علي :اتقربت منهه تاليا تعبت 😩
تاليا: من شنو تعبت احجيلي 😕
علي: تاليا اني احب .. والاحبهه متحس بيه
تاليا: زين ليش متكلهه انت اتحبهه او اتلمح الهه اكيد حتفتهمك اذا جانت اتحبك
علي :واذا جانت ماعدهه احساس مثلج
تاليا :هااا🤤
علي:توته اي انتي اني احبجججج احبجججج احبججج احبججججججج انتي النفس اليصعد وينزل عندي 😍احجي بهمس واتقرب منهه
تاليا :من كال احبج انسطرت ماعرفت شرد عليه
اشتميت ريحه موطيبه وصحت عييييييييع
علي :شنو عيع اشبيج متحبيني 😡
تاليا : ريحه زفر مال دم بهدومي 🤢
علي:ثول ابراسج هذا وضربتهه 👋عله راسهه انتي مال انعال مو مال رومانسيه 👐
تاليا:ايييي راسي شاطت روحي نسيت اني مظروبه اشبيك كبل بجيت 🤕😭😭
علي:ااووووف اسف والله خوما اتأذيتي 💔
تاليا:اذيت راسي والله
علي :اتقربت منهه وامسح ادموعهه بأيدي
سحرتني عيونهه اباوع علشفتهه👄 مال كرط وعض
متحملت سحبتهه وبستهه وهيه جامده متتحرك خدرت 💋💋💋💋
حسيت عله نفسي من ابو السايبه دك هورن اشتعلت عشيرتك كطعت احله لحظه علينه 👌👌👌
تاليا: بوسته اتجنن اوووف مااحس عله نفسي من ايبوسني كمزنه هذا الاثول الدك هورن مسحت شفايفي وعدلت نفسي وحرك علوشتي السياره 💓💓💓💓
وصلنه البيتنه لكيت بيت خالي يمنه يمكن جايين خطار همه شافونه هيج اني وعلاوي لو اتخبلو
ريم :شفت تاليا راسهه مربوط وملابسهه كولهه دم وعلاوي لازمه وايمشي بيهه اني شفتهم كبل شهكت
وصحت اهلي حته ايشوفوهم
تاليا:اتحمدو النه بلسلامه وكعدو ايحققون ويانه اشصعدج بسيارته وانته اشوداك الهه عاد اني ضليت صافنه مااعرف شنو ارد هستوني كلت اجاني علاوي ونطق ابو الهول والف جذبه وصدكو واني صعدوني للغرفه حته انام لان راسي يوجعني بقيت نايمه
كعدت بردانه كولش وارجف جسمي كوله ايون
وراسي امأذيني حسيت ماما قاست حرارتي وكعدتني اكل
اكلت وسوتلي كمادات لان صايره نار وغطتني ونزلت
اني نمت 😪😪😪
سمعت صوت ريم واحمد اخوي يسولفون بصوت ناصي
احمد:ريم احبج والله بس بوسه وحده 😚
ريم:لا احمد والله اعيط واكعد تاليا اتفظحك هسه 😑
اني اسمعهم واكول هلا هلا اخوي العاشق الولهان 😂😂
سويت روحي نايمه اني واسمع بيهم اني الج ريم اتحبين اخوي واني ماادري لا انوب متنطيه بوسه
بس اخوهه شابع بيه بوس اووف منك يااحمد اشكد فاهي سوي نفس علي واحصرهه وبوسهه
علي : مو هو ابكيفج تفظحني شو تعاي 😙😙
يأ يأيأ لقطه لقطه ولكم ديرو اوجوهكم بس اني اباوع امخليه الغطه عله راسي واباوع الهم امسويه زرف عله كد عيني ومستمتعه بلمشاهده 😂😂
شو اخوي حمه كولش فتح دشداشتهه ونزل عله ركبتهه وصدرهه يأ يأ 😱😱😱غير اكطع علاوي بس ايسوي هيج
قاطعتهم اني وسويت اممممممم عود نايمه علمود ايهد الابنيه شو اندمج هذا 😉
احمد: حسيت عله تاليا اتسوي اممممم كلت هايهيه انفضحنه 😐 كتلهه ريم اطلعي راح ارتكب جريمه
طلعت ريم واني رحت الغرفتي الهث شافني علي
علي:اشبيك تلهث جنت تركض
احمد : هااا. ....لاااا مابيه شي فحطت من الدرج
علي:والله امبين اكو غير شي
احمد :اهوووو علي اشبيك جلبت احجيلي انت شسويت للبنيه التحبهه.
علي ؛افففففف .... شحجيلك اذا كتلهه احبج
هيه صفنت عبالي اتأثرت واتكلي اني هم شو هاي كالتلي عيييييع والله فد غبيه ماكو مثل غبائهه
احمد :هههههههه 😂😂 خررررب يومك اشكد فكر
😂😂😂😂
علي:تضحك علي مووو عساك بوحده تشلع قلبك اكثر من شلعان كلبي دعوه ارمله عدهه جاهل اعور 😑
احمد:هههههههههااايييييي 🤣🤣🤣
ولك هو وجهك وجه ارمله لاتخربه بلحب 🤣
مااحس اله جتني مخده طايره بنص وجهي 😂
......... ......... .
ام احمد :(طبعا هاي الجذبه الخترعهه علي مااخشت ابعقلي امبين عنده سالفه خلي اتصير زينه تاليا وافتهم منهه)
ام علي: ام احمد .. شنو متسمعيني وين صافنه خيه
ام احمد ؛هاا حبيبه والله بالي يم تاليه ....
