زمن القلوب الحقيرة

البارت الرابع عشر

زمن القلوب الحقيرة
علي البدر
البارت الرابع عشر...
....
....
...
جانت ايامنه تمر بساعات صعبه ونعيش حالات توتر بسبب الصار بين اهلي وصفاء....
اني جنت شاردة بأفكاري وذهني ولا كأنما انا جزء من صراعات البيت...
جنت كل ساعه اروح للحمام اشوف بطني اتلمسه واشوفه كبر لو بعده....
وره ما اخذ الوي المحل من صفاء وكسر غراضه وسداه كم يوم رجع فتحه وسواه معمل زاهي وظل يشتغل ليل ونهار وجان المعمل يشتغل يدون مايوكف .....
....
....
ظل صفاء يحاول ويه امي واحنه هم جنه لجانب صفاء نريد امي تقنع تخطب انتظار من صفاء بس امي جانت رافضة وماجنه نعرف شنو سبب الرفض ....
ومن كثر الضغط على امي من صفاء ومن عدنه وافقت  امي تروح وتخطب انتظار لصافي....

....
....
راحت امي هي و خالتي واختي زينه لاهل انتضار...
...
...
جنت واكفه وره خالتي وكالتلي امي ...
زينه بس انه وخالتج نحجي....انتي تسكتين...
ودخلنه لبيت اهل انتظار....
استقبلتنه ام انتظار وبناتها ...وجان عدهم علم احنه جايين نخطب بتهم لصافي

بدت امي تسولف وي ام انتظار وكالت الها اني جايه اخطب بنتج انتظار لابني صفاء بس لازم تسمعون شروطي مالت الزواج ...

انه جنت كاعده وشفت جيتي انه وخالتي مالها داعي لان امي حاطه خطتها وشروطها مقدما
.....
....
شرطت امي عله اهل انتضار وكالت الهم.....

مادام بتكم انتظار تحب ابني لازم تقبل بشروطي .
ردت عليها ام انتظار  وشنو هيه شروطج ام زينه
.....
.....
اسمعي انتظار انتي وامج واخواتج ....
غرفه ما اشتري ولا اكو غرفه بالعرس....
والفرش حصيره ومدات وزوالي
واشتري الها كاونتر وبوفيه ....

....
....
وعرس وخبصه ماكو ما اسوي .....

والحاضر ميتين الف والغايب مية الف يعجبكم هذا الحجي اهلا وسهلا  مايعجبكم بكيفكم.

كالت ام انتضار لامي ...
.....
....
اكلج خيه وين اكو هيج حجي  .....
بتي شبيها وتخلين الها هيج اشروط عود احنه اهل ......
موعيب جايه من وره خشمج تخطبين.....

ام زبنه من الاخير  مالكم قسمه يمنه .....
اذا اولها وانتي مسطره كومه شروط .من يتزوجون ويستقرون شلون .....
وصدك ماتفقن امي واهل انتظار وطلعنه....
......
.....
جنت حاطه لعابتي عله بطني واتذكر ذاك الموقف الخسيس اللي سواه بيه فؤاد وجنت احجي وي لعابتي واكلها .....
انه ادري من احجيلج راح تصدكيني  وتدرين بيه مظلومه ....بس عفيه كليلي انه حامل من فؤاد لو لا...
هو باسني بحلكي وامي دوم من اكلها شلون صرنه تكلي ابوكم باسني بحلكي وصرتوا .....فدوة احجيلي حامل انه لو لا ...ةبجيت وحطيت اللعابه عله كلبي

جنت اشوف صفاء منتظر على نار امي وزينه وخالتي ومنتظر رد اهل انتظار وجان متاكد منهم يوافقون....
شوية رجعن اختي وخالتي وامي....
وتلكاهم صفاء