32
فى الجنينه تجلس هيام وعمر يركض بجوارها والفت تتحدث معها وتستمع لما حكاته لها
الفت ...قولتيلى بقا ..طب ناويه على ايه
هيام..مستنيه اشوف تغيره
الفت ..ماهو اتغير اهوا
هيام..لا لسه مش هستعجل المرادى عشان المره دى مش هيبقا فيه فرصه يرجع يتحول واندم تانى
الفت ..طب ما اتاكدى من حبه اهوو يبقا مش هيزعلك تانى
هيام..اه بيحبنى وبحبه بس لازم يغير عشان ما نفصلش تانى حبنا يفضل قوى
الفت ...لا وبتقوليلى انى ذكيه دا انتى طلعتى معلمه
هيام.ههههههههههههههههه بقولك انا رايحه الشركه بقا عشان الموظفين قلبوا دماغى اتصلات
الفت ..ماشى خلى بالك على نفسك
هيام..حاضر وطبعت قبلة على وجنتها واحتضنت عمر وهمت بالخروج وبعد ان ابتعدت فى طرف الجنينه
.استقطعت طريقها هانيا ولاول مرة يتقابلوا بعد ان حبست هانيا نفسها فى غرفتها فى حزن واتضح على وجهها الارهاق والتعب
هانيا ...امسكت يداها بعنف ..مش قولتلك الدنيا ما تسعناش احنا الاتنين
هيام..بلا مبلاه انزلت يدها ..ما بتعرفيش تعملى حاجه فى حياتك غير التهديد شااطرة خالص فيه
هانيا ..بغل واضح ..وشاطرة كمان فى التنفيذ وفى اى لحظه ممكن امسحك وارميكى فى الشارع اللى جيتى منه
هيام..ابعدى عن طريقى احسن ما اوريكى انى فعلا بنت شوارع وانك ما تجيش فى عندى واصرارى حاجه
هانيا ..مش انا اللى اتهز من كلمتين من واحدة زيك
هيام...انزلت يداها ونفضت ملابسها مكان يدها بغرور.. اكيد عشان انا احسن منك ....وغادرت على الفور
هانيا . بغل صريح .والله لاوريكى
----------------
فى شركة هيام
ترحيب تام من المواظفين وتستقبله بفرحه عارمه
وتدخل مكتبها الخاص
ينزوى انور سكرتيرها الخاص بهاتفه مع شخص مجهول
انور ...ايوة جات تجى حالا
..........
لاالموضوع ما يحتملش التاخير
........
احنا اتفقنا خلاص
.......
هستناكى سلام
وبعد ساعات
يدخل انور
انور ...نورتى يا ست الكل
هيام..دا نوركم يا انور
انور ...بلجلجه ااا ...ااا
هيام ..خير يا انور عايز تقول حاجه
انور ... ايوة بس مش عارف اقولها ازاى
هيام...خير محتاج فلوس ولاحاجه
انور ..لا يا ست الكل خيرك مغرقنا دا موضوع تانى
هيام..طب ما تقول
انور ...مش هعرف اتكلم بس فى شخص برة عايز يقبلك اتمنى انك توافقى تقبليه وتسمعى منه
هيام..شخص مين
انور ...ادخلة وتعرفيه بس وحيات عمر ابنك تسمعيه للا خر
هيام..ماشى يا انور خليه يتفضل
خرج انور بارتباك واضح وبعد قليل دخل شخص تعرفه هيام ولكن ظلت تتفرس معالمه لتذكر اين راته
وفجأة اختفت ابتسامتها وعضت شفتها لانه شخص لا تريد رؤته بالمرة
ماجدة ...اعتقد حضرتك فاكرانى
هيام...بضيق واضح اة انتى صاحبت هانيا اعتقد اسمك ماجد ة مش كدا
ماجدة ...مظبوط وخطيبة انور كمان
هيام...ياااه وعايزة ايه
ماجدة ...عايزة اقول الحقيقه
هيام... رمقتها باستفسار حقيقه ايه
ماجدة ...من يوم ما اتعرفت على انور وعرفت ان حضرتك اللى بيشتغل معاها ومعاملتك الطيبه مع المواظفين انا ما كنتش اعرفك قبل ما اقبلك انا وهانيا فى المطعم وبعديها اتعرفت على انور وكلامه كلة كان عنك بالخير حسيت انك ما تستهليش الاذيه وحابه اعترفلك بكل حاجه
هيام...بضيق ...تعترفى بايه
ماجدة ...على الملعوب اللى لعبته هانيا على سامح
هيام.. ملعوب ايه
ماجدة...هانيا وسوست لسامح انها تتجوزه وفضلت وراه لحد ما اقنعته انه ما يستهلكيش وموضوع الورق كمان ضغطت عليه بكل قوتها عشان يستسلملها
هيام...انا عرفت الكلام دا بالنسبالى مش جديد شكرا ليكى
ماجدة...بس الجديد انهامش حامل دى لعبه تانيه
هيام....بدهشه ...بتقولى ايه ومين باعتك تقول. كدا
ماجدة.. صدقينى هى مزورة التحليل زى ما زورت قبل كدا تحاليل انها ما بتخلفش وهى بتهرب من المسؤليه
هيام...همهت فى نفسها طب ازاى وسامح ما نكرش انه حصل بينهم علاقه ...
ماجدة ...خدعته عملتله حفلة وحطتلة منوم فى العصير لانها عارفه كويس ان رافضها تماما ودا عمروا ما هيحصل ابدا
.فلاش باك
بعد ما اتاكدت انه خلاص مش دارى بالدنيا نفذت خطتها بانها توهمه انهم حصل بينهم علاقه وهو سكران سواء بتخلصها من هدومه او بعثرة ملابسها فى جميع اركان الغرفه ومن ثم رسايل وتخبرة و تاكد فعلا انه لم يكن فى وعيه
وبكدا سامح استسلم للعبتها وخال عليه غشها واخترعت موضوع الحمل دا عشان تدخل الفيلا تانى وتطردك
هيام...جلست على كرسيها بدهشه لم تصدق ما سمعته
ماجدة ...استرسلت... وخطتها التانيه كانت سامح بعد اما تطردك كانت ناويه تحط لسامح فى الاكل والشرب حبوب هلوسه تخلى عقلة يشتغل بطريقه مشوشه ويفقد السيطرة على افعاله واكملت بتوتر ...وبالتالى يدخل مستشفى المجانين
هيام....بذعر ....لا ااااااااا من امتى
ماجدة . من وقت ما دخلت الفيلا ...لكن ما اعرفش نفذت ولا لا انا من وقت مااتعرفت على انور وانا قاطعت علاقتى بيها
