زمن القلوب الحقيرة

البارت الثامن عشر

زمن القلوب الحقيرة
علي البدر
البارت ١٨
. 
. ..
...
مرت السنه الثانيه ووفيه هم ماحملت ولا اكو اي علامات للحمل وامي مخلت شي ماسوته ولا خلت مكان او دكتور او اختصاصي نسائيه ماراحتله ......
ونفس الكلام ينعاد من الدكاتره ....

وجان  صافي يرد نفس الرد.....
يمه شوكت مايجي هله بيه.....
بعدنه ازغار ممستعجلين عالاطفال والدوخه.....
وامي جانت دوم تكله اريد اشوف اطفالك والحك عليهم ويكبرون وياك.....

.....
....
علاقتي بوفية زوجة اخوي صافي جانت قوية واحترمها وتحترمني وتحبني واتشاقه وياها واضحك ...

فد يوم جنت وي وفية بالمطبخ وجانت الدنية باردة وليل واحنه جنه بنص الشته ......
وجانت هي تسوي عشه باذنجان وطماطه واني واكفه يمها ....
اجتني فكرة احاجيها عالسواه فؤاد بيه لان هي فتحتلي كلبها وحجتلي عن حياتها من جانت ببيت جدتها
جنت متردده احاجيها ع سالفتي ......
بعديت ....
كلت هيه مزوجه وتفهم وبالذات اذا كتلها انو جنت زغيرة وكتها ومافهم شنو السالف...

ردت احاجيها بس هم انربط لساني وماكدرت احجي كلمة وخفت احجي.....
بس كلت اسئلها سؤال ع الماشي.....
كلت الها .....
اكلج وفيه انتي هم تحبين صافي .....
كالت اي احبه واموت عليه . ...
هذا صافي الروح ....

....
...
كلت الها ماخفتي من ازوجتي وانتي صغيره .....

كالت لا مخفت ....
بس اول ليله اكيد كل بنية تخاف منها ...

كلت الها ليش اول ليله شنو يخوف بيها ....

كتلها هيج واني منتضره اجابتها ع فارغ الصبر ومفتحه اذني اريد اخذ الحجي من حلكها واضمه بكلبي والكه حل لمصيبتي مال فؤاد....

ضلت تضحك وفية وكالتلي.....
حنونتي  اسئلتج اهواي ودقيقه ومركزه..... ...
.....
...

كلت الها الله عليج وفية جاوبي ....
ليش اول يوم تخافين .....

كالتلي وج حنونه  مو البوسه تصير قويه وتختلف ........
وسكتت وهيه تتبسم ....
.....
.....

رديت كلت الها اخوي مو يبوس بيج ليش لهسه موحامل..   
كالت حبيبتي حنونه هذا الامر  بيد الله جانت تحاجيني وهي تضحك ....
.....
....
حسيت اهنا السمه طاحت ع راسي صدك ضجت وكمت من يمها واني الرجفه لزمتني......

دخلت للحمام وانه اسولف وي روحي ........

....
....
صافي صار سنين يبوس بمرته وماحملت واني ع عيني بوسه من فؤاد حملت..( جنت متصورة نفسي حامل ومنتظرة بس بطتي تكبر) .....
.....
....
غميت روحي وبجيت وضليت اسب بفؤاد وبالساعه السودة العرفته وشفته بيها

ضليت ابجي واني بالحمام لحد ماصاحولي ع العشه ...
.....
.....
طلعت من الحمام عيوني مورمه من البجي وحمر....