توقفت معك سيدي القارئ الكريم عندما صلينا الجمعة في مسجد عبد الرحيم القناوي و قعدتنا مع التربي محمود و أم شعلان و حميد اللحاد، و حكاية الشيخ محمد و أبوه و الست اللي إسمها حليمة ثم ذهابنا للمولد.
ركبنا أنا و الشيخ محمد الميكروباص و وضعت شنطة الشغل علي حجري، و نمت لحد ما وصلنا، و بعدين ركبنا عربية كارو لقرية اسمها البخايته.
وصلنا و حصل المتوقع سأل الشيخ محمد عن بيت الجزار محمد العفش ،قعد الراجل يوصف العنوان بالضبط و بعدين اتصلنا بيه.
رحنا قريب من المكان و قالي : تعالي نروح الجامع ده لحد العشاء.
رحنا و قعدنا نقرأ القرآن و قالي : النهاردة هاعملك إختبار صغير هاخليك تدخل لوحدك و اشوف هتعمل ايه .
أنا فرحت لاني كنت منتظر اليوم ده بفارغ الصبر.
دخل راجل تخين و لابس جلابية و عمة ،سلم علينا و قال : الحمد لله جيت يا شيخنا ،إحنا قاعدين في قرف.
قال الشيخ محمد : خير يا وليدي؟ أحكي.
بص الجزار ليا، قاله الشيخ :احكي دا أبني.
قال الجزار: اللي هاحكيه يا شيخ ممكن مش هتصدقني بس ده اللي حصل، إحنا أسرة اصغيرة في البيت من 7،أنا و ابويا و اختين بنات جميلة و عطيات و أخين ولاد احمد و محمود و أم حربي ست كبيرة عايشة معانا، و جدتي ماتت من سنة بالفشل الكلوي، قبل ما جدتي تموت كنا عايشين كلنا في شقة إيجار من اوضتين، ابويا شغال منجد، الحالة ماشية معانا، بس الفلوس مش مكفية نسكن في بيت جديد أو شقة أوسع، أنا شاب في ال30 مخلص دبلوم صنايع، و ابويا كل تفكيره انه يجيبلي شقة علشان اتجوز، من 7 سنين لما جدي اتوفي، ستي ورثت عنه بيت كبير في القرية هنا، كانت الوحيدة اللي فاضلة له فورثته، لكن الغريب جدتي رفضت تستلم البيت ولا حتي تتبرع بيه، سابته متعلق، ولما نقولها عملتي كده ليه؟ تقول مش لازم تعرفوا.
ابويا مرضيش يكلمها تاني علي البيت لأنه بيخاف عليها و عرفنا بموضوع مرضها فاتكتمنا كلنا، تصدق بالله يا شيخ أنا عرفت ان ليا جد من إعلان الوراثة، عمرها ما بتتكلم عنه أو تجيب سيرته، و ابويا نفس الكلام، المهم بعد صراع مع المرض جدتي ماتت، و ملكية البيت اتنقلت لينا، جدتي موصيانا قبل ما تتوكل محدش يسكن فينا البيت، بس بعد ما ماتت و أوراق كتير، الحالة بقت صعبة، ابويا و انا قررنا هنروح البيت، ده اللي هيضمن مستقبلنا انا و اخواتي حتي لو هنبيعه، و بعد كام شهر نقلنا للبيت، و بعديها حياتنا اتقلبت، حياتنا بقت زي حواديت ألف ليلة وليلة، ولما سألنا علي حد يساعدنا، واحد اتكرم و دلنا عليك يا سيدنا الشيخ.
فضل محمد ساكت ميتكلمش، و لاقيت أيده بتترعش و باصص علي الشيخ محمد مستنيه يتكلم، لكن الشيخ محمد باصص في الأرض و يقول حاجة بصوت خافت مسمعتهوش بيقول ايه، لحد ما رفع رأسه و قال :كمل يا وليدي،ايه اللى حصل، أنا عارف لسه في كلام عايز تقوله .
اخد الجزار نفس عميق و كمل.
منتظر تعليقاتكم و نقدكم.
عايز اعرف توقاعتكم ايه للحلقة القادمة.
YOU ARE READING
الراصد
Horrorليس عندكم عندي غير غد أما الرحيل أو الخلاص قصه واقعيه هذه قصة شاب عاش حياه صعبة للغاية قرر اخبارك بها حتي تتعظ شاب تعرف على عالم المخفي من الجان بأنواعه المختلفة و الأساطير الحقيقية و غير الحقيقية . أتمني أن تنول اعجابك سيدتي و سيدي الذي تقرأ . ...