ام علي :اي والله خطيه اشصاير بيهه الله لاينطيه الدعمهم ....
ابو علي :احنه راح انأجر ان شاء الله علمودنبني بيتنه
ابو احمد :لا يخوي ماحبيتهه منك هاي الحجايه شنو تأجر وتكعد يم الغريب وبيتي موجود
تكعدون ويانه طول فتره البناء انتو اهل البيت احنه النطلع وانتو التبقون
ابو علي :ونعم منك خويه بس ماانريد انزاحمكم
اني هم عندي ولد
ابو احمد :صدك جذب ولدك ولدي خويه ابو علي
اذا ماشالكم البيت انحطكم بعيونه
ام احمد :اي والله خويه بعيوني اخليكم شعندي غيركم اني
ابو علي :عساكم سالمين والله ماتقصرون ادري بيكم
..............
انتقلو بيت خالو يمنه طول فتره البناء
جانت احلى ايام انظل سهرانين وسوالف وضحك
واني مااداوم الحد مااصير زينه
ريومه اتنام يمي بلغرفه وفهد وعلي و محمد (اخو علي عمره ١٥ سنه واخته ساره عمرهه ٩سنوات مذكرتهم ) اينامون بغرفه احمد ☺
ريم :توته ...
تاليا:هااا...
ريم :اذا اتقدملج علي اتوافقين
تاليا:اكيد مااوافق 😑لان اهم شي دراستي
ريم:ليش اشبيج دوافقي والله اخوي حلوو ويشتغل
تاليا:اكلج ريم عندج سويلفه انتي مو خاليه احجيلي بلله
ريم:اااا..هااااا.. لا ماعندي شي
تاليا:ريم ادري بيج اتحبين احمد وهو هم ايحبج لتخافين حته اذا مقبلت بأخوج انتو تزوجون 😉
ريم 🤤🤤🤤ولج اشدراج انتي
تاليا:كالتلي العصفوره 😂
ريم :الله عليج ادعيلنه الله يجمعنه بلحلال لان اخوج ايكول مااريد ازوج
تاليا:شوفي قلبي اذا ايكلج مااريد ازوج لتستمرين بعلاقتج وياه كولشي ايصير فوكفيه عد حده اوووك
ريم:اوووك 😕
.........
وره عشرة ايام
فتحوا الاخياط من راسي ورجعت للدوام
وصلني علي للكليه كال بطريقي اوديج اني
طلعت اصعد وره بلسياره هو صعد وشافني كال اني ابو الخط حته صاعده وره تعاي صعدي يمي
اني عاندت كتله مااصعد عوفني مرتاحه بمكاني
علي:تاليا وتعاي يمي
تاليا:اهووو شيخلصهه وياه 😒
صعدت يمه وكالبه الخلقه
علي:حركت السياره واباوع عليهه فدوه الهلوجه احلى صباح هذا انوب امسويه نفسهه ظايجه
اشبيج ضايجه من الصبح ؟
تاليا:مبيه شي 😏
علي :اي امبين عله وجهج 🙄
علي:اباوع عليهه دايره وجهه حته متباوعلي طلعت اغنيه يهنيالي عليته والدنيا تمطر صدك جو رومانسي 💓💓💓💓💓
يهنيالي ويهنيالي حبيبي يمي هنياليي انه اتمنيت بقلبي بيت واعيشك بلقلب ماليييي
هيه فتحت جهازهه وضلت اتكلب بيه وتضحك واني اغني ويه الاغنيه يمكن تضحك عله صوتي لان عجبهه 😉
هااا عجبج صوتي ؟😀
تاليا:😂😂😂 يمعود اذاني زنجرت من صوتك 😂اكلك ليش متطفي الاغاني احنه منسمع اغاني ☺
عندك مواليد حلوة ؟
علي اي عندي عبالي عادي اتسمعين اغاني (واخيرا اتفاعلتي وياي )شغلتلهه مصطفى الربيعي
هيه كالت اللللللله والله احبهه 😍
لو ادري هيج اتحبيهه جان من البدايه علكتهه الج
اباوع الهه فرحانه واتباوع علمطر من شباك السياره
😘😘😘
كلوله كلوله العشك مشكله 💓💓💓
كالو حبيبك شمس.... كلتلهم احلى 💋
كالولي جنه الكمر ....كلت احلى واحلى😘😘
البقلبي يأمر امر مجبور انه ابقه انتظر🙊🙊
وصلني للكليه واني فرحانه كولش
علي:من اتخلصين محاظرات خابريني واجي اخذج 😉
تاليا:لاشكرا تعبتك وياي ارجع وي البنات 😊
علي ؛ماكو تعب اذا مخابرتيني ازعل هاا
تاليا:اووك ابراحتك 😍
يلله بااي ..
علي :الله وياج محروسه هاا اوكفي لتوكفين وي ذول الزمايل ومتحجين وياهم ومتسلمين عله اي واحد ماشي
تاليا : اوامر تانيه يابيه 🙂
علي:اي اوكفي خلي نصور سناب وروحي 😁
تاليا:لا عيني مااصور امي متقبل والله
علي:مو ابكيفج امج متنزلين اذا مااصور
تاليا:يلله يمعود وراي محاظرات 😑
علي :طلعي اسنونج
تاليا: 😬
علي : 😂😂😂😂خرب عرضج عله هلحركه
تاليا:😂😂😂والله دروح باي
علي؛ بااي
