طلع ايهم ايشوف شكو ضليت بقلق عله اهلي خابرتني ماما كالت عركه بيت ابو سليمة جوارينه وعمهم صعدت لغرفتي بدلت ملابسي اشويه واجه ايهم
شغل التلفزيون وكعد يباوعله بس ولا عبالك عرسان ضليت اغفي وبردانه كولش جسمي متكسر ماادري شبيه كمت ارجف
:اشبيج بردانه شنو تره زين الجو
:اي بردانه حيل
:خاف مصخنه
خلي اقيس حرارتج
حيلل لج راح تموتين 😂
:اسم علي العدويني الموت
:لا بس حرارتج عاليه خلي اشوفلج خافظ حراره اذا ماكو اروح للصيدليه
:ميحتاج بس اتغطه اصير زينه
بطني رجعت توجعني مع العلم متقربلي ايهم ابد
اووووي مامااااااااا 😭😭
ايهم راح للصيدليه واني حيل موجوعه
:سلامتج مصرتي زينه اشبيج تبجين
:ايهم بطني اوووي حموت والله
اهئ اهئ 😭😭
:ليش حته ممتقربلج
:ماادري ...واااي ايهم حمووووووت يمه يمه يمه
:ولج اكعدي بمكان ضاله اتكمزين عندج ولاده
:ايهممممممم راح اجيب بطني بطنيييييي
😭😭
:خرررب لج لتصيحين صوتج شهرتينه
كافي ...زين شنو نوع الالم
نفس البارحه لو غير شي
:اي نفسه 😭
لازمه بطني وعاصرتهه حيل وابجي
:راح اسويلج شي حار اتشربيه حته ايروح الالم خاف مستبرده
ترستلهه البانيو مي حار ونزلت سويتلهه نص كافيه
شربته وشويه خف الالم بس بعدهه مصخنه
ادري شجاج ياعيني مساعه جنج ورده مبيج شي
تعاي نامي سحبتهه ونومتهه عله ايدي ضليت افرك بطنهه وظهرهه حته اتصير زينه واقره عليهه اشويه هدأت ونامت
اني نمت كعدنه عله صوت المنبه كمت اصلي صلاة الصبح وكعدتهه ضلت اتماطل كوه جريتهه من الفراش
لج كومي لااذب عليج مي واكعدج
اييي ماما كايمه بس اشويه
:لا هاي هيه صرت ماما بعد اشوي اصير بابا
اني ايهم مو ماما
:فزيت عبالي ماما اتحاجيني شو طلع ايهم يافشلتي عززه
:اشلون صرتي هسه
:زينه حسيت شي نزل علي حار رحت للحمام اتأكد
اتذكرت موعد الشهريه هيج وقت يعني هذا الالم منهه عززه هسه شكول الايهم وهو ايكلي صلي استغفر الله اشكد عيب ومحتاجه ح...........ت
استحي اكوله
:طلعت ردت ارجع لمكاني انام ولكفني ايهم
:مصليتي شو ؟
:هااا.!!... اي هسه صلي
لبست الجادر علسريع وصليت رحت المكاني
:شبسع خلصتي صلاة لبكتيهه لبك
:شنو صليت تره
ونعسانه اريد انام
:نامي .. بطنج بعدهه توجعج
:هاااا ...... اي قليل
: خلصتيهه هااا وهااا نامي احسنلج
نمت وكعدنه الصبح طبعا ايهم عطله عنده لان عريس
صباح الخير
:صباح النور... وجهج اصفر بعدج متأذيه
:لتخاف علي هسه اخذ مسكن واصير زينه
نزلت جوه يم منار صبحت عليهه عمو بلدوام وماما طالعه للسوك هيه ورواسي وبس هيه بلبيت لكيتهه اتنظف وفحطانه
عاد نظفت وياهه خطيه مقبلت بس اني كتلهه شنو خلص العرس بعد صرت وحده من اهل البيت ميصير مااشتغل ابيتي
نضفنه البيت سوه كالت شنسوي غده راحت فتحت الثلاجه لكينه سمج
كتلهه شنو رأيج انسوي مطبك سمج
:مااعرف اطبخ اني
:اني اعرف ماما علمتني عليه
:اووك اني حساعدج لعد
