Aswang, kapre, engkanto, diwata, at mga anito, ang akala ni Arki ay kathang isip lang ang lahat ng mga kinwento sa kanya noon ni Lola Bangs. Wala siyang kamalay-malay na isa pala siyang binukot o prinsesa noong ika-16 siglo na dinala sa kasalukuyan...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
ＡＮＧ ＨＵＬＩＮＧ ＢＩＮＵＫＯＴ Sa panulat ni AnakniRizal (Demi Abilon) Genre: Fantasy, Teen-fiction, Adventure
Ang binúkot ay isang babae na itinago at ikinulong sa isang madilim na silid ng bahay. Hindi ito pinapaarawan, at hindi rin pinapatapak sa lupa dahil tinuturing itong sagrado, at halos mistikal. Ang binukot ay isang prinsesa.
✧༝┉┉┉┉┉˚*❋ ❋ ❋*˚┉┉┉┉┉༝✧
ＤＥＤＩＫＡＳＹＯＮ Iniaalay ko ang kwentong ito para ipagpatuloy na buhayin ang makulay na kultura at mitolohiya nating mga Pilipino.
✧༝┉┉┉┉┉˚*❋ ❋ ❋*˚┉┉┉┉┉༝✧
ＰＡＵＮＡＮＧ ＳＡＬＩＴＡ ＭＵＬＡ ＫＡＹ ＡＮＡＫＮＩＲＩＺＡＬ (ＤＥＭＩ)
Magandang araw!
Kung binabasa mo ito ay tiyak na interesado ka sa genre na adventure, romance, at fantasy. Ang unang yugto ng kwentong ito ay nakatuon sa normal na mundo at sa ikalawang yugto makakarating ang mga bida sa mundo ng pantasya.
Nawa'y basahin mo muna ito para sa mga PAGLILINAW.
✺Una, ang mga larawan na ginamit ko sa loob ng kwentong ito ay hindi ko pagmamay-ari at binibigyan ko ng credit ang mga totoong artist. Naglagay ako ng mga larawan upang mas ma-imahe n'yong mabuti ang mga eksena at mga mababanggit na halimaw, lugar, atbp.
✺Pangalawa, nais kong i-promote ang Filipino Mythology sa kwentong ito lalo na ang mga hindi pamilyar. Subalit limitado ang mga impormasyon na nakakalap ko dahil kaunti ang mga sources, kung kaya't pinalawak ko ang ilang konsepto gamit ang aking imahinasyon.
✺Pangatlo, maglalagay ako ng glossary sa bawat dulo ng kabanata para ipaliwanag ang mga hindi pamilyar na salita, mga Pangalan na gagamitin na hinango sa kasaysayan at mitolohiya, atbp.
✺Pang-apat, ang lugar at panahong kinalakihan ng mga pangunahing tauhan ay moderno kung kaya't ang mga pananalita nila ay maypagkamoderno rin. Kung may mga makikita kayong maling grammar ng tagalog, mga salitang tagalog na hindi angkop, ipagpaumanhin n'yo sana at bukas ako sa pagkakatuto.
✺Panglima, kung interesado kang matutuo ng Baybayin ay mayroon akong video tutorial sa youtube. Hanapin mo lamang ang channel na "Tales of Demi", sa profile ko matatagpuan ang link.
