زمن القلوب الحقيرة

البارت الثاني والعشرين

زمن القلوب الحقيرة
علي البدر
البارت الثاني والعشرين
.....
....

اعتزلت روحي كلشي
وصرت مابيه حيل حته  ابجي ....
احس حته دموع ماظلت بعيوني
.....
.....
كعدت بلصاله مال السطح....
جنت احس بتعب والم وقهر وضيم وفقد جان هذا اسوأ يوم شفته بحياتي ....
جانت عدنه كواني مال هدوم متروكه فوك السطح .....
انتجيت عالكواني....
وكعدت اعيد شريط حياتي......

اتذكر صافي واتنحب وابجي بحسره .....
...
ولك صافي ....شفت انواع التعذيب من ابوي وسواك حرامي ولبساك هدوم نسوان وانسجنت ومانهزيت
.....
ولك صافي حجايه  من  امي هزتك ولك ليش هيج يصافي ....
انه مو كتلك امي معصبة بس تهدى وحاجيها.....
....
....
ليش تروح تشرب سم .....
مافكرت بينه ياهو النه...
ليش ماصحتني اشرب سم وياك....
....
ااااخ ياصافي ياكسر كلبي الماينجبر
....
...
بجيت لحد ماحسيت خشمي طك دم وسواد قوي صار كدام عيوني وانغمى عليه .....

....
.....
كعدت بليل واني نفس مكاني محد تفكدني كلمن لاهي بضيمه .....
......
حسيت شعري يابس وبي رطوبه وملابسي شبه غركانه عبالي عركانه .....
.....
اكو كلوب لسطح خافت ضواه بديت اتلمس راسي ووجهي وملابسي واباوع لايدي كلها دم....
.....
....
الكاع كلها دم وجسمي كله دم
...
  
كلت والله اجاني عزرائيل واجاني الموت وانه مستعده يريت ياخذ روحي يم صافي...
...
احاول افتح عيوني  بس ماكدر ....
جوع وانكسار وخوف وارهاق وتعب
   
....
جنت مرعوبه من الدم الساح مني  ماحسيت بشي وغفيت وماكعدت الا ثاني يوم.....

كعدت لكيت الارضيه متروسه دم ...
اريد اكوم ماكدر.....
احس دم ينزل مني هوايه...
شعري تبلل بدمي ....

يومين اني بلسطح محد سائل عني ....
....
  بس اسمع صريخ امي وخواتي ماعرف شكد ضليت فوك ....
.....
غمضت عيوني وكلت بلكي اموت....

كعدت عله صوت ابوي وامي وخواتي....
شفتهم كلهم يمي
  وامي تدك وتلطم .....وتصيح حنونه ماتت ماتت بنيتي يابوووويه
....
وجان ابوي حاطني بحضنه ويصرخ وخواتي يبجن...ويلطمن وشعرهن منفوش

فتحت عيوني مغوشه ماشوفهم عدل بس اميزهم من اصواتهم......
.....
اسمع امي دكول راحت بنتي يمه حنونه.....

انتحرت مثل اخوها يمه....صافي يمه حنونه لاتخلوني
ربي منو الي خلصو جهالي....
عزرائيل عاف البيوت كلها وتفرغ بس لبيتي....
.....
.....
ماعرف شنو جاي يصير وياي
....
...حسيت ابوي نزلني وشالتي  .. والدم غركني ماعرف شنو سببه بس جنت ساكته ولساني معكود وعيوني تسولف حالتي ....
....
....
اخذني ابوي وطلع يركض بيه بالشارع ويبجي ويصيح....
ولكم ماتت الحنينه مات الورد ....ولكم الله اكبر امس صافي واليوم حنونتي
يربي لاتاخذ عمرها اخذ عمري انه ...
انه شسوي بروحي المن ضال يربي وجهالي واحد وره الثاني يطيحون
...
....
طب ابوي  للمستشفى ومن دخلني تلكتنه الممرضات وابوي يدك عله راسي اضعاف اللطم اللي دكاه عله صافي ...
حطوني ع السديه وتفحصوا جسمي ...
وكالو بيمن مضروبه هالطفله سجينه لو طلقه وهلكد نازفه ....