بعد ما قالي الشيخ محمد قصته، اداني قزازة فيها ميه قالي استحمي بيها بعيد عن الحمام .
رحت استحميت ،و بعدين جيت له قعد يقرأ علي راسي القرآن بعد ما قالي غمض عينك.
و قعد يقرأ..يقرأ.. و حسيت بألم في رأسي، و أيدي تقيلة،وهو بيقرا لحد ما سمعت صوت صريخ في ودني.
قالي الشيخ محمد : كده خلاص، شيلت العزايم من عليك، روح اتوضى و صلي ركعتين بنية ربنا يحميك.
رحت نفذت اللي قاله و بعديها جيت جنبه.
قال الشيخ محمد : أنت حفظت القرآن زي ما قلت لك؟
اومأت براسي، و أكمل : بكره تيجي ليا، هوريك قوة أحسن من اللي بتحاول تعرفها من السحرة و غيره.
فرحت أنا و لكن مبينتش له، لكن لاحظت عيني مش شايف بيها الجان.
قلت له : أنت عملت إيه؟
قال لي :عينك مش هتشوف بيها تاني، إلا لو اتقربت لربنا ،و ده اختبارك لمدة 3 ايام ولو حاولت ترجع للكتب و طرقك القديمة أنت اللي هتتأذي، أعوذ بالله العلي العظيم و بوجهه الكريم و بسلطانه القديم، يا قدوس قدوس قدوس يا مهيمن من كل شيطان رجيم طريد مريد، أحصن باسم بن.... (إسم الأم ) من كل كافر .
قلت له :طيب لما نشوف.
رحت نومت لأن جالي صداع رهيب، و صفير في ودني اليمين.
لكن حلمت إني في مكان واسع كله رملة، و مفيش حد خالص، و أخدت أمشي يمين و شمال، وفجأة لقيت نفسي بغرق في الرمل، لقيت روحي في تربه، وقعت علي كذا كفن، لكن لقيت كمية كبيرة من الذئاب قدامي،طلع واحد كبير منهم الظاهر كده انه القائد قالي : نترك باسم بن آدم بغير إذي ولا قربان ، هذه آخر مرة ترانا بها ،شكرآ لكل ما قدمته لنا أيها الناصف.
استيقظت من النوم، و وجدت لا يوجد صفير أو صداع .
*****
بعد خمسة أيام..
ذهبت لمنزل الشيخ محمد بعد العصر ، قالي :انت بقيت جاهز، حصن نفسك الأول.
قريت آيات التحصين، و قال لي :نبدأ بأذن الله تعالى.
منتظر تعليقاتكم و نقدكم
YOU ARE READING
الراصد
Horrorليس عندكم عندي غير غد أما الرحيل أو الخلاص قصه واقعيه هذه قصة شاب عاش حياه صعبة للغاية قرر اخبارك بها حتي تتعظ شاب تعرف على عالم المخفي من الجان بأنواعه المختلفة و الأساطير الحقيقية و غير الحقيقية . أتمني أن تنول اعجابك سيدتي و سيدي الذي تقرأ . ...
