi pa nga nareresolba ang tanong niya tungkol sa mga dugo sa kaniyang katawan nito lang umaga, tapos sumabay pa'tong bagong problema. Totoo nga kaya na siya ang pumatay sa biktima?

"N-nasa bahay ako noon," hindi kumbisido niyang sagot.

"Anong patunay?" prankang tanong ng nasa kanan niya. "May sapat ka bang alibi?"

"I-check n'yo po 'yong cctv sa condo unit na tinutuluyan ko," Kahit ang binata ay nagulat sa sinabi niya. Maari niyang ipahamak ang sarili kung magkataon.

Hindi nag-aksaya ang mga police noong oras na'yon. Nagtungo agad sila sa security ng city land at sinuri kung nasaan si Aki noong mga oras bago mangyari ang krimen.

Base sa copy ng cctv mga bandang 00:20 ay nakauwi si Aki ng condo kasama si Shade. Chineck ang isa pang cctv na nasa 10th floor. Wala namang kakaiba pero nagulat si Aki dahil hindi niya maalala iyon. Kahit anong isip niya, he can't remember anything. "How come."

Mga bandang 2:00 ng lumabas si Shade sa unit kasama si Aki pero wala ng pang-itaas na damit ang binata. Pagpasok nila sa elevator para bumaba ay nagkaroon pa sila ng kissing scene. Napangisi ang mga nanonood ng makita ito habang nakatingin kau Akiboy lalo na ng makita sa cctv na nilagyan siya ng chikinini ni Shade sa kanang dibdib niya.