ابو احمد : احنه انريد القرب منكم انتو خوش ناس ومعدنكم طيب واحنه رايدين بتكم لابنه
ابو ايهم :نتشرف بيكم انتو اصل الطيب
اتكبع وتاخذ اخوي ابو احمد بس احنه لازم انشوف رأي الابنيه هاي الامور انتو اتعرفوهه
:اي لازم ومن حقكم احنه اهل ومابينه هاي الشكليات اني منار اعتبرهه مثل تاليا بنتي اعزهه من معزت ابني فياخويه انت شوف الابنيه شتكول ورجعولنه خبر
: انتو اكثر من اهل الله شاهد علي ورسوله ان شاء الله الابنيه الكم
:تسلم بعد روحي الله ايديمك
:سمعت بيهم يردون منار اتفاجأت وفرحت بنفس الوقت لان خوش ابنيه اني راح ايصيرلي سنتين وياهم مايوم شفت عليهه شي موزين تستاهل احمد وهو هم يستاهلهه اترخصت منهم ورحت يمهه جنت شايله ايلين بيدي من شافتهه اخذتهه مني بنتي الوكحه بس اتشوف وحده من عماتهه اتجيت عليهن وتكعد اتناغي امسويتلهه جو بلبيت
هاا منوو اكيد سمعتي عليمن جايين اهلي
:اي سمعت 🙃
:يعني موافقه اهلهل
:هههههه اي موافقه😅
:كلللللوووووووشششش
مبروك قلبي الله يتمم الكم عله خير
بس انتي وراج سويلفه مو خاليه لازم اعرفهه
خلي يرحون ونشوف شعندج
:يمه منج توته ميخفى عليج شي 🙄
:امممم شعبالج لعد
يلله مرت اخوي مااوصيج ديريبالج عله ماما وبابا واخوي اهم شي 😉
:بعيوني كولهم حماده واهله
:هلا هلا حماده ويلي وويل قلبي 😂
رحنه كعدنه يمهم اني ومنار
ام ايهم : هاا شكو شو صوت هلاهل
:ماكو شي ماما سلامتج 😉 بس اكو ناس ايكولون اموافقين فكلت خلي اهلهل لاخوي وحماتي يستاهلون 🙄
دااحجي وانكرصت من منار عافتنه وكامت عود خجلت 😂😂
ابو ايهم :انتو اهلنه بعد ومادام سمعنه الموافقه نكول مبروك عليكم
:الله يبارك بيك عمو
:مبروك وليدي الله يتمم الكم عله خير
:الله ايبارك بيكم
:اني ناذره بس اخطب لاحمد اهلهل
كلللللللللووووووشش
:هلا بماما هلا طكينه بزبيب انريد هوسه
:يااا فلشج ان شاء الله يمعزايه كدام عمج تردين صوتي يطلع
:ماما عليج الله امشي بلصاله يم منار
:اي ام احمد حبيبه كومي هناك خلي الزلم يتفاهمون براحتهم احنه هم ناخذ راحتنه
:يلله لعد امشن .. تعاي ولج اطيني ايلي حبيبة بيبي اليوم مشبعت منهه
: دشوفيهه اشلون فرحانه اتوزع ابتسامات خلصتهه
:ارووح فدوه الحلكهه الحلو 😙😚
:يلله ماما ماادام كاعدين ومنوره يمنه هوسيلنه والله ضايجين
:ولج ميصير هوه هسه اليهوس
:حبيبه هوسيلهه خطيه اتظل بنفسهه الهوسه فرحانه باخوهه خليهه
:بعدنه نحجي ودخلت النه رواسي هيه وجهالهه
سلمنه وكعدوا وكالتلهه خاله خطيه كولش فرحت لاختهه عاد رواسي نفسي اتموت علطربكه كالت الماما هوسيلنه