:منار ثرمت الكرفس واني طلعت سمجتين كبار قطعتهن تلث اقسام راس وصدر وذيل وكليته وسويت التمن وياه البصل ونومي بصره وكرفص طبكتهن سوه خليت وياه السمج وعفته يتهدر
صار لوووز
كملنه طبخ طفيت الجدر
:اكلج تاليا ريحته اتموت احنه منسويه هيج ماما اتسوي تمن عادي واتخلي عليه سمج
:ماما هيج اتسوي ماادري خاف ميعجبكم
اجتي ماما ام ايهم كالت منو طابخ اليوم
كشفت الجدر اشتمت الريحه
طالبين من المطعم اكل
:لا ماما تاليا طبخت اليوم
:يأ عزه العزاج منار اشلون اتخليهه تشتغل وهيه عروس
:حبيبتي ماماتي صرت وحده منكم ميصير ابقه كاعده وانتو اتخدموني
وممشتغله بيت غريب انتو غير اهلي
:ونعم منج ومن تربيتج فدوه الجنتي
يلله خلي انصلي وانصب الغده عله مايجي عمج اليوم زوج رواسي هم يتغده يمنه
كملنه صلاه وحظرنه الاكل صبيته كوله بصينيه جبيره وصفطت السمج فوكه اتخبلو علاكل ايكولون جذب هذا من المطعم مو اكل بيت
وماما اتكلهم جنتي المعدله طبخته
كملنه غده وشربنه جاي ورواسي راحت وي زوجهه البيت فرغ صعدت يم ايهم
استغفرالله اشبيهه ماما متخابرني
احس صاير شي
خلي اخابر
ايهم :اشبيج تحجين وي نفسج
:مبيه بس ماما مدري اشبيهه متتصل علي وريم احاجيهه وهم ماكو
:ايجوز مشغولين ايحظرون لعرس احمد او ماعدهم نت
:لا وين بعد موهسه يزوج احمد
:مااعرف شكلج عوفيهم عله راحتهم ميردون ايزعجونه لان عرسان
اشبيج مصوفره وجهج معاجبني
:اشويه تعبانه من الالم مال بطني
:حكيت لحيتي سالفه بطنهه بيهه انه لازم اعرفهه
:كمت ابحوش بلكنتور معفت شي مدورته بلكي الكه ماما عافيتلي حف.... ت ماكو ملكيت شي
استغفر الله هسه اشلون شكله واستحي انزل الخاله واكلهه هيه ومنار
نزلت جوه ادور ماكو
رحت للهول لكيت رواسي ناسيه حفاظات بتهه اخذت وحده وصعدت فوك شدعيلج يارواسي ربي يرزقج من اوسع ابوابه ويحفظلج جهالج وابو بيتج
دخلت للحمام وطلعت هسه يلله حسيت بلامان
:تاليا شجنتي ادورين
:اااااا....... ماادور شي
:متأكده
:امممم
كعدت يمه اريد اكوله اريد حفاظات بس استحي يربي اشلون ورطه نزلت جوه ودزيتله رساله
:شفت تاليا تنبش بلكنتور وبعدين نزلت سويت سيرج علالم العدهه
طلعتلي الاسباب عرفت عليهه الدوره بس تستحي اتكول اجتني رساله من نزلت
ايهم i want diapers
اني اعرف احجي انكليزي افتهمت عليهه
اتريد حفاظات 😂😂
رحت للسوبر ماركت اشتريتلهه اللازم واجيت لكيتهه فوك بلغرفه خجلانه كلش
ليش مكلتيلي عليج الدوره
:هاااااا 🤤
عززززه وانت اشدراك المن اريدهن ايجوز الغير شي
:ليش مكلتي جاوبي عله كد سؤالي
:زحمه 🙁
:زحمه شنو اني زوجج مو غريب ليش تستحين من عندي تره ماكو داعي للخجل هذا شي طبيعي
بس كليلي كم يوم تبقه
:ايهم شي خاص بيه لتسألني
:هذا الحجي جديد شي خاص وانتي ملكي اني وهم شي خاص معناه اتكولين
:٨ تيام
:افففففففف اني شفتهمت بس اسمي عريس
😡استغفر الله ياربي
:شمر العلاكه علي وركع الباب وطلع
هذا اشبيه كون بيه هذا الالم حته ايحس بس مصلحته اهم شي
.
