توقفت معك سيدي القارئ الكريم عندما صلينا الجمعة في مسجد عبد الرحيم القناوي و قعدتنا مع التربي محمود و أم شعلان و حميد اللحاد، و حكاية الشيخ محمد و أبوه و الست اللي إسمها حليمة.
سأل ابويا حليمة : الاوضة فين اللي مات فيها؟
شاورت حليمة للاوضة، راح ابويا قالي :رش يا محمد مسك علي عتبة الباب بعد ما ادخل.
قعد يقرأ الفاتحة و ست مرات إيه الكرسي و بعديها شاور باصبعه في الاوضة، ودخلت حليمة ورآها ابويا.
نسيت اقولكم أن جه معايا جوز حليمة.
المهم.. بدأ ابويا يقرأ القرآن و لقيت النور اتطفي و سمعنا صوت فئران كتير.. كتير، و ابويا قال :اقراوا ايه الكرسي بسرعة قريت انا و جوز حليمة ،النور رجع.
لقينا كمية فئران في السقف و علي الأرض كلها داخلة الاوضة، ما لا يقل عن 3000 ولا 4000 فار، و عمالين يسيكوا، صوتهم مقرف.
و حسينا بهوا سخن دخل الاوضة، و سمعت صريخ عالي لحليمة، مسكت جوزها و قلت له :اوعي تدخل هتموت.
كان الصراخ صعب، و عمالين نقرأ و نقرأ و نعيد،و احنا شايفين تعبان كبير، جسمه واصل نص الاوضة، و لاقي حليمة بتترعش و تقول :سامحني يا شيخ هيموتوني و هيموتوا عيالي.
ابويا قال وهو مركز نظره على التعبان : محمد اقري سورة يوسف و انت بتشاور عليها لحد ما توصلك. عملت كده لحد ما وصلت و اخدها جوزها في حضنه و هو لسه يقرأ القرآن معايا.
قال ابويا : ألله إذن لكم أم علي الله تفترون؟ اترك الوريثة أنها لا تريد الورث، خذوا الورث و اتركوها.
التعبان اتكلم وقال : الوريثة أو الموت، الوريثة أو الموت.
ابويا : الموت لكل عاصي و كافر،الموت لمن يؤذي و يقتل.
اخد ابويا يقرأ و التعبان يقرب عايز يأكل ابويا، لكن كل ما يقرب التعبان يرجع تاني كأن حوالين ابويا درع حماية، و التعبان يتحرك في سرعة رهيبة مع أنه كبير، و يقرب من الباب لكن يتردد كأنه خبط سلك كهربا، و لقيت ديل التعبان بقي اتشكل لشكل ايدين كبيرة و قعد يحفر و يحفر ، والقرآن يزيد و يزيد، لحد ما التعبان دخل و خرج و في سنانه صندوق كبير، و بعديها نزل تاني و الحفرة اختفت.
شاور ابويا ليا بمعني ادخل و قال :حليمة خدي جوزك و امشي.
مشت حليمة و جوزها، و دخلنا و ابويا بيقرا قرأن علي الصندوق و فتحه، و خرج كتاب صغير حطه في جيبه و خرجنا.
خلص الشيخ محمد قصته و سأله حميد اللحاد :الكتاب ده فيه ايه يا شيخ؟
قاله :في تعاويذ قوية جدا، عزايم رهيبة، اللي يقرأه بس يتحضر له خدام و ملوك.
قلت له :طيب و حليمة حصلها حاجة؟
قال الشيخ محمد : عالجناها و و بقت كويسة، يلا علشان نروح المولد و تلعب.
روحنا ضربنا بالبندقية، و ركبت المراجيح، و جبت مسدس خرز، و اكلنا الحلاوة،واتفرجنا علي الساحر، و رقصنا علي الحصان و ركبت الحمار.
منتظر تعليقاتكم و نقدكم.
YOU ARE READING
الراصد
Horrorليس عندكم عندي غير غد أما الرحيل أو الخلاص قصه واقعيه هذه قصة شاب عاش حياه صعبة للغاية قرر اخبارك بها حتي تتعظ شاب تعرف على عالم المخفي من الجان بأنواعه المختلفة و الأساطير الحقيقية و غير الحقيقية . أتمني أن تنول اعجابك سيدتي و سيدي الذي تقرأ . ...
