اسمع صوت ايلين اتصيح واني ادور ومخبوصه ومن ادموعي مااشوف طريقي دورت جوه الجربايه ماكو
كمت اصيح ايلي ماماتي انتي وين
اسمعهه اتصيح ممااا ... اااااا
ولج وينج ايلي حبيبتي
استغفر الله قرده وين وليتي خلي الزمج ابتلي بيج ياحقيره
رجعت للحمام اقتربت للغساله هيه طلعت من المجفف اتسويلي تيااااااا
تضحك الكلبه وفاتحه عيونهه
وتركص داخل المجفف اتريدني اشيلهه
منظرهه ايضحك مكدرت ابسطهه بس عظيتهه من خدهه بعدني واكفه بمكاني صحتلهم لكيتهه كولهم اجوي ايباوعون عليهه داخل المجفف وهيه فرحانه لان الانظار متوجهه عليهه اتصفك بأديهه الصغيره
طلعتهه من المجفف ابوهه باوعلي
:انتبهيلهه مره ثانيه وانتي الوكحه اليوم ابسطج اشلون خاتله هنااا
:محجيت شي ولا باوعتله اصلا لان ظوجني راد ياخذ ايلي من عندي كتله اريد ابدل ملابسهه حجيت بزعل
بدلت ملابسهه المليانه مي
ايليييي بعد اذا اتعيديهه ابتلي بيج ثوله هيه اتباوعلي وعيونهه انملت دموع برطمت وكامت تبجي
ضلي ابجي اني زعلانه عليج
عفتهه تبجي بعدين اجتي تزحف جلبت برجلي عبالك تعتذر مني شبكتني وبقت تبجي 😂😂
اشوووف حبيبتي يروح ماما انتي كافي شنو هلدموع سكتت شلتهه ونزلنه جوه
جيتت عله ابوهه كامت اتناغيله اتضيع شاش حته ميعاقبهه
:اشلون بيه اني افيشششش ياريحتج باباتي
اليوم صيحت عله تاليا كدام اهلي من خوفي عله الشيطانه ايلي ادري بيهه ضاجت بس ميصير اتعوفهه وي الجهال حته تتعلم بعد متبقيهه وياهم
كلت من اصعد اراضيهه
:بقينه للعشره تالي اخذت ايلي وصعدت نيمتهه وبقيت العب بلجهاز نشرت صورة ايهم وايلي من يتعشون علستوري كتبت عليهه الله ايخليكم الي يااغلى من روحي
اشويه وردت علي ريمه
📲:الله يحفظهم الج فدووه لايلي وابوهه اووف لو يمهه اله اعظهه من خديداتهه الحلوه
:حبيبتي انتي ويحفظلج عبوسي واتجيبولنه بيبي عسل نفسكم
: الله يسمع منج ونزوج اني وحبيبي
: اي صح مناوين تزوجون طولتو
: ان شاء الله نهاية الشهر علراتب
:يبوووو علراتب اشلون شغله تعبانه
:شنسوي بعد
:الله ايسهل عليكم ان شاء الله
:امين يارب
نهيت محادثتي وي ريم رحت للحمام غسلت وجهي ولبست ثوب فانيله قصير لون وردي اتمددت علجربايه اشويه وشرف استاذ ايهم طبعا ممهتمتله
ولاباوعتله ابد باوع عله ايلي كال نايمه الشيطانه
مرديت عليه
درت وجهي عنه وبقيت اقلب بلتليفون
اجه حظني من وره
: كافي زعل 🙄
:عفته مااتحركت ولانطيت اي ردت فعل
:مو كلنه كافي شدعوه يابه انطيني وجه عاد
: ايهم اريد انام
:تاليا ... باوعيلي
ادري بيج متنامين هيج وكت
:احجي شتريد (يحجي بصوت ناصي حته متكعد المشعوذه )
: ادري ضجتي لان صيحت عليج بس ساعه عصبيه
