توقفت معك سيدي القارئ الكريم عندما ذهبت مع الشيخ محمد لسوهاج و جلوسنا مع محمد الجزار الذي يحكي قصته.
قال الشيخ محمد :كمل يا وليدي،ايه اللى حصل، أنا عارف لسه في كلام عايز تقوله .
اخد محمد الجزار نفس عميق و كمل.
من أول مرة شوفنا البيت حسينا كلنا قلبنا اتقبض، كأن الموت مستنينا، كلام ستي صوح (صح) بيت قديم من دورين ليه باب كبير، جوه البيت لقيناه مليان عناكب و علي الارض كفوف دم زي المدبح ، و علي الحيطان لاقينا براويز فاضية متعرفش الصور وقعت ولا ايه، فيهم برواز كبير مرسوم عليه شكل قرون كبش، شكله كده غالي، و مفيش أي حاجة ننور بيها غير لمبة غاز صغيرة، طبعا نضفنا الدنيا و ركبنا النور و السباكة، و حطينا تلافزون (تليفزيون) خلينا البيت يضوي ضوي، إحنا كنا عايزين نبيعه لكن لاقينا انه مستحيل، أول يوم في البيت معداش عادي، دخلنا ننام سمعنا صوت زعيق و صراخ من اوضة أحمد و محمد، دخلنا نشوف في ايه، لاقينا أحمد و محمد قاعدين مقرفصين في جنب و بيبصوا علي قطة.
قطة سودة كبيرة، أنا خفت اهشها برجلي لما لاقيت منظر العيال خايفة، فمسكت قماشة و قعدت اهشها لكن ولا اتحركت، لاقيت أم حربي بتقول :أعوذ بالله من الشيطان الرجيم .
القطة لاقيتها بصت لنا و اتحركت في هدوء، قلت انا :دقيقة أفتح لها باب الشارع تطلع.
طلعت علشان أفتح الباب، ملقيتش القطة، دورت تحت الكنب و الاوض لكن ملقتهاش، قلت في بالي تلاقيها قطة الجيران و بتدخل من حته مش عارفينها.
و نمنا، لكن البيت كله حلم و كوابيس.
اليوم التالي، دخلت الصبح الحمام اتفزعت و وقعت على ظهري ، لاقيت القطة السوداء جوه أول ما شافتني نطت عليا و خرجت، مش دي المشكلة، المشكلة محدش شافها غيري، قلت بيتهيالي.
لكن يا ريت وقفت على كده بس، طلع كل اللي في البيت ،قعدت انا و جميلة وعطيات، و غفلت ربع ساعة، حلمت اني في الشارع و لاقيت جنبي راجل لابس عباية و مغطي وشه و بيقولي إرحلوا انهم ساكنوا هذا المكان،و اختفي بعدها، و فقت لاقيتني عند باب الشارع نايم، و لاقيت عطيات بتهز فيا و تقولي اصحي يا محمد بتمشي وانت نايم.
فجأة سمعنا صراخ، جرينا أنا و عطيات، كنت فاكر حلم ،لكن ده صوت جميلة ، كانت جميلة في اوضتها مقفول عليها الباب، و عمل اصرخ اخبط علي الباب و أقول : افتحي يا جميلة، افتحي يا بت، وهي عمالة تصرخ و تصرخ، الباب اتفتح و الاوضة ضلمة، رحت ندهت عليها لاقيتها مركونة في جنب و تصرخ، و قدامها لاقيت أسد.
لا لا دا كبش بس كبير قوي، واقف على رجلين بس زي الحصان، و بكل عزم ما فيا ضربته برجلي، لاقيته رجع لورا و جري دخل في اوضة من الاوض،ودخلت وراه لاقيت راجل مسلوخ عنه الجلد، رأسه باين عليها اللحم و الدم، و عضم صدره باين ووشه مسلوخ وعمال ينقط دم و قال بصوت مرعب : إرحلوا.
مكملتش قفلت الاوضة و قلبي ده هيقف.
و سمعت صريخ عالي من الصالة شلت جميلة و نزلت، لاقيت الراجل اللي جالي في الحلم، واقف قدام اختي و ماسك في أيده حاجة عاملة زي السكينة، نزلت اختي جميلة و جريت زقيته ولا ضربته، لاقيته جري بسرعة كبيرةو دخل المطبخ و ملقتهوش جواه.
سمعنا في البيت كله صوت ست كبيرة :إرحلوا وإلا هنموتكم.
منتظر تعليقاتكم و نقدكم.
VOUS LISEZ
الراصد
Horreurليس عندكم عندي غير غد أما الرحيل أو الخلاص قصه واقعيه هذه قصة شاب عاش حياه صعبة للغاية قرر اخبارك بها حتي تتعظ شاب تعرف على عالم المخفي من الجان بأنواعه المختلفة و الأساطير الحقيقية و غير الحقيقية . أتمني أن تنول اعجابك سيدتي و سيدي الذي تقرأ . ...