تاليا: طلعت من غرفتي الغرفه احمد لان جانو الشباب كولهم كاعدين اخذت حلويات علي ورحت الهم
هلوووو 👋
الكل :ياااااهلااااا من طول الغيبات جاب الغنايم
احمد وفهد :هاي شنو بيدج اعزمينه كولي اخوتي خطيه ياكلون وياي 😉
تاليا :تعالو اكلو منو لازمكم
كعدت وطشرت علاكه الحلويات وكعدنه ناكل كولنه
احمد :اي توته ماكلتي ليش بطلتي 🤔
علي:يمعود عوفهه لتبجي شيسكتهه بعد 😑
تاليا:لا عليمن ابجي 😞
ابصراحه معجبتني وبطلت
احمد :متأكده ؟اذا اكو شخص مظوجج بس كولي اموته والله 😡
تاليا:لا ماكو شي ادري بيك اتحب العركات 😂
....... .
ثاني يوم .....
الضهر
ام احمد :عيني ابو احمد اجوي بيت ابو ايهم عله تاليا يردوهه الابنهم وامهم اتكول الولد موظف وراتبه زين ومن يتزوج يبقه فتره سنه ويطلع من اهله لان عنده مشتمل وهمه خوش ناس ونعرفهم
ابو احمد : ونعم منهم ومن اصلهم اسأل علولد واشوف تاليا تقبل بيه لا بس انتي لتكولين للبنيه اي شي والبيه خير الله ايقدمه
ام احمد ان شاء الله
......
وره اسبوع راح ابو احمد وسأل عله ايهم بلمكان اليشتغل بيه ومدحوله بأخلاقه وتربيته
رجع للبيت كال لام احمد تحجي وي تاليا وتشوف شتكول علولد لان مبدئيا ابوهه موافق
تاليا:جنه كاعدين اني وخاله وريم بلمطبخ
وجتي ماما
ام احمد :توته ماما اريد احاجيج بموضوع
ام علي :لعد احنه نترخص
ام احمد: لاحبيبتي اكعدوا انتو مو غربه
تاليا ماما ام ايهم خطبتج لابنهه وهو خوش ولد وموظف ومتعلم وعنده بيت يعني متكعدين هواي يم اهله بس اول سنه وابوج سأل عليهم ومدحوا باخلاقه اشكلتي عليه
تاليا:من كالتلي ماما عله ايهم احس نفسي انسطرت وبطني كامت توجعني مااعرف ليش ضليت صافنه 😟
ام علي :شكو بيهه ليش متوافق والله لو جاي عله ريم جان اكله كبع واخذ ☺
تاليا :اتوقعت خاله ام علي راح اتكول اريدهه العلي لتزوجوهه بس بعد اللي سمعته احس راح انفجر 😢
هسه صدك دخت
ام احمد : ها تاليا اشكلتي ماما
تاليا :خلي افكر كم يوم 😔
ام احمد: خوش اخذي راحتج بلتفكير
تاليا:عفتهم وصعدت الغرفتي وقفلت الباب
اعيوني كامت تحركني احس اكو غصه ابلعومي مكدرت اكتم ادموعي بجيت وانهاريت بلبجي لان ظجت من خاله ليش مكالت اريدهه العلي 😭😭😭
ريم : حسيت عله تاليا وانقهرت
ماما ليش مكلتي اريدهه العلي
ام علي:ليش هو ابكيفي اني اخوج مكايل اريدهه ليش اكعد نصيب الابنيه 😒
ريم:والله ماما مااعرف شكلج 😳
تاليا:ضليت طول اليوم حابسه نفسي بلغرفه اجتي ريم دكت الباب اتريدني اكل كتلهه مااشتهي
ريم:خاله اتكول توته مااشتهي
ابو احمد : اشبيهه تاليا
ام احمد :مبيهه شي بس مستحيه لان كتلهه عله ايهم 😂😂
ريم :(سوده عليه يا توته محد حاس بيج بس اني )
