نرجع اشويه للماظي .
ام ايهم :احنه جايين للمره الثانيه نخطب تاليا لايهم
والولد رايد الابنيه عله سنه الله ورسوله
والله يا ام احمد هلولد هذا شلع قلبي اريد ازوجه وارتاح
ام احمد وام علي 🤤🤤🤤في حاله صدمه من اليسمعوه
ام احمد : مااعرف شكلج حبيبه بس القرار يم ابوهه ويمهه وعلاغلب ميتم هذا الزواج لان بعدهه الابنيه عله ذمه زوجهه فيمكن ميصير تزوج حاليا
ام ايهم :لاعيوني ابني معاف سيد مسأل بخصوص هذا الموضوع واتأكد بنفسه بس مع ذالك انتو ادانشو بلموظوع بيناتكم فدوه لاترجعونه هلمره
ام احمد " الله كريم يابه
......
تاليا من سمعت بأم ايهم يمنه كلبي كرصني كلت عدهه سالفه اكيد فبقيت بغرفتي منزلت وريم يمي
من راحو يلله نزلنه
ام احمد :انتن وين غطيتن كل هذا الوقت
ريم وتاليا جنه فوك بغرفتي
ام احمد :تعالن ساعدني يلله
....
غلغده خاله ام علي فتحت الموظوع
كالت الخالو عله ام ايهم انو جايه تخطبني
اني كبل شركت 😧 😫
ريم واحمد :اسم الله اشبيج
ريم جيبيلهه مي
هاج شربي كاعد تحجين بداخلج وغصيتي 😁
:ريم ولي مني كح كح (مااعرف اسويلكم الكحه بس اتعرفوهه من تنشحطون وكوه يطلع صوتكم 😂)
خالو حجه كال ابو احمد ميصير تبقه الابنيه لاهيه للسما ولاهيهه للكاع خلي تشوف حياتهه
ابو احمد :خويه كلامك علعين والراس بقت يم تاليا الشغله هيه اتقرر
ها بابا اشكلتي
تاليا :بابا اني مااريد ازوج مستعده انتظر علي الحد ميرجع 😭
عفتهم وكمت بابا صاح وراي هو وخالو
اوكفي بنيتي ميصير هيج كل منفتح الموظوع وياج تبجين خلي نفتهم ليش رافظه
بابا كتلك مااريد ازوج اني احب علي
اشلون اتريدني ازوج شخص غيره
ابو علي :لا خالو تاليا اني مااقبل بهذا الحجي
ابني راااح افتهمي ميرجع بعد ماتتتتت
لا خالو لتكول هيج علي مميت والله قلبي ايكلي عايش
تالياااا اقلبي بأيهم واذا ماقبلتي بيه بعدد تنسين عندج خال افتهمتي لو لا
خالو افهمني 😭😭
كافييي انته كلامي
😭😭😭😭مااريده مو بكيفكم 😭😭😭
عفتهم وصعدت فوك
ابو احمد :خويه هدي اشوي ميصير هيج هدي اعصابك ليصعد ضغطك عوفهه متريد تزوج
ابو علي :لا لازم هيج ايصير انت متعرف بتاليا شصاير بيهه عايشه على ذكرى علي هذا الكلام لازم من قبل احجيه مو هسه بس شوفهه شصاير بحالهه جانت مثل الورده المفتحه
