جنت ملتهيه بلهز وهزي هزي جان التفت والكه ايهم منتجي علباب وكتف ايديه وايباوع علي اشلون اركص
:😨😨😨
:كملي ليش وكفتي
:اني حرت وين ادير وجهي خليت وطلعت من الصاله يا فشلتي كبر لفني هسه اني شركصني حظي
ايهم كل ميسألني اتعرفين اتركصين اكله لا وين اعرف هسه طلعت جذبتي
رحت لماما
ماما اشوكت اجه ايهم
:صارله نص ساعه
:هاااا😱😱😱 اني صخمت الشرايع صارلي ساعه اهز معفت ركصه مسويتهه وهو واكف شاف كلشي 😖😖اشكد ثوله اني
:😀😀😀😀 عادي غير زوجج شكو بيهه واذا شافج اتركصين .. لو انتي متركصيله😉
:عززززه ماما انوب انتي والله مااركص استحي اصلا بطلت ركص من ازوجت بس اليوم حميت وركصت 🤣🤣
اكلج هو شجابه وين مااروح لاحكني 😑
:اشتاقلج واجه ايشوفج
ايهم : تالياااا جيبلي كلاص مي
:اييييي ايييييي
انطيته الماما اتوديه اله لان اذا اروح هسه مااظمن سلامتي
اخذته ماما وراحت كعدت تسولف وياه
اجتني رساله
اذا مااجيتي لصاله هسه احركج 😡
الله يحركني اشسويت اني بروحي
دزيتله رساله
ممسويه شي حبيبي ليش معصب 😟
قره الرساله ومرد علي
طلعت ماما واجتي للمطبخ
:روحي زوجج ايريدج 😒شمسويه ومخليته هيج عصبي
:ممسويه شي والله اشبيكم علي
رحت دخلت لصاله
كعدت مقابيله ومدنكه راسي منتظره العقوبه بأي لحظه
:اي ست تاليا من اكلج جيبي لمي اتجيبه وتجين مو ادزيه بيد امج
: مو جنت مشغوله شوي فدزيت ماما
:اهااا مشغوله كلتي بشنو مشغوله بلركص
متزوجلي كاوليه اني مووووو هاي كدام النسوان هيج اتركصين؟؟؟؟ 😠
:ااااا ... لااااا ..... اصلا من تزوجت بطلت ركص 🙁
وبعدين شنو اتكول علي كاوليه هيه الكاوليه بشرفي بعفتي مامقبوله منك ابو ايلين عفته وكمت ردت اطلع
:تعااااااي ... ممخلص كلامي بعدني
:احجي شتريد 😒(كلت خلي اتغده بيه قبل ليتعشه بيه شنو ايكول علي كاوليه عله كم هزه )
:من احجي وياج اكسر راسج اذا رفعتي صوتج بوجهي
:اشبيك احسك اتريد بس تتعارك اليوم شكو هذا كله لان شفتني اركص 😭😭 والله حته الخطوبه مااحظر بيهه اني راجعه للبيت ابقه بغرفتي احسنلي اشو كولشي اسوي ميعجبك واتظل اتصيح علي هاي مو عيشه عله اقل زله سويتهه سالفه
:ايطبج طوب ارجعي للبيت عبالك مسويه فظل براسي بس الخطوبه اتحظريهه غصبا ماعليج اريد اشوف منو اليكسر كلامي
:ارجع للبيت وماارجع وياك خاف عبالك انت اتوديني للبيت والله لو اعرف تكتلني ماارجع وياك
مسحت دموعي وكتله
عندك رزاله بعد ناسيهه اريد اطلع
محجه شي عفته وطلعت حظرت غراضي
كتلهه ماما وصليني البيت عيالي
:هااا شكو اشبيج خشمج احمر باجيه
:مبيه شي
:متأكده.... اذا مبيج شي ليش تردين ترحين لعيالج
:اهئ اهئ اهئ 😭😭😭
ماما شافتني ابجي اجت شبكتني
:يااااا اسم الله الرحمان اشبيج ماما هستوج جنج ورده اتركصين ومكيفه شجاج
:ماكو شي ماما بس اتعرفين خبالاتي من تجي شتسوي ابتسمت بوجهه اطمنهه ماكو شي 😊
:حبيبتي ان شاء الله ماكو شي ماي الورد عليكم سور سلمان ابن داوود يحفظكم من الحسد والعيون
