Boyfriend for Rent (COMPLETED)

KABANATA 22

Tangerine's POV

Hinatid nga ako ni Cib sa bahay namin. Parang bigla atang sumama ang pakiramdam ko. Nilalamig ako, mukhang lalagnatin nanaman ako.

"Okay ka lang?" Tanong nito ulit at tila hindi mapakali.

Tumango lang ulit ako.

"Salamat." Sabi ko tsaka tumalikod na.

"Ah...sandali." nilingon ko siya.

"Yung helmet." Ani nito. Ay oo nga pala.

Muli akong lumapit sa kanya at tinulungan nanaman niya akong tanggalin iyon.

Para akong lumulutang sa hangin ngayon. Teka, parang umiikot ang paningin ko. Napahawak ako sa braso niya dahil pakiramdam ko anytime pwede akong bumagsak.

"Anong nangyayari sa'yo?" Tanong niya ulit.

"Umiikot ang paningin ko, nahihilo ako." Sagot ko.

Wala akong inutos sa kanya ngunit bigla niya nalang ako binuhat na parang bagong kasal tsaka ipinasok doon sa loob ng bahay.

Syempre nung nakita kami ni mama nangisay nanaman siya sa kilig.

"Ibaba mo na ako." Bulong ko sa kanya pero hindi niya ako pinakinggan. Instead na ibaba ako ay diniretso pa akong inakyat sa kwarto ko shocks! Syempre iba nanaman ang iniisip ni mama malamang. Hay naku naman!

"Magpahinga ka ng maaga." Sambit niya pagkalapag sa akin sa kama.

"Oo na po. Salamat po." Pabiro kong sabi.

Hinipo niya ang noo ko.

"May lagnat ka. Magbihis kana at bibili lang ako ng gamot mo." Sabi niya at dali daling lumabas ng kwarto.

Hindi ko naman napigilan pa ang sarili ko na ngumiti.

May sakit ako, pero bakit pakiramdam ko ay masaya pa ako? Hay naku Tangerine, magbihis ka na nga! Kung anu-ano pa iniisip mo eh.

I hurriedly changed my clothes tsaka bumalik sa pagkahiga.

Cib's POV

"Oh? Saan ka pupunta? Aalis kana?" Sunod sunod na tanong sa akin ni tita nang makita niya akong bumababa ng hagdan.

"Hindi po, may bibilhin lang ako." Sagot ko at mabilis na lumabas ng bahay nila tsaka pinaharurot agad ang motor ko papunta sa pinakamalapit na drugstore dito sa lugar nila.

I bought everything what she needs basta gumaling lang siya. Pinaharurot kong muli ang motor ko pabalik sa kanila.

"Ano yan?" Tanong muli ni mama Helena sa akin nang makita ang dala dala ko.

"Gamot po para kay Tangerine. May sakit po kasi siya." Marahan kong sabi.

"ANO? MAY SAKIT ANG ANAK KO?" Gulat na sabi nito. So hindi pa pala niya alam.

"Opo." I replied.

"Naku, hindi yan pwede sa kanya. Bawal yan sa buntis." Balisang sabi nito.

"Huh? Buntis?" Si Tangerine buntis? Sino ama? Paano?

"Hay Hijo, sige na umakyat kana doon at ipagluluto ko siya ng lugaw." I shrugged then umakyat na sa kwarto ni Tangerine.

Nakatulog na siya pero kailangan niyang uminom ng gamot kaya ginising ko siya.

"Uminom ka muna ng gamot bago matulog." Sabi ko sa kanya at tila inaapoy na siya ng lagnat.

"Okay." Tipid na sagot nito.