مرت علينه اتعس فتره
بعد سنه من الحادث
رجعنه الوضعنه الطبيعي
بس منكسرين وخاله ام علي بدت تتحسن وظعيتهه
خالو رجع يبني بيتهم وكف عله حيله خطيه و بابا واخوتي معافوه وحده
اما اني جنت يوميه ادخل عله حسابات علي واحاجيه كانما موجود يمي علي وياي مستحيل انساه كلشي اسوي اشوف علي كدامي
الحمد لله صحتي زينه هاي الفتره بس شسوي بصحتي اذا روحي راحت وي علي
.....
ريم: توته امج كالت اليوم نروح وياهه للمجلس لان تعبانه متكدر وحدهه
تاليا: ميخالف
..
ام احمد :ماما تاليا اليوم ترحن وياي
للمجلس ونقره القصيده اني وياج لان نذرت اذا طلعتي بسلامه نقراهه سوه
تاليا :ان شاء الله ماما بس استحي من النسوان
ام احمد :عليمن تستحين اني وياج
وريم ويانه تنطيج دعم معنوي
ريم :اي تاليا اذا تردين اقره وياج 😌
تاليا :لاهايهيه حته النسوان ايدفرنج احمار ويصيح 😂😂😂😂
ريم:زعليييت اني حمار
شوفي منو ايروح وياج 😑
ام احمد :شفايتله الحمار لويشبه ريم 😂😂
ريم:عمه هسه انتي مدحتيني ذميتيني 😂مافتهمت
تاليا:😂😂😂
ريم:اروح فدوه لهاي الضحكه
......
تاليا:
ريمه شبيج ضحكتج شاكه حلكج اكو شي ضامته عليه 🤔
ريم:لا اشبيج شكو قابل😓
تاليا:متأكده
ريم:راح احجيلج وجع ابعينج متنطي مجال ابسرعه تعرف 😑ليكول محقق
امج كالت راح اخطبج العلي 😊
تاليا:هلوهلو اخبار جديده لعد اني وين جنت عن هذا كوله احجي من البدايه شصاير واشلون عرفت اتحبون بعض😛
ريم:حجيتلهه كولشي ........
تاليا :حبيبتي مبروك يروحي ان شاء الله اشوف جهال جهالكم
ريم: فدوه القلبج وانتي هم ان شاء الله افرح بيج
ام احمد يلله يبناتتتتتت وين صرتن
ريم :اي عمه جاييينننننننن
تاليا :زرفتي اذني العوبه بس اتصيح 😏
......
رحنه للمجلس وقريت وي ماما
صح اكو ارتباك اشويه بس ريم انطتني حافز وقريت من قلبي
ام ساري : فدوه القلبج شنو هذا الصوت اليجنن تعاي خلي ابوسج
تاليا : حبيبتي خاله تسلمين 😙
ام ساري : مله ذني الحلوات شيصيرن منج
ام احمد :حبيبه بنتي تاليا وبنت اخوي وجنتي بنفس الوقت ريم
ام ساري : جننتي يم احمد وماعزمتينه عله عرس الولد هاي وحده وياج
ام احمد :لا والله ممزوجته بعدني بس حجزنه الابنيه
تاليا:طبعا مااحجيلكم عله وجه ريم من كالت ماما هاي جنتي
اكرص اريد ضاله بس صافنه عليهن 😂
ريم:اوي اشبيج سمعتي الاني سمعته
تاليا:اي سمعت 😁
ام ساري : خاله تاليا اذا اخطبج من اهلج ينطوج ابني حلووو هسه اشوفج صورته بس اقبلي بيه ايوزنج ذهب 🤗
تاليا:شكد لوكيه هاي كلبت المجلس خطبه
لا خاله اني مخطوبه لابن خالي بس انفقد
ام ساري :اشكلتي خيه ماتنطوهه
ام احمد :حبيبه الابنيه مخطوبه الابن خالهه بس انفقد صارله سنه
ام ساري :اي هلكلتيهه انفقد يعني عادي تزوج هسه خوما تبقه معلكه طول عمرهه
ام احمد :والله مااعرف شكلج الله كريم
ريم:هلوو تاليا من اول طلعه انخطبتي بعد اشتردين لا والمن الساري
تاليا :دخلي اتولي انوب اسمه ساري العبدالله 😂😂
هاي هيه
.......