:ايهم انت من اجيت من دوامك وانت عصبي علي وكل شوي مسمعني حجايه امظوجتني واكول ميقصد تعبان بس مال اترزلني واتصيح علي كدام اهلك واتكول اني مقصره وي بنتي لاهاي واكفه
لان اني ممقصره لاوياك ولا وياهه بس هيه طفله وتحب تكتشف كولشي بهيج عمر
:انطيني مجال احجي
الكلتيه صح اني تعبان اليوم واعصابي تلفانه وخفت عله ايلي القرده تووتايتي تعبان كولش وراحتي بس يمج اتحمليني لعد الرجال بيمن يطلع حركته غير بمرته
:ايهم عوفني تره كولش ضايجه من تصرفك والله
: توته ... حياتي ... روح ايهم ... ان شاء الله اموت حته ترتاحين مني
:اسم الله عليك لتكول هيج واحنه وين نروح اني وايلي متفكر بينه
:يعني راح الزعل .. وهاي بوسه من شفايفج المعذبتني
: اخذ شفايفي بوسه طويله مال صلح 😅 قطع اندماجنه صوت ايلي وهيه تبجي
:باباتي ابد مو وكتج
:رحت شلتهه من سريرهه اسكتهه
خليتهه بنصنه وكامت ترضع نايمه عله ايدي وابوهه ايبوس بيهه
:امممح 😙 فدوه الروحج حبيبت ابوهه
تاليا تدرين اذا يوم مااشوفكم بيه احس مضيع شي
اضل طول ابيوم ضايج حته من اروح للدوام لو بيدي جان اخذتكم وياي والله
:حبيبي الله ايخليك النه
:اويلييي يامحله كلمة حبيبي بشفايفج
باوعت عله ايلي دترضع من امهه وتاليا تلعب بشعرهه
ايلي امفتحه عيونهه وتباوع عليهه
:اآآآيي ايلي ماما اذيتيني
:اشبيج
:عظتني الحقيره 😖
:حقهه اتعظج شافت ترافتج وعضتج وووويل قلبي اشكد يتحمل بعد
:ايهمم عابتلكم اثنينكم
يلله ولج نامي نعست وانتي كاعده الهسه
ننننننننه
:🤣🤣🤣🤣 والله انتي فد شيطانه اني مشايف هيج طفله اتكولج نننننه معاجبهه حجيج متريد اتنام
: طالعه عله ابوهه المرتب النظيف العاقل صاحب الاخلاق الحميده ايكولون جانو ايسموك بلدربونه فخر العرب قبل
:🤣🤣🤣🤣🤣اشدراج
:العصفوره كالتلي
: والله عصفورتج اخبارهه كلهه صحيحه
:اي لعد اشعبالك
اكولج عيني ست ايلي انتي مناويه اتنامين واني نعسانه فروحي الفخر العرب لعبي وياه لان اثنينكم نفس الشي
:جيبيهه انعل ابو النوم ولج يرحولج فدوه كلهم ذول اول واحد عبيس ابو الوصخ هو وابنه الاجرب
هااا عبيس شوف انتاجنه ولك لو تموت متخلف هيج خلقه جايبلي ابنك المعفن اتكلي احلى من ايلين ولك غير شخية البنات هاي
:ايدز رساله صوتيه الصديقه اليوم مراح انام ادري اني
عباس : ولك ايهم ابني تمساح ايصف بتك شنو هلخلقه الحلوه اني امكيف عندي ولد ولكم وعلي لو بعد ميت سنه مااخلف هيج وجه مثل هاي الملاك
خااااب راح انتظرهه تكبر بلكي اتحن عله ابني وتقبل بيه بعد اخيك رايدهه منك اني
:خبب دكووووووم اني انطيك بنتي تحلم لك بابا هاي ايلين بس ايسويهه الحظ واتكوم اتحب ابنك حظه حلو هذا الاجلح الاملح
: عمي اني من هسه حجزتهه خاف اتكول ايلين لنمر
هااا خوتي هاااا
اسمك لاكلنه وناسبناااا
كللللووووووشششش
