توقفت معك سيدي القارئ الكريم عندما ذهبت مع الشيخ محمد لسوهاج و جلوسنا مع محمد الجزار الذي يحكي قصته،ثم قرار الشيخ محمد الذهاب لبيت محمد الجزار.
بص الشيخ محمد لأبو محمد وقاله : القبر فين؟
أبو محمد : معرفش قبره فين، معرفش غير قبر عيلتهم.
قال الشيخ محمد : طيب تعالي معانا.
أبو محمد : طيب يا سيدنا.
لبس منصور جلابيته و رحنا، وصلنا الحوش بتاع العيلة .
الحوش عبارة عن باب حديد فتحناه، لقينا أربع بوابات، شاور منصور للاخيرة ، و قال : هنا دفنت مراتي و حماتي، معرفش هو أتدفن فين ؟
خرج الشيخ محمد و سئل التربي، كان إسمه حجاج، وصف لنا مكانه، لقينا علي قبره مكتوب هنا الساحر بن....... (شتيمة) .
فتحنا القبر، كان القفل مكسور.
قال أبو محمد : أنا هبقي هنا لحد ما تخلصوا.
قال الشيخ محمد : لا مينفعش..أنت من أهل البيت لازم تنزل.. باسم اقعد برا لو ندهت عليك أنزل بسرعة.
مسك الاتنين كشافات بالحجارة و نزلوا،و أنا قعدت برا.
عشر دقائق و سمعت أصوات خبط و رزع و زي حد بيصرخ من جوه القبر.
نزلت بسرعة و انا مشغل بطاريتي الصغيرة، لقيت منصور عينيه صفرا و بيخنق الشيخ محمد و عمال الشيخ يتنفض، قالي : الحقني و كتفه بسرعة.
نطيت علي كتف منصور و عضيته، لقيته ساب الشيخ و ضربني بونيه(بوكس) في أسناني.
شفت و أنا دايخ الشيخ محمد حط أيديه علي أكتاف منصور و قرأ آية الكرسي.
لقيت منصور بيتنفض و يترعش و وقع على الأرض مغمي عليه.طلعناه بصعوبة برا القبر، و اقعدنا نرتاح و أنا مسحت بقي من الدم.
بعد يجي ربع ساعة فاق، لقيت الشيخ محمد ضربه بالقلم و قاله : أنت فتحت عينك لما كنا بنصلي.
لقيته بيبكي و يقول : أيوة بس بس كانت مراتي، و خفت من اللي عملته في أم حربي.
قاله : يا راجل الجن خداع، أهو كان ممكن حد فينا يموت.
سألته أنا : لقيت يا شيخ الطلسم؟
قال : لا..هو كدب علينا، الطلسم في البيت،فاكر يا باسم الكلام اللي سمعته؟
قلت : أيوة يا شيخنا، الموت لكم، الهلاك للعادل، عهد الخدام، قرون الشيطان، أنت ضعيف.
قال : طيب فاكر قالنا ايه محمد لما جلنا في الجامع.
قلت :أيوة قعد يحكي عن الراجل و الجدي ولا الاسد.
قال : ايوووة، الجدي، بس يا حبيبي العهد كان قدام عينينا، فاكر الصور اللي في الصالة؟
قلت :أيوة افتكرت البرواز الكبير، فهمتك.
قال : يلا بسرعة قبل ما يغيروه.
مشينا، لكن لما قربنا من البيت سمعنا صراخ جاي من البيت ، فتح أبو محمد بسرعة و لقينا في الصالة حاجة محدش فاهمها.
منتظر تعليقاتكم و نقدكم
YOU ARE READING
الراصد
Horrorليس عندكم عندي غير غد أما الرحيل أو الخلاص قصه واقعيه هذه قصة شاب عاش حياه صعبة للغاية قرر اخبارك بها حتي تتعظ شاب تعرف على عالم المخفي من الجان بأنواعه المختلفة و الأساطير الحقيقية و غير الحقيقية . أتمني أن تنول اعجابك سيدتي و سيدي الذي تقرأ . ...