توقفت معك سيدي القارئ الكريم عندما ذهبت للشيخ محمد بعد أن حلمت و رأيت الجان يودعوني،و رؤيتي لخدام سورة الإخلاص ثم النصائح التي سمعتها و بدأنا الجلسة و ما حدث بها،ثم حكاية سعيد.
بعد الموقف ده ما خلص العلاقات الأسرية اتقطعت، مبقيتش زي الأول، لكن ريحت دماغي و انتبهت لدروسي و الحمد لله رب العالمين نجحت.
و أنا في الإجازة، إتصل بنا الشيخ محمد و طلب مننا أنا و امي نيجي.
بعد نصف ساعة، كنا قاعدين بنشرب الشاي مع الشيخ محمد.
قال :صلوا على اللي يشفع لينا يوم القيامة.
صلينا علي النبي و أكمل قائلا : أنا جبتك يا دكتورة علشان استئذنك اخد باسم معايا جلسة في سوهاج و لمدة مش محددة بس قبلها هاوديه مولد عبد الرحيم القناوي يفرح شويتين.
فكرت أمي وقالت :لازم اكلم حسن في الموضوع ده، هو اللي يقرر.
كلمت امي ابويا و وافق، و قالت للشيخ :أنا و حسن موافقين.
طيب..بس خلي بالك منه.الشيخ محمد :أكيد يا دكتوره من غير ما تقولي،ده ولدي قبل ما يكون تلميذي.
مشيت مع امي و حضرت لي شنطة صغيرة و حطت فيها مصحف صغير، و مسواك، و جلابية و طقمين و فرشة.
المهم روحت للشيخ محمد و اكلنا سمك و بعديها قعد يعلمني الرقيات الشرعية و التحصينات و غيره لحد ما جه الجمعة.
صحينا 9 و اكلنا و بعديها روحنا صلينا الجمعة و قعدنا نقرأ القرآن و صلينا صلاة الجنازة علي واحد مات و روحنا المقابر و سلمت علي عم محمود التربي و أم شعلان و حميد اللحاد و سلموا علي الشيخ محمد و حلفوا لنتغدا معاهم.
اكلنا رز و سبانخ و فروج (دجاج ) و حبسنا بالشاي.
قعدنا نحكي لحد ما قال الشيخ محمد حكاية : طبعا يا محمود انت عارف ابويا سالم الرفاعي ده كان أكبر و أقوي معالج بالقران الكريم، كنت أنا لسه صغير قدك كده يا باسم، جات لنا في البيت واحدة ست من اسوان و حكت لنا.
( أنا يا شيخ اسمي حليمة رحت لساحر ،و الساحر ده يعتبر أقوي ساحر هناك، لكن اللي حصل الساحر ده مات و انا قاعدة، و أول ما شفت كده رقعت بالصوت و دخلت مرات الساحر، لكنها مراحتش تشوف جوزها، دي راحت لحيطة و قعدت مقرفصة و توشوش المنطقة دي.
و بعد ما خلصت و شوشة حسيت أن الأرض و الحيطة اتشققت كأن في زلزال و خرج دخان أسود كتير، ومرات الساحر بتقول الورث..الورث.
أنا مستحملتش المنظر لقيت تعبان كبير طلع من الدخان و بلع المراه و نزل الحفرة تاني ،و بعديها وقعت من طولي.
لما فقت لقيت نفسي في بيتي و جوزي و عيالي و أمي جنبي، أمي زغرطت، و جوزي لقيته بكي و العيال بيبوسوني.
قلت :هو في ايه؟
قال جوزي وسط بكائه : يا حليمة ليكي يومين محطاش منطق من سايعت الروحة الهباب للساحر بن....... ده.
غمضت عيني و فتحتها لقيت حاجة زي القرد ورا جوزي، رحت رقعت بالصوت، و شاورت لجوزي و بقوله قرد وراك يا محمد، قرد وراك .
بص وراه و بعديها بص لي و لقيته اداني كف و قال :انتي اتجنيتي يا بت ولا هتستعبطي؟
قعدت أبكي و مفتحتش بقي ،وأنا شايفة القرود دي في كل مكان،لحد ما رحت بيت الساحر ولقيت مراته قاعده، دخلت قلت انت ازاي عايشه دا انا شفت التعبان كلك؟
قالت :أنا مش...... أنا التعبان و موجود علشان اديكي الورث.
قلت :مش عايزه حاجة، انكشحوا من اهنا.
قالت : يا حليمة انتي الوريثة بكيفك أو غصبت عنك كل اللي عايزينه تقوليه قبلت بالورث.
فجأه لقيت الدنيا سخنت و نار بتطلع من الأرض و تمشي على الحيطان.
جريت من البيت و جيت لك يا سيدنا تلحقني. )
خلصت حليمة كلامها، و لقيت ابويا بيقول يلا مفيش وقت يضيع اكتر من كده.
روحنا بيت الساحر و عمالين نسمع أصوات ناس بتصرخ و تزوم.
خبط ابويا علي الباب و قال :نستاذن بالدخول.
لقينا الباب بيتفتح لوحده، دخلنا و اتقفل ورانا.
منتظر تعليقاتكم و نقدكم
![](https://img.wattpad.com/cover/99281577-288-k794508.jpg)
YOU ARE READING
الراصد
Horrorليس عندكم عندي غير غد أما الرحيل أو الخلاص قصه واقعيه هذه قصة شاب عاش حياه صعبة للغاية قرر اخبارك بها حتي تتعظ شاب تعرف على عالم المخفي من الجان بأنواعه المختلفة و الأساطير الحقيقية و غير الحقيقية . أتمني أن تنول اعجابك سيدتي و سيدي الذي تقرأ . ...