Too Young to be Married (Hard Fall Series#3)

Chapter 37

"Brenda bakit?" Nagaalalang tanong ni Clark sa akin.

Kanina pa ako walang imik. Sobrang lalim ng iniisip ko na kahit ako ay hindi ko na din alam ang dapat kong unahin.

"Kaya ko ba?" Wala sa sariling tanong ko sa kanya. 

Ang magkasiklop kong mga kamay ay hinawakan niya. "Ofcourse, kasama mo si Alec siguradong maalagaan ka ng mabuti" pagpapagaan sana niya ng loob ko pero kaagad ko siyang tiningnan ng masama at mabilis kong binawi ang kamay ko sa kanya.

"Hindi dapat malaman to ng pinsan mo" sabi ko sa kanya na ikinalaki ng kanyang mga mata dahil na din sa gulat at pagkabigla.

"What are you talking about, Brenda?" Seryosong tanong niya sa akin tanda na hindi niya nagustuhan ang lumabas sa aking bibig.

Duon na nagumpisa ang pamumuo ng luha sa aking mga mata. I need simpathy, kailangan kong ipaintindi kay Clark na hindi makakabuti na malaman ni Alec ang tungkol sa pagbubuntis ko.

"He's with Ate eva...ayokong bumalik siya sa akin dahil lang dito" garalgal na pagpapaintindi ko sa kanya.

Kitang kita ko kung paano kumuyom ang kamao ni Clark dahil sa aking sinabi. "That's bullshit! Ikaw dapat ang inaalagaan niya, hindi ka dapat pumayag Brenda" galit na sabi niya sa akin pero nanatili lamang akong nakayuko.

"Fight for your rights, ikaw ang asawa" galit na galit na talaga siya kahit kalmado pa din.

Hinawakan ko ang kanyang braso dahil sa aking ginawa ay dahan dahan din siyang napatingin duon. "Please Clark...please" pakiusap ko sa kanya pero tinitigan niya lamang ako.

"Hindi" galit na sabi niya at kaagad na tumayo.

Bigla akong nagpanic dahil sa takot na umalis si Clark para kausapin at puntahan ang kanyang pinsan. "Clark teka....ahhh" paghabol ko sana sa kanya ang kaso ay bigla akong nakaramdam ng pananakit sa aking sinapupunan.

"Brenda!" Nagaalalang lapit niya sa akin at kaagad niya akong binunat na parang bagong kasala at mabilis na binalik sa loob ng clinic ng doctor na kausap namin kanina.

She check me hanggang sa unti unting mawala ang sakit sa aking sinapupunan.

"Mrs. Jimene..." paguumpisa sana ng doctor pero kaagad siyang pinigilan ni clark.

"It's Herrer" seryosong pagtatama niya dito kaya naman napatango na lamang ang doctor.

"Mrs. Herr..." pagtawag niya sana ulit ang kaso ay ako naman ang nagpatigil sa kanya.

"Brenda na lang po" sabi ko kaya naman sandali siyang napatigil na para bang hindi niya alam kung ano dapat talaga ang susundin.

Napatingin ako sa nakatayong si Clark pero sinamaan ko lamang siya ng tingin ng makita kong nakangisi ito sa akin, pinanlakihan ko siya ng mata pero mas lalo lamang niya akong inasar. Isa rin itong bwiset kagaya ng pinsan niya.

"You should avoid stress, lalo na at apat iyang dinadala mo...be more sensitive kailangan mo ng guidance at makakasama palagi. I think i need to talk to your husband para alam niya ang mga dapat gawin, you should be a team here partners kayo sa safety mo at ng mga babies" pagpapaliwanag ng doctor pero napanguso lamang ako.

"Sa akin niyo na lang po sabihin doc" malungkot na sabi ko sabay iwas ng tingin.

Ilang mga paalala pa ang ibinigay ng doctor sa akin. Binigyan niya na din ako ng mga vitamins, lalo na at apat ang nangangailangan ng lakas ko ngayon.