اجه بليل امطنكر وميحجي وياي
بعد احسن اصلا لتحجي تكطع الهوه المي
..........
بعد مرور سبعه ايام
باجر اخر يوم موو
:شنوو
:يعني اتغسلين قصدي
:امممم
:خوش حجي
:انته ليش ضايج وزعلان تره هذا الشي مو بيدي
:😒
اكلج عليمن طالعه انتي
:بشنو
:يعني منو هلكد تبقه عليهه شو هواي اني امي يمكن تجيهه ٣ تيام ماشمرتي عليهه لو حظي هذا
:ايهم هو هذا موضوع ونحجي بيه
طلعت عله امي ارتاح
:ليش امج هم ٨
:لا ١٠ تيام
:اففففف اففففف الله ايعين ابوج اشلون متحمل
:🤤اصلا انتم عله مصلحتكم ومتحسون بألمنه لو جزء من الالم اليصير بينه عدكم جان عذرتونه عله هذا الشي
:حاسيين بيجن احنه بس هواي ياقلبي مصارت
:اي هواي حاسين بينه 😒
.........
يوم ثاني
اليوم ايهم بلدوام كوه طلع لدوامه وزهكان ميتحاجه
نضفت البيت وكملت شغلي صعدت الغرفتي اخذتلي شور طوووويل وكعدت بلبانيو اريح جسمي
طلعت انتظرت ايهم يجي حته نتغده اني وياه لان مأكلت وياهم
ماما مقبلت كالت اكلي وي ايهم خطيه
الساعه ب٣ العصر اجه
وجهه يزهو بلنصر اسم الله عليه
الله ايساعدك
:هلااا
حظريلي الحمام
:حظرتلك كولشي بس قبل الحمام خلي نأكل لان ميته جوع
:شنو ممتغديه
:اي لتكول اكلت وعفتني والقرءان صدك ازعل 😰
:لا اطمني بعدني
جيبي الاكل للغرفه خلي ناكل
:صعدت الاكل الصينيه ثكيله كوه شلتهه
ايهم من هسه اكولك الصينيه ماانزلهه كوه صعدت والنبي حته كلبي فحط 😧
تعاي اكلي اني انزلهه لطمتي اشبيج
:جوعانه جوعانه
كعدنه نأكل وهو ابد ميسوي واهس للاكل سقطنه الصينيه
:غسلتي بعدج
:اووي ايهم اشبيك غسلت ارتاح
:شبت بيج لتكولين اشبيك لج مشتاقلج صارلي اسبوع محروك الخلفني 😊
:غصيت مي ...مي ... 😧😧
:اشبيج
:لتكول اشبيج هستوك رزلتني من وراهه
مو مااريد اكلك شبت بيك 😑
:ياثوله 😆😆هو انتي كلتيهه ظربتهه عله راسهه خفيف
:😂😂طلعت سهوا
كملنه غده وغسلت الاماعين
:يلله امشي للغرفه عوفي الاماعين منار تغسلهن
:لا ميصير اني اكملهن
:شوفي خمس دقايق اذا ماالكاج صاعده فوك اكلب البيت عله راسج ورب الكعبه 😡
:مينطي مجال تففف عليك
:شنوو شكلتي 😠
: كلت متنطي مجال
:هاا عبالي غير شي
:صعدت وره نص ساعه ضليت احوم جوه خاله دطلبي مني اي شي اسوي اصعدي لزوجج يمه تعبان
صعدت وياليتني لم اصعد
اتقربلي ايهم بس هلمره علخفيف صح اتأذيت بس قليل
:هاا قلبي موجوعه
:لا😐
......
عزمونه اهلي بيت عمو ابو ايهم كولنه رحنه
حاجيت ماما لان متتصل علي
وريم اترزلت طلعت الهه الف عذر بس ممصدكه بيهم ابد
فهد :هلااااتوته اشلونج
:هلوو بيك حبيبي اشلونك مشتاقتلك كومه خابر اسأل اشبيك
:والله ملتهين ياتوته
:خيررر بشنو ملتهي
:مووووو...............
التكمله علبارت القادم
#بقلمي .......#تايا........
