الساعه ٣ الفجر
ام احمد :جنه كاعدين انصلي اشويه ومااسمع اله الباب يندك كل قوته طلع ابو احمد يفتح الباب اجاني بسرعه كال تاليا عدهه ولاده حظري نفسج ابسرعه
لبست عبايتي وطلعتلهم لكيتهم منتظريني بلسياره وجه تاليا صاير خريطه من الكحله والبجي
كعدت يمهه ضاله امجلبه بيه
ولجججج مامااااا راح اموووووت من الالم 😭😭😭
ضليت اقره عليهه اخذناهه للجده صديقتي اقرالهم
كالت خلي تمشي حته اتصير عدهه ولاده
رجعناهه للبيت مشي هيه تجيهه اللويه وتكعد بلشارع تبجي وايهم ايسكت بيهه ووجهه اصفر عبالك هو اليجيب
وصلنه للبيت
يمه يمه يمه رااااح اموووووووت 😣😣
ولك ايهمممممم شكول عليييييك الله لاينطيك اله اليوم جلبت انت والدكتوره الحقيره
ام احمد :يااااا ولج اسكتي يمفظوحه شجاج
اباوع ايهم وجهه كام ينطي الوان هههههه
ايهم :يلله باباتي مظل شي هسه اتجيبين وترتاحين
تاليا :ايهمم والله راح اموووت من الالم فدوه سوو اي شي بس طلعو الطفل 😭😭😭
:اصبري حبيبتي هسه انروح للقابله وانشوف شتكول
:والعباس مااتحرك بعد اتريدني هيه تجيني ولكم متتتت متتتت متتتت يممممممه 😢😢
ام احمد :صلي علنبي ماما هسه اتجيبين امشي خلي انروحلهه هسه
:والله ولا اتحرك تردوني اروح مشي اكلهم راحححح امووووت 😣😣ماعدكم احساس والله
:خاله خلي ناخذهه بلسياره
رحنه بسيارتي للقابله كالت هسه اتجيب لان واصله حدهه دخلت هيه وامي وامهه اسمع بس عياطهه ساعه كامله اتسب وتلعن بلدكتوره
تاليا :ماماااااا كليلهه مااريد اجيب عوفيه ابطني والله راح امووووووت 😣😣
:اتحملي امي كلنه مرينه بهيج حاله قابل انتي اول وحده اتجيب
:يلله تاليا طولتيهه ساعديني حته اتجيبين
:مااريددد وعلي مااجيب اله ايهم يميييي
اريدددد ايهممم اهئ اهئ 😭😭😭
ماما كليله خلي يجي والله مااجيب اله هو وياي
القابله :ميصير ماما اني اتقيد وميصير ايدخلون كلهم وياج
:ميخالف خليهن ايطلعن وايهم يبقه يمي
:لا حول ولا قوة الا بلله شيخلصهه اليوم صيحوا ايهم
:جنت بره ادعي لتاليا اتجيب بسلامه والقلق سيد الموقف كالو تعال فوت يم تاليا اتريدك
يمعودين شفوت عدلو بدلو كالو تاليا اتكول مااجيب اله ايهم وياي
دخلت يمهه لزمتهه من ايدهه ضاله امجلبه بيه كل قوتهه مسحت وجهه صاير مي عبالك غاسلته ضليت اقره عليهه ساعه اتعيط وساعه ساكته انتهت اخير شي ذبو عليهه مي وضلت القابله اتظرب بيهه يلله صحت بين اعياط تاليا والخبصه الاني بيهه وادموعي وياهه موكفت ولا لحظه سمعت صوت فرحتي الملت الدنيا واني اشوف بنتي لازمتهه القابله وادك عله ظهرهه حته تبجي صوتهه الناعم بشرتهه الحمره شعرهه الرطب من شفتهه ضحكت وبجيت بنفس الوقت شفت تاليا خلتهه عله صدرهه وغمضت عيونه بتعب بقت لازمتهه وادموعهه تحجي
بست راس تاليا واخذو طفلتي لبسوهه ملابسهه وطفلتي الجبيره بعدهه موجوعه وتبجي من الالم كملو كلشي اني طلعت عفتهم ايخلصون الباقي لهنا وتنتهي مهمتي الكلفتني بيهه تاليا
تاليا : من بين الامي وتعبي والقابله كالت بده الطفل يبين صيري قويه كصت من شعر الطفل وخلته عله ايدي كالت شوفي شعره اشكد حلو متردين اتشوفيه
اتحمست اشوفه بعد الم قوي نورت حياتي طفلتي المدلله وجهه احمر ورطب وهيه ترفه كولش اخاف ااذيهه من اشيلهه خليتهه عله صدري وهيه تبجي لزمت ايدهه الناعمه اتجننن مااعرف اوصفهه الكم اصابع صغيره كولش بحيث من لزمتهه ابهامي ابكد ايدهه كولهه فدوووووه القلبهه احلى هديه من ربي واحلى لعابه انتظرتهه تتكون ابطني تسع اشهر ونورت الدنيا بطلتهه الحلوه وشعرهه الاشقر بعدهه مغمظه كالو رضعيهه مع العلم ماعندي حليب
ماما كالت هاي الماده زينه لطفل اتصير قبل الحليب
طفلتي جوعانه وتبجي من الجوع رضعت وسكتت اجتي القابله كالت هاي هديتي للبنوته جابت التراجي وخلتهم بأذنهه وزرفتهم اوووف طيرت روحي من صرخت وهيه بيدي ردت الزمهه واموتهه اشلون اتخليهه تبجي فرفحت بيدي اني من شفتهه تبجي متت لو عندي قوه جان ظربتهه بس مبيه حيل
عاد اشويه وسكتت طلعنه للبيت وايهم الفرحه مسايعته اني نمت لان تعبانه كولش وموجوعه
كوه اتحرك بقيت بيت اعيالي مرجعت لاهلي ايهم مقبل وخاله هم كالت اشلون اول حفيده الي وتاخذوهه وترحون عاد بقيت يمهم ماما راحت كالت باجر اجي واشوفج صعدني ايهم لغرفتنه كال متبقين جوه اريدكم يمي حته اشبع منكم شوف شالني وصعدني فوك اني ولعابتي
