ايهم :اخذنه ايلين للدكتور اني وامي وابوي لان شفنه مثل الطوبه ابطنهه بمكان الصره تاليا مأخذناهه لان هستوهه جايبه مو مال اخذهه كتلهه ابقي بلبيت بقت تبجي عله ايلين
دخلنه للدكتور كالو انتظروا سره الطفله تبجي جوعانه وهذا ايريدني انتظر سره اله اشويه اتعارك وياه ضليت كاعد على اعصابي دخلو اثنين اطفال واحنه سرانه السادس رحت حاجيته
خويه الطفله بعدهه طفله انفاس خلينه انفوت ميصير هيج
السكرتير : كدامك سره ميصير
بحبحهه اشويه بعد اخيك شلت ٢٥ وحطيتهه ابجيبه
عشاك هذا
السكرتير : اي من البدايه وافهمهه هسه بس ايطلعون ذول ادخلكم
:اشتعلت بطن النكلتك ياناقص
ام ايهم :اعصابك يمه شويه هدي
:ميمشي اله بلفلوس كال بس ايطلعون ذول العائله افوتكم للدكتور
:عجيب عله هلعالم كلشي عدهه فلوس
:كامت تبجي ايلين شلتهه اسكت بيهه متسكت صارت زركه حيل رحتله كال يلله فوتو دخلنه للدكتور بلشافعات
السلام عليكم
الدكتور :وعليكم السلام اشبيهه الحلوه تبجي
:دكتور اليوم طلعت بيهه هاي الطوبه ابطنهه ومن تبجي كلهه اتصير زركه فجأه طلعت بيهه ولاحظتهه امهه وجبناهه الك
:خليهه هنا وين امهه
:دكتور امهه عفناهه بلبيت لان هستوهه والده
انخاف عليهه
:الطفله بنتك
:اي بنتي
:لعد منو جاي وياك غير اتجيب امك اختك
:امي موجوده هسه اصيحهه
:اي خلي تجي احتاجهه عوفهه الحلوه يمي وروح
:رحت صحت امي اخذت ايلين ونزعتهه ملابسهه حته يفحصهه الدكتور
:لتخافون ان شاء الله مبيهه شي ايخوف بس عدهه فتق وان شاء الله بلعلاج ايروح اما اذا مراح بلعلاج نظطر انسويلهه عمليه ولتخلوهه تبجي ابد موزين عليهه
:دكتور شنو عمليه بعدهه طفله
:ابني خلي تكبر اشويه واسويلهه عمليه خوما هسه ايصير عمرهه اقل شي سنتين يلله اذا مراح بلعلاج هسه انت ليش متشائم شغله بسيطه
:ان شاء الله ايروح مشكور دكتور
:حبيبي ان شاء الله مابيهه اله العافيه
ام ايهم :يمه بنيتي سوده عليه امنين اجاج الفتق 😢
ابو ايهم :خير ام ايهم ليش تبجين
:ماكو شي حجي شغله بسيطه بس امي امكبره الموظوع
:احجي ولك اشبيهه الطفله لتخوفوني
:يابه ايكول عدهه فتق وبمرور الوقت ايروح لتخافون
: حبيبت جدهه اروحلج فدوه ياجدو بيه ولا بيج
:ابوي شايل ايلين وايحاجيهه هيه فاتحه عيونهه وحلكهه لامته واتباوعله عبالك تفتهم الحجي عليهه
وصلنه للبيت اتلكتني تاليا اخذتهه شايلتهه وتبجي
:يمه بنيتي حبيبت ماما💋💋
:يعني بس هيه حبيبتج واني محد يحبني صرت وحيد فريد
:عوفنه من عندك شكال الدكتور
:شغله بسيطه لتشغلين بالج بس لتخليهه تبجي ماشي حبيبتي
:ايهومي احجي عليك الله لتعبني
:ماعاش اليتعبج ياروح ايهومي
كال عدهه فتق وايروح بلعلاج
:شنوووو ...يمه ابنيتي 😭😭😭
سوده عليه ماماتي
:اسم الله عليج كافي بجي صدك جذب التانكي اشوكت يخلص وارتاح
كافي باباتي مبيهه شي والله
بستهه من راسهه وشبكتهه وهيه مستمره بلبجي
:ايهم بس هيج كال خاف اكو بيهه شي ومتريد اتكولي 😣😣
:يوووو.... يا تاليا والله مبيهه شي بعد
اسكت بتاليا وبجت ايلين
هسه اشلون بلله اسكتج اسكت بنتج 🙄
:سكتنه اثنينه 😟
:طفلتي المدلله انتي بلله بجي وخليج قويه يلله باباتي كومي رضعيهه ميصير تره جاعت
:كايمه 😊
شلت ايلين حته ارضعهه متنطي مجال بنتك عليمن طالعه يوووومه يووومه فديت العيون الحلوه اني
اوووي اووي شوف اشلون مليانه دموع اعيونهه