:لك ايهم هذا شنو صديقك عزززه اشلون يحجي عله ابنه ويقلد عليه 😂😂خطيه حته اذا اسمر اشبيهم السمران اشو ايخبلون اموووت عليهم والله
: كله هيج ممصدك عنده ولد اليوم جايبه وياه للدوام كال اريد اشوف بنتك بلله الثابرنه بيهه هو شاف ايلين واخذ ابنه وفلت 🤣🤣🤣
هذا فد واحد حشاش والله العظيم ونستنه بلدوام
لج تاليا شوفي بنتج كامت تزحفله من هسه
:اباوع عله ايلين لازمه تليفون ابوهه وتبوس بصورة نمر
عززززه هاي حب من اول نظره اويلي يابه 😂😂😂
:اكلج شنو رأيج اتودين ايلي يم عمتهه
:لا اوديهه ولا اتوديني خليهه يمك
اتذكرت اني ردت احجي وي منار بموضوعهه وي احمد بس مصارتلي فرصه
ايهومي خلي اروح اشويه يم منار وارجعلك
:لازم عجبتج الفكره
:اي تدلل صدك جذب اشعندي غيرك ابو بنتي
اخذت ايلين وغراضهه ورحنه لمنار
✊✊✊
:منووو
:اني تاليا
:اي لحظه توته
:هلاااا والله شكو جايين هيج وقت اريد انام
:حبينه انسير ميصير عابتلج اشلون عمه حقيره 😏
:فوتن بعد اجيتي انتي والقرده بنتج
:يأيأ سوتج قرده ولج لو القرد يشبه ايلي جان كولنه صرنه قروده
:اي هم صدك والله 😂
تعاي يروح عمتج ادري بأمج اتريد تاخذ راحتهه وجابتج يمي
:لا منار لا اني اذب بنتي يم ناس ماعدهم رحمه صارلج ساعه اموكفتنه علباب اني وهذا الملاك الجميل
:فوتي حسيت نفسي وحده حقيره 😯
:اكلج احجيلي من الاخير اشلون اتعرفتي عله حمودي لان اخوج بس اتأخر اشويه عليه ايسويني قرد
:شوفي راح احجيلج بس لتجيبين سيره لاي واحد
:اكيد دادا
:تذكرين من ضربج ايهم واخذوج للمستشفى وصلني هو بوقتهه لان مجان احد موجود من هذا الموقف بدت شرارة حبنه
:اووويلي يابه يووومه الحب يووومه
:هههههه اي قلبي من رجعج ايهم وبيومهه اختنك ورحتو للمستشفى احنه اجيناكم للمستشفى
واهلج جانو موجودين بوقتهه ماما كالت انزلي جيبي شي لتاليا كافي عليهه هبطتهه
نزلت رحت امشي باتجاه المصعد
جان ولد اعترض طريقي
اوكف يحلووو رحت فدوه الهذا الوجه
استمريت بلمشي بسرعه مرديت عليه هو ضل يمشي ابصفي وصلت للمصعد هو صعد وياي كام يحجي
اي هسه راح اتفرغلج ردت انزل من المصعد هو خله ايده علفتحه مال باب
وين وي....
بعده ممكمل حجايته مااحس اله انجر ونشمر بلكاع واجاه بوكس عله عينه
شهكت مفزوعه طلعت من المصعد لكيت احمد نايم عله صدره ويضرب بيه جريته من عنده
كاافي احمد فدوه عوفه خلي ايولي لتخلي الناس تلتم علينه
جريت احمد بلكوه من عنده لوما الولد البلستعلامات جان موته والله
عفته ونزلت بلمصعد رحت متوجهه للمحل سمعت صوت من وراي
اوكفيييي لجججج وين موليه ......
يتبع .......
بارت هديه بمناسبه الالف مشاهده للقصه
شكرا الكم حبايبي استمر بتشجيعكم الي
القصه ممكن اكثر من ٣٠ بارت
#بقلمي......#تايا....#قصه جريئه # قصه رومانسيه #قصه عاطفيه ......