ام احمد طبعا ام ساري نبهتني عله شغله خوما صدك تبقه تاليا طول عمرهه منتظره علي ميصير
خلي احاجي ابو احمد واشوف
ابو احمد اريد احجي وياك بموضوع
ابو احمد :اي كولي
:اكلك عيوني اليوم ام ساري خطبت
تاليا الابنهه
فاني هم كلت ميصير تبقه تاليا طول عمرهه
منتظره علي
: اي ام احمد صحيح كلامج بس لازم
الاحجايه متطلع من يمنه صعبه
خلي خالهه ايقرر والله كريم
واني مستحيل افتح وياه هيج موظوع
لو تبقه طول عمرهه يمي
.........
تسريع للاحداث
بيت خالو رجعو البيتهم
وعبالك فاتحه عدهم كلهم يبجون اشلون يدخلون للبيت وعلي ماموجود
سوو ثواب وزعو عله روح علي
المندري لليوم هو عدل او ميت
يكولون الرحمه للميت والعدل
فترحمناله
بابا قرر ايفاتح خالو بموضوع خطوبه احمد
ابو احمد : ابو علي بما انه الكل موجودين وكدام هاي الوجه الطيبه احنه انريد بتكم ريم لابنه احمد
ابو علي :والله ونعم منكم ومن اصلكم كبع واخذ بعد اخوك انسه وكفتك وياي طول عمري تبقه دين بهاي الركبه وحمودي ابني ونعم منه ومن وكفاته معدل
ابو احمد :لا يخوي ماحبيتهه منك جا الاخوه المن تنراد انت اخوي الماجابته امي الله شاهد اعزك معزه خاصه
احمد : من فاتحهم ابوي بلموضوع فرحت والله كمت بست راس خالو
وقرينه الفاتحه
كلهه باركتلي
جانت فرحتي ناقصه اتمنيت علاوي وياي
بسس شنكول الحمد لله عله كل حال
تاليا : جنه كولنه ملتمين عماتي وخالاتي واقاربنه بيت خالو واجه فهد كال الريم مبروك مرت اخوي
ريم وجهه صار طماطه كولنه باركنالهه
خالاتي كالن لامي امتكتكاتهه (صعبه شويه 😂) من ورانه ام علي وام احمد
ام احمد :لا والله لامخططين ولاشي وانتن شفتن المرينه هذا حجي زلم واحنه هسه يلله سمعنه حالنه من حالجن
ام علي :ايجوز انتن هيج اتسون مو احنه بس هو كلمن ايشوف الناس ابعين طبعه
تاليا:حل قصفتهن وعلي بعد ايدي
ريم:كبر ذني اشبيهن بس خوش اتسوي امي من حاجتهن هيج
تاليا:اباوع عله خالاتي صوفرن 😂😂😂
ميكدرن ينطقن
دخل يمنه احمد وباركناله وباس راس امي
محد هلهل الخاطر ام علي
هيه مقبلت كالت احمد ابني جا غير هوه بقالي من ريحت علي شنو متفرحن للولد اني اهلهله كلللللللللللللوووووووشششششش
افرحلك من كل قلبي ياماي عيوني
امي شبكتهه وكامت تبجي لان فرحانه لامي من قلبهه
رجعنه لبيتنه بليل
واحمد كام ايخابر بريم ور يم شيحاجيهه اتصور وادزلي 😂😂😂 اخير شي زهكت عليهه كتلهه اموتج اذا دزيتلي رساله بعد اريد انام
...........
بعد اسبوعين
جانو يمنه بيت خالي عازميهم علغده جايين من الصبح حته ايباتون يمنه وانروح انزور نجف وكربلاء ثاني يوم
✊✊✊✊
احمد :اي اي جيتتت
ام ايهم :السلام عليكم
اشلونك خاله احمد
احمد :وعليكم السلام هلا خاله
ام ايهم :بعد خالتك متصيحلي امك
.احمد :اي خاله ادللي
احمد : يوم ام ايهم جوارينه اتريدج
ام احمد :شتريد مكلتلك
احمد :مااعرف بس وياهه نسوان اثنين
ام احمد :خلي تتفظل
ام ايهم :السلام عليكم اشلون خيه ام احمد
ام احمد هلا وكل الهلا بيج عيوني اتفظلي
من بعد السلام
ام ايهم : مثل ماكتلج ام احمد عيوني انتي
ام احمد :الله كريم عيني
ام ايهم يلله احنه نرفع الزحمه
مع السلامه...... ..
يتبع عالبارت القادم .........
#بقلمي .........#تايا........
اتفاعلو حبايبي اذا تبقون هيج مااكمل القصه